Morgunblaðið - 24.04.2008, Blaðsíða 2

2 FIMMTUDAGUR 24. APRÍL 2008 MORGUNBLAÐIÐ
viðskipti/athafnalíf
      




 









 



  
 










  
  













 







  
Viðskiptablað Morgunblaðsins Hádegismóum 2, 110 Reykjavík. Sími 5691100, net-
fang vidsk@mbl.is Útgefandi Árvakur hf. Umsjón Björn Jóhann Björnsson, frétta-
stjóri, bjb@mbl.is Auglýsingar sími 5691111 netfang augl@mbl.is Bréfsími 5691110
Prentun Landsprent ehf.
Eftir Björn Jóhann Björnsson
bjb@mbl.is
ÍSLENSK-ameríska fyrirtækið
Carbon Recycling International,
CRI, hefur samið við Mannvit um að
hanna og byggja verksmiðju sem
breytir koltvísýringsútblæstri frá
jarðvarmavirkjunum í metanól, fljót-
andi eldsneyti fyrir bíla og önnur
farartæki. Mun þetta vera fyrsta
verksmiðja sinnar tegundar í heim-
inum og skapar í fyrsta áfanga fjög-
ur ný störf.
Að sögn Andra Ottesen, fram-
kvæmdastjóra rekstrarsviðs CRI,
eru viðræður á lokastigi við Hita-
veitu Suðurnesja um orkuöflun og
staðsetningu en eigendur CRI vilja
reisa verksmiðjuna við Svartsengi.
Andri segir fjármögnun sömuleiðis
hafa gengið vel, með helmingsskipt-
ingu lána frá bandarískum og ís-
lenskum bönkum, en fjárfesting við
fyrsta áfanga nemur tæpum millj-
arði króna.
Tuttuguföldun áformuð
Árleg afkastageta í fyrsta áfanga
miðast við um 4,5 milljónir lítra af
metanóli, sem blandað verður með
bensíni í hlutföllunum 5 á móti 95.
Standa vonir til þess að geta allt að
tuttugufaldað framleiðslugetu verk-
smiðjunnar. Orkuþörf verksmiðj-
unnar er um 4,5 megavött.
Tímaáætlanir gera ráð fyrir að
verksmiðjan verði tilbúin strax á
vormánuðum 2009 og bensínblandan
muni þá standa ökumönnum hér á
landi til boða. Er blandan sögð
hækka oktangildi eldsneytisins og
stuðla að hreinni brennslu og betri
nýtingu þess, auk þess að auka afl
bensínbíla án þess að nokkurra vél-
arbreytinga sé þörf.
Mun Mannvit annast verkefna-
stjórnun við hönnun og byggingu
verksmiðjunnar, sem og verkefni
sem tengjast efnafræði, vélaverk-
fræði, skipulags- og byggingaverk-
fræði og ýmsum umhverfisþáttum.
Eyjólfur Árni Rafnsson, forstjóri
Mannvits, segir í samtali við Morg-
unblaðið að samningurinn við CRI sé
mjög mikilvægur fyrir hina nýju
sameinuðu verkfræðistofu, hún búi
yfir nægri þekkingu og reynslu til að
taka að sér verkefnið. Vinna þeirra
fari nú á fullt.
Samið um byggingu
metanólverksmiðju
Carbon Recycling International hyggst breyta koltvísýringi
frá jarðvarmavirkjun í metanól sem blandast við bensín
Morgunblaðið/G.Rúnar
Svartsengi Forráðamenn CRI hafa verið í viðræðum við Hitaveitu Suð-
urnesja um að setja metanólverksmiðjuna upp í Svartsengi.
Í HNOTSKURN
»CRI er í eigu íslenskra ogbandarískra fjárfesta. Fyr-
irtækið rekur starfsemi í Banda-
ríkjunum, forstjóri er KC Tran
en höfuðstöðvar á Íslandi.
»Rætt hefur verið við Olís umdreifingu á blandaða elds-
neytinu og samið verður við
fleiri olíufélög.
»Orkuþörf verksmiðjunnar erum 4,5 megavött.
»Mannvit varð nýlega til viðsamruna VGK-Hönnunar og
Rafhönnunar og er stærsta verk-
fræðistofa landsins.
BJARNI Ármannsson, fyrrver-
andi forstjóri Glitnis, hefur gengið
til liðs við framtaksfjárfesting-
arsjóðinn Paine
