Morgunblaðið - 24.04.2008, Blaðsíða 1

fimmtudagur 24. 4. 2008
viðskipti mbl.isviðskipti
Markaðsstjóri Glitnis í Noregi undirbýr sig fyrir maraþonhlaupið í Osló » 16
VELTA í kauphöllinni á Íslandi nam
32,6 milljörðum króna í gær, þar af voru
28,6 milljarðar með skuldabréf. Mest við-
skipti voru með bréf Glitnis, fyrir um 1,5
milljarða króna, sem er nær 40% af heild-
arhlutabréfaveltu gærdagsins.
Lokagildi úrvalsvísitölunnar var 5.203
stig eftir 0,6% hækkun. Mest hækkuðu
bréf Össurar hf., um 3,3%, og Existu,um
2%. Á móti lækkuðu mest Atlantic Air-
ways, um 10,4%, og Flaga, um 4,5%.
Næsta mánuðinn munu kauphallarfélög
birta afkomutölur sínar fyrir fyrsta fjórð-
ung ársins, Nýherji og Eik banki ríða á
vaðið nú fyrir helgina.
Gengi krónunnar styrktist um tæpt 1%.
Bandaríkjadalur kostar nú um 74 krónur
og evran um 118 krónur.
Skuldatryggingarálag bankanna lækk-
aði, Kaupþings um 75 punkta niður í 500,
Glitnir fór úr 600 punktum í 525 og Lands-
bankinn lækkaði um 25 í 375 punkta.
Bréf Glitnis 40%
af hlutabréfaveltu
NÝHERJ sendi frá sér uppgjör í gær-
kvöldi fyrir fyrsta ársfjórðung þessa árs,
fyrst félaga í kauphöllinni. Þó að sala hafi
aukist miðað við sama fjórðung í fyrra þá
fór félagið ekki varhluta af þróun geng-
ismála í upphafi árs. Gengistap á fjórð-
ungnum nam 430 milljónum króna og tap
Nýherja nam 341 milljón, borið saman við
104 milljóna hagnað eftir sama tímabil í
fyrra. EBITDA hagnaður tímabilsins nam
um 145 milljónum króna, svipað og í fyrra,
og tekjur jukust milli ára um rúm 40%,
námu 3,3 milljörðum. Þórður Sverrisson
forstjóri segir kjarnastarfsemina vera öfl-
uga og er bjartsýnn á afkomu ársins.
Gengistap Ný-
herja 430 milljónir
Eftir Bjarna Ólafsson
bjarni@mbl.is
RÉTT var af íslenskum fjármála-
fyrirtækjum að nýta þann byr sem
bættar aðstæður heima fyrir og
framboð á fjármagni á alþjóða-
mörkuðum gaf þeim, að mati Björg-
ólfs Guðmundssonar, formanns
bankaráðs Landsbankans, en hann
ávarpaði í gær aðalfund bankans.
Sagði hann að ýmsir hefðu látið í
veðri vaka að íslensku bankarnir
hefðu farið of geyst meðan vel lét á
fjármálamörkuðum og ættu jafnvel
sök á því ástandi sem nú ríkti og ein-
kenndist af hættu á samdrætti,
verðbólgu, háum vöxtum og lækk-
andi gengi krónunnar. Taldi hann
rétt að líklega hefði verið farið of
geyst. „Eftir sem áður er ég þeirrar
skoðunar að við gerðum rétt. Við
nýttum byrinn sem bættar aðstæð-
ur heima fyrir og framboð á fjár-
magni á alþjóðamörkuðum gaf okk-
ur,“ sagði Björgólfur.
Í máli sínu vék Halldór J. Krist-
jánsson, bankastjóri Landsbank-
ans, einnig að aðstæðum á erlend-
um fjármálamörkuðum og áhrifum
þeirra hér á landi.
Við núverandi aðstæður skipti
höfuðmáli að sýna fram á sterka
fjárhagsstöðu og styrkja undirstöð-
ur bankans meðal annars með því
að fjölga enn frekar stoðum fjár-
mögnunar, styrkja lausafjárstöðu
með þróun nýrra innlánsleiða og út-
gáfu á eignatryggðum skuldabréf-
um og draga úr vexti efnahags-
reiknings. Sagði hann að
endurverðmat á áhættu á alþjóðleg-
um fjármálamörkuðum leiddi til
aukinnar áherslu á hefðbundna
bankastarfsemi og væri slíkt um-
hverfi hagstætt stofnun eins og
Landsbankanum, sem byggði á al-
hliða fyrirtækjaþjónustu og sér-
hæfðri alþjóðlegri lánastarfsemi.
Varfærin vaxtastefna
Sigurjón Þ. Árnason, bankastjóri
Landsbankans, sagði í ávarpi sínu
að staða Landsbankans væri afar
traust miðað við sambærilega
banka erlendis. Þrátt fyrir að bank-
inn hefði vaxið mikið undanfarin ár
hefði vaxtastefna hans verið var-
færin. Í stað þess að kaupa stór er-
lend fyrirtæki dýru verði hefði
bankinn frekar keypt smærri ein-
ingar sem hefðu verið í góðum
rekstri og gæfu möguleika á áfram-
haldandi innri vexti.
Þá væru hreinar vaxta- og þjón-
ustutekjur um 85% af hreinum
rekstrartekjum bankans og gæfi
það greinilega til kynna að tekju-
grunnur hans væri traustur. Þá
benti hann á að arðsemi eigin fjár
undanfarin fimm ár hefði að með-
altali verið um 36% og væri það með
því hæsta sem gerðist í heiminum.
Á fundinum var ákveðið að fella
niður hlutafé í eigu Landsbankans
að nafnvirði um 300 milljónir, en
auka hlutaféð aftur um 300 milljónir
með útgáfu jöfnunarhlutabréfa.
Ákveðið var að greiða ekki út arð
fyrir árið 2007, heldur nota hagnað
bankans til að auka eigið fé hans.
Ákveðin var þóknun til banka-
ráðsmanna, 350.000 krónur á mán-
uði, tvöföld sú upphæð til varafor-
manns og þreföld til formannsins. Á
fundinum voru kjörin í bankaráð
Landsbankans Björgólfur Guð-
mundsson, Andri Sveinsson, Kjart-
an Gunnarsson, Svafa Grönfeldt og
Þorgeir Baldursson.
Rétt var að nýta byrinn
þegar hann gafst
Morgunblaðið/Golli
Staða Björgólfur Guðmundsson sagði Landsbankann aldrei hafa staðið
traustari fótum og hafi í annan tíma ekki verið betur undir átök búinn.
Við núverandi aðstæður skiptir höfuðmáli að styrkja undirstöðurnar