Morgunblaðið - 24.04.2008, Blaðsíða 9

MORGUNBLAÐIÐ FIMMTUDAGUR 24. APRÍL 2008 9
Sími 533 4800
153 fm glæsileg skrifstofuhæð (2. hæð) við Ármúla. Eignin skiptist í opið
rými og lokað fundarherbergi. Góð starfsmannaaðstaða með kaffistofu.
Húsnæðið er allt endurnýjað hið innra, sem og sameign. Falleg aðkoma.
Notuð hafa verið vistvæn byggingaefni og bestu fáanlegar loftaplötur til
að tryggja góða hljóðvist. Mjög vönduð tölvustýrð lýsing er í húsnæðinu.
Nánari upplýsingar á skrifstofu Miðborgar.
Sjá nánari upplýsingar á http://www.alta.is/leiga/
Laugavegur 182 • 4. hæð • 105 Rvík Fax 533 4811 • midborg@midborg.is
Björn Þorri hdl., lögg. fastsali, Karl Georg hrl., lögg. fastsali.
Ármúli - Leiga
Eftir Grétar Júníus Guðmundsson
gretar@mbl.is
A ctavis og Róbert Wessm-an forstjóri voru í fyrra-dag viðfangsefni svo-nefnds greiningardæmis
(e. Case Study) við Harvard Bus-
iness School í Bandaríkjunum.
Kennarinn, Dr. Daniel Isenberg,
segir að Robert Wessman og Actavis
sé gott dæmi fyrir nemendur til að
læra af. Fyrirtækið hafi náð undra-
verðum árangri á sínu sviði á stutt-
um tíma, og það uppfylli öll þau skil-
yrði sem hann setji til að taka fyrir í
kennslunni, en hann starfar innan
þess sviðs viðskiptafræðideildar
skólans sem fjallar um brautryðj-
endur og frumkvöðla.
Róbert var viðstaddur þegar Is-
enberg fjallaði um Actavis í kennslu-
stundinni og tók þátt í umræðum um
fyrirtækið og svaraði spurningum
frá nemendum sem voru um 110 tals-
ins. Hann segir þetta hafa verið
mjög ánægjulega reynslu.
Eftir því sem næst verður komist
er þetta í fyrsta skipti sem íslenskur
stjórnandi er sérstakt viðfangsefni
slíks greiningardæmis við Harvard.
Geta lært mikið af Actavis
og Róbert Wessman
Isenberg segir að ástæðurnar fyrir
því að hann hafi valið Actavis sem
greiningardæmi séu nokkrar. Í
fyrsta lagi sé eitt af þemum kennsl-
unnar hjá sér að taka fyrir lítil frum-
kvöðlafyrirtæki sem séu komin með
öfluga alþjóðlega starfsemi. Actavis
falli fullkomlega að þeirri skilgrein-
ingu. Fyrirtækið hafi verið stofnað
og sé með höfuðstöðvar sínar á Ís-
landi, en það hafi legið fyrir frá upp-
hafi að til að ná umtalsverðri mark-
aðshlutdeild á sínum markaði væri
nauðsynlegt að fara í útrás. Það hafi
skapað áskoranir fyrir forstjórann.
„Í annan stað hefur Actavis náð
undraverðum árangri frá árinu 1999,
sem gerir að verkum að fyrirtækið
er með sérstöðu sem einungis örfá
fyrirtæki í heiminum hafa náð. Þetta
er ekki bara mín skoðun heldur tala
tölurnar sínu máli, og er þá sama
hvort litið er til starfseminnar og
umsvifanna, framleiðslunnar, söl-
unnar eða hagnaðarins. Og fyrirtæk-
ið uppfyllir einnig þau skilyrði sem
ég set fyrir að taka það sem grein-
ingardæmi, að vera alþjóðlegt á hin-
um ýmsu sviðum, svo sem hvað varð-
ar viðskiptavinina, birgjana,
rannsóknar- og þróunarvinnuna,
framleiðsluna og svo framvegis. Á
sama tíma hefur fyrirtækið náð
framúrskarandi árangri í stjórnun
sem er á heimsmælikvarða.“
Isenberg segist hafa valið að taka
Actavis fyrir meðal annars til að
hvetja nemendur sína til að hugsa
um það hvernig lítið fyrirtæki á Ís-
landi, langt frá helstu mörkuðum og
með takmarkaðan aðgang að starfs-
fólki með hliðsjón af fámenninu,
tókst að breyta fyrirtækinu í eitt af
þeim helstu á sviði samheitalyfja-
framleiðslu í heiminum. Og þetta
hafi tekist á tiltölulega stuttum tíma.