& Partners,
ásamt Frank O.
Reite. Bjarni og
Reite, sem var
framkvæmda-
stjóri hjá Glitni,
munu stýra fjár-
festingum í N-
Evrópu, með
áherslu á sjáv-
arfang, orkugeir-
ann og fjármálaþjónustu.
Paine & Partners var stofnað árið
1997 og með þeim starfa 22 atvinnu-
fjárfestar. Síðastliðin tíu ár hefur
ávöxtun sjóðsins verið um 33% á ári,
en fjárfestingar hans frá stofnun
nema um 6,4 milljörðum dala, eða
um 470 milljörðum króna.
W. Dexter Paine, stofnandi sjóðs-
ins, segir þekkingu og reynslu
Bjarna og Reite munu auka vaxta-
möguleika hans í N-Evrópu.
Bjarni segir helsta styrk Paine &
Partners vera framsækna og agaða
fjárfestingastefnu sem fagmenn
sjóðsins framfylgja. Hann kveðst
hlakka til að miðla þekkingu sinni á
iðnaði og bankastarfsemi á Norð-
urlöndunum og í Evrópu.
Til fjárfesta
vestanhafs
Bjarni Ármannsson
ÍSLENSKA flugleitarvélin Do-
hop.com er nú aðgengileg á netinu
á kínversku. Leitarvélin leitar að
ódýrum flugfargjöldum hjá 91 flug-
félagi sem þjónustar Kína, þar af 11
kínverskum flugfélögum. Alls leit-
ar Dohop hjá 660 flugfélögum um
heim allan sem fljúga til um 3.000
áfangastaða.
Í síðustu viku var frá því greint
að Dohop opnaði japanska útgáfu.
Dohop er nú aðgengilegt á um 20
tungumálum og er stefnan að fjölga
þeim jafnt og þétt.
Í fréttatilkynningu er haft eftir
Frosta Sigursjónssyni, forstjóra
Dohop, að Kína sé mikilvægur
markaður fyrir fyrirtækið.
Dohop kominn
á kínversku
ÞRJÚ íslensk fyrirtæki hækka á
lista bandaríska viðskiptatímarits-
ins Forbes yfir 2 þúsund stærstu
fyrirtæki heims sem skráð eru á
markað. Mest hækkar Kaupþing,
um 202 sæti og er fyrirtækið nú
meðal 600 stærstu fyrirtækjanna.
Exista hækkar um 165 sæti og
Glitnir um 51 sæti. Líkt og á síðasta
ári eru fjögur íslensk fyrirtæki á
listanum og er Landsbankinn hið
eina íslensku fyrirtækjanna sem
fellur milli ára, um 13 sæti.
Glitnir er nú orðinn stærri en
Landsbankinn samkvæmt reikniað-
ferðum Forbes.
Glitnir stærri
en Landsbanki
Eftir Halldóru Þórsdóttur
halldorath@mbl.is
VERSLUN Íslendinga um netið
hefur tvöfaldast frá árinu 2002. Ís-
lenskar netverslanir njóta þó ekki
góðs af þessu því að sala þeirra
dróst saman um 37% á síðustu
tveimur árum. Á sama tíma jókst
hún t.d. um 36% í Svíþjóð, og al-
mennt fer þessi aukna velta úr
landi. Þetta er meðal helstu nið-
urstaðna nýrrar skýrslu rannsókn-
arseturs verslunarinnar við Háskól-
ann á Bifröst.
„Stærsta hindrun íslenskra net-
verslana er smæð markaðarins,“
segir Emil B. Karlsson, höfundur
skýrslunnar. Þannig keppi netversl-
un mun frekar við aðrar slíkar á al-
þjóðlegum markaði heldur en við
hefðbundna verslun. „Þær íslensku
verslanir sem hafa verið að gera
það gott hafa náð til annarra mark-
aðssvæða. Þar má til dæmis nefna
Bláa lónið sem er líklega ein
stærsta netverslun á Íslandi. Svo
hefur verslunin nammi.is t.d. vaxið
um 30-40% á ári. Þar hafa Íslend-
ingar búsettir erlendis komið öðr-
um á bragðið, því verslunin á stór-
an hóp erlendra viðskiptavina.“
Emil bendir á að verslanirnar þurfi
að skapa sér sérstöðu, og segir það
hverfandi vandamál að fólk vilji
ekki versla gegnum netið vegna ör-
yggismála eða slíks.
