Morgunblaðið - 05.05.2008, Blaðsíða 6

6 MÁNUDAGUR 5. MAÍ 2008 MORGUNBLAÐIÐ
FRÉTTIR
ÞAÐ er skylda stjórnmálaflokkanna
að finna leið til að svara kalli almenn-
ings og atvinnulífsins eftir niður-
stöðu í því hver staða Íslands í Evr-
ópu skuli vera, að því er segir í
ályktun miðstjórnar Framsóknar-
flokksins. Vorfundur hennar var
haldinn í safnaðarheimili Háteigs-
kirkju á laugardaginn var.
Miðstjórnin telur að „aðlaga verði
Stjórnarskrá Íslands að nýjum veru-
leika í Evrópu- og alþjóðasamstarfi,
m.a. til þess að tryggja að þátttaka
Íslands í því sé hafin yfir allan vafa í
nútíð og framtíð“. Þá telur mið-
stjórnin eðlilegt að það hvort stjórn-
völd fái umboð til þess að ganga til
aðildarviðræðna við ESB verði borið
undir þjóðaratkvæði, óháð öðrum
kosningum. Niðurstaða samninga-
viðræðna við ESB verði einnig lögð í
þjóðaratkvæðagreiðslu til synjunar
eða samþykktar.
Í kafla um blikur á lofti í efnahags-
málum þjóðarinnar segir að íslenskt
efnahagslíf standi nú frammi fyrir
meiri vanda en blasað hefur við um
áratugaskeið. Síðan er rakið hvernig
varnaðarorð komu fram í fyrrasum-
ar. Framsóknarmenn hafi tekið und-
ir þau og talið mikilvægt að ríkis-
stjórnin hefðist eitthvað að. Hvetur
miðstjórnin ráðamenn þjóðarinnar
til að grípa þegar til aðgerða til að
sporna við vaxandi verðbólgu í sam-
ráði við atvinnulífið, sveitarfélög,
verkalýðshreyfinguna og fjármála-
fyrirtæki. Þá telur hún við blasa að
peningastjórn Seðlabankans hafi
ekki náð þeim markmiðum sem
stefnt var að. Í ályktuninni kemur
fram að framsóknarmenn hafi skipað
nefnd sem ætlað er að kortleggja
stöðuna og benda á leiðir.
Varðandi húsnæðismál hvetur
miðstjórnin ríkisstjórnina til að af-
nema útlánaviðmið Íbúðalánasjóðs
við brunabóta- og lóðamat og hækka
hámarkslán Íbúðalánasjóðs í 20
milljónir svo forða megi fasteigna-
markaðnum frá fyrirsjáanlegu
hruni. Í sjávarútvegsmálum telur
miðstjórnin m.a. brýnt að efna til
umræðu og reyna að skapa sátt um
aðgerðir til að bregðast við áliti
mannréttindanefndar Sameinuðu
þjóðanna um úthlutun kvóta.
Hvað varðar velferðarmál segir
miðstjórnin að loforðum um aukna
velferð hafi rignt yfir kjósendur í að-
draganda síðustu kosninga. Fram-
sóknarmenn hafi hins vegar verið
hógværir í sinni tillögugerð. Nú þeg-
ar séu komin fram svik á kosninga-
loforðum núverandi stjórnarflokka
og hætt við að það sé bara byrjunin.
Þá varar miðstjórnin við „hugsunar-
lausum einkarekstri og einkavæð-
ingu í heilbrigðiskerfinu“.
Aðlaga verður stjórnarskrána
Miðstjórn Framsóknarflokksins segir það skyldu stjórnmálaflokkanna að svara kalli almennings
og atvinnulífs og komast að niðurstöðu um hver staða Íslands í Evrópu skuli vera
Morgunblaðið/Frikki
Framsókn „Við höfum verið hinn staðfasti flokkur á miðju íslenskra
stjórnmála,“ sagði Guðni Ágústsson formaður m.a. í ræðu sinni.
ÁREKSTUR varð á Steingríms-
fjarðarheiði klukkan 17.45 í gær
þegar tveir bílar rákust saman í
krapa og snjó. Ekki urðu teljandi
meiðsli á fólki. Tveir voru í öðr-
um bílnum og fjórir í hinum. Lög-
reglubíll var staddur í nágrenn-
inu og var kominn á vettvang tólf
mínútum eftir tilkynningu.
Sjúkrabíll var afturkallaður þeg-
ar athugað hafði verið um ástand
fólksins og fékk það far til
Hólmavíkur og Ísafjarðar að sögn
lögreglunnar.
Árekstur í
krapa og snjó
RANNSÓKNARNEFND flugslysa hefur tekið
þyrluslysið við Kleifarvatn á laugardag til rann-
sóknar og er með þyrluflakið í sinni vörslu. Upp-
lýsingar um tildrög slyssins liggja ekki fyrir.
Þyrlan er bandarískrar gerðar, Schweizer/
Hughes 300C árgerð 2004, og er í eigu Þyrlu-
þjónustunnar. Flugþol hennar er fimm og hálf
klukkustund og er sæti fyrir flugmann og tvo
farþega. Þyrlan telst lítil og er ekki hraðfleyg
miðað við ýmsar aðrar þyrlutegundir.
Er slysið varð var einn farþegi um borð ásamt
flugmanni og var um að ræða útsýnisflug. Ekki
urðu slys á fólki en vélin er töluvert skemmd.
Sindri Steingrímsson, flugrekstrarstjóri
Þyrluþjónustunnar, segir kúpu þyrlunnar vera
byggða til að taka af högg við nauðlendingu í
þeim tilgangi að vernda flugmann og farþega
innanborðs eftir því sem við verður komið.
Þyrluslysið til nánari rannsóknar
ÖGMUNDUR
Jónasson, for-
maður BSRB,
boðsendi Geir H.
Haarde forsætis-
ráðherra bréf í
gær þar sem
hann ítrekar ósk
BSRB um fund
með ríkisstjórn-
inni eins fljótt og
verða má. Samrit
af bréfinu fengu Ingibjörg Sólrúnu
Gísladóttir utanríkisráðherra, Jó-
hanna Sigurðardóttir félagsmálaráð-
herra og Árni M. Mathiesen fjár-
málaráðherra.
Í bréfinu kemur m.a. fram að Ög-
mundur hafi haft samband við for-
mann samninganefndar ríkisins 1.
maí síðastliðinn og sagt að ef fjár-
málaráðuneytið stæði við þá ákvörð-
un að semja til langs tíma við aðild-
arfélög BSBB mætti ætla að BSRB
myndi óska eftir fundi með fyrrtöld-
um ráðherrum. „Myndum við vilja
heyra á hvern hátt ríkisstjórnin ætl-
aði að efna fyrirheit sín og einstakra
ráðherra varðandi bætt kjör umönn-
unarstétta, svo og hópa innan al-
mannaþjónustunnar þar sem launa-
gliðnun hefði orðið og mannekla
vegna þess að ónóg kjör væru í boði,“
skrifar Ögmundur.
Krafa BSRB um fund með ráð-
herrunum var síðan gerð formlega á
samningafundi síðastliðinn föstudag
og þess óskað að henni yrði komið
þegar í stað til ríkisstjórnarinnar