„Ég vildi fá nemendurna til að reyna
að skilja hvaða þættir það eru sem
gerðu að verkun að vöxtur Actavis
varð eins mikill og hraður og raun
ber vitni. Nemendur mínir geta lært
mikið af Actavis og Robert Wessm-
an.“
„Jómfrúrferðin“ heppnaðist
Fyrsta umfjöllun Isenbergs um Ac-
tavis var í kennslustund í fyrradag.
Hann segir að um hafi verið að ræða
„jómfrúrferð“ Actavis um kennslu-
stofur Harvard og efnið hafi fallið
nemendunum vel í geð.
„Jómfrúrferðir heppnast ekki allt-
af sem skyldi, eins og dæmin sanna,
en í þessu tilviki sigldi skipið inn í
sólarlagið,“ segir Isenberg.
Um framhaldið segir hann að það
sé undir nemendunum sjálfum kom-
ið hvernig þeir nýta sér það sem
fjallað var um, en hann muni halda
áfram að fjalla um Actavis í kennsl-
unni við Harvard.
Mjög gaman en um
leið mjög einkennilegt
Róbert Wessman segir að það hafi
verið mjög ánægjulegt að taka þátt í
umfjöllun um Actavis við Harvard.
Nemendurnir hafi beint fjölmörgum
spurningum að honum og þeir hafi
verið mjög áhugasamir.
„Þeir einbeittu sér nokkuð að því
að reyna að finna út hvað það er sem
skiptir mestu máli í sögu fyrirtæk-
isins. Umfjöllunin og spurningarnar
frá nemendunum snerust ekki ein-
göngu um þá sýn sem fyrirtækið hef-
ur og markmiðasetningu þess, held-
ur einnig um kúltúrinn í fyrirtækinu
og hvernig því er stjórnað. Það var
reyndar nokkuð mikið gert úr því að
fjalla um mig sem stjórnanda. Það
var mjög gaman, en um leið mjög
einkennilegt, að hlusta á meira en
hundrað nemendur greina bæði mig
og fyrirtækið í einn og hálfan tíma.
Nemendurnir spurðu mig mikið um
hvernig stjórnunarstíll minn væri,
hvernig ég hefði náð að byggja upp
kúltúrinn í öllum löndunum og
hvernig ég hefði fengið starfsfólkið
með mér,“ segir Róbert.
Actavis tekið fyrir hjá Harvard
Harvard Róbert Wessman á svæði Harvard háskólans í Bandaríkjunum þegar hann og Actavis var viðfangsefnið.
Ljósmynd/Georg Lúðvíksson
Forstjórinn og kennarinn Róbert Wessman og Dr. Daniel Isenberg.
GREININGARDÆMI, eða Case
Study eins og það heitir á ensku,
eru mikið notuð við kennsluna í
Harvard Business School. Í hand-
bók skólans á Netinu segir að
greiningardæmin séu eins konar
grunnur að náminu við skólann.
Tilgangurinn sé að færa nemend-
urna sem næst raunveruleikanum í
viðskiptalífnu með því að fara í
gegnum það sem fyrirtæki og
stjórnendur þeirra hafa tekist á við.
Með greiningardæmum sé nemend-
unum gert auðveldara að greina þá
þætti sem ráða því að tiltekin fyr-
irtæki eða stjórnendur ná árangri
eða jafnvel skara fram úr.
Við Harvard frá 1981 með hléi
Dr. Daniel Isenberg kennir
stjórnun á öðru ári við Harvard
Busi ess Sc ool, innan þess sviðs
viðskiptafræð deildarinnar sem
skoðar starf brautryðjenda og
frumkvöðla. Hann kenndi við Har-
vard frá 1981 og til 1987. Þá flutti
hann til Ísrael þar sem hann bjó til
2005. Þar starfaði hann meðal ann-
ars hjá fyrirtækinu Triangle Tec-
hnologies, sem sérhæfir sig í við-
skiptum við japönsk fyrirtæki, auk
þess sem hann gegndi ýmsum öðr-
um verkefnum. Árið 2005 tók Is-
enberg aftur við stöðu hjá Harvard
þar sem hann hefur starfað síðan.
Raunveru-
leikinn í
kennslunni