Eldri viðskiptavinir æ virkari
Í skýrslunni kemur fram að eldri
aldurshópar verða sífellt virkari
netkaupendur, þeir kaupa t.a.m.
oftar flugfarmiða. Almennt er mest
verslað með ferðatengdan varning,
svo sem flugmiða og hótelbókanir. Í
könnun Hagstofunnar árið 2007
sögðust 79% þeirra sem pöntuðu
eða keyptu um netið hafa keypt
ferðatengt efni. Næst á eftir koma
ýmiss konar aðgöngumiðar, með
um 48%. Af vörum er mest keypt af
bókum og tónlist, en „17% netversl-
anaeigenda töldu að mestur vöxtur
yrði í tónlist og DVD þó svo að að-
eins 7% þeirra stundi slíka versl-
un,“ segir í skýrslunni.
Íslendingar kaupa aðallega frá
Bandaríkjunum, og að sögn Emils
jókst sú verslun talsvert þegar
gengi dollarans var sem hagstæð-
ast.
„Tollar, gengið og flutningskostn-
aður er vissulega þröskuldur fyrir
netverslun hér á landi.“
Netverslanir þurfa að
ná til erlendra markaða
Morgunblaðið/Golli
Á netinu Talið er að á Íslandi séu
200-300 netverslanir.
SKOÐA þarf
nánar hvort
breyta eigi lögum
og heimila lífeyr-
issjóðum að
stunda skortsölu,
að sögn Árna M.
Mathiesen fjár-
málaráðherra.
Eins og fram
kom í Morgun-
blaðinu sl. mánudag var raunávöxtun
flestra stærri lífeyrissjóða landsins
mjög lág á síðasta ári og í mörgum til-
vikum neikvæð. Rekja má það til erf-
iðleika á fjármálamörkuðum um heim
allan og vakna af því tilefni spurn-
ingar um hvort ekki sé eðlilegt að
gera lífeyrissjóðum kleift að verja sig
gegn falli á verðbréfamörkuðum t.d.
með skortsölu en samkvæmt túlkun
Fjármálaeftirlitsins á núgildandi lög-
um, frá því í júlí á síðasta ári, mega líf-
eyrissjóðir ekki stunda skortsölu.
Fyrir Alþingi liggur nú frumvarp
um breytingar á lögum um starfsemi
lífeyrissjóða og þar er m.a. lagt til að
lífeyrissjóðum sé leyft að lána bréf til
skortsölu. Árni segir að með því
frumvarpi megi segja að skref sé stig-
ið í þá átt að gera lífeyrissjóðum kleift
að verja sig en að frekari opnun
þarfnist nánari skoðunar. Hvort slík
skoðun sé á döfinni vill hann ekkert
segja um.
Árni M. Mathiesen
Skoða
þarf frek-
ari opnun
◆
GENGIÐ hef-
ur verið frá sam-
einingu VST,
Verkfræðistofu
Sigurðar Thor-
oddsen og Raf-
teikningu. For-
stjóri fyrirtækis,
Sveinn I. Ólafs-
son, fyrrverandi
aðstoðarforstjóri
VST, segir að fyr-
irtækið muni ganga undir nafninu
VST-Rafteikning þar til nýtt nafn
verður kynnt seinna í sumar. Stjórn
verður skipuð sjö mönnum, fjórum
frá VST og þremur frá Rafteikningu.
Formaður verður Gunnar Ingi
Gunnarsson, fyrrverandi fram-
kvæmdastjóri Rafteikningar. Starfs-
menn eru um 240.
VST-Rafteikn-
ing orðið til
Sveinn Ingi
Ólafsson
◆
BJÖRGÓLFUR Thor Björgólfs-
son hallar sér nú aftur í stólnum og
bíður eftir brunaútsölu á hlutabréf-
um og eignum. Þetta kemur fram í
viðtali danska blaðsins Børsen við
Björgólf. „Hvert sem verðið er í
dag verður það lægra eftir fimm
mánuði. Ég hreyfi mig ekki fyrr en
fyrir jólin, og þá almennilega, ég
hef nægan tíma,“ segir Björgólfur.
Brunaútsala?
◆
Bergstaðastræti 37 Sími 552 5700
holt@holt.is - www.holt.is
NÝTT ELDHÚS MEÐ
BREYTTUM ÁHERSLUM
Bergstaðastræti 37 s. 552 5700
holt@holt.is - www.holt.is
3ja rétta hádegisverður 3.300 kr.
2ja rétta hádegisverður 2.700 kr.
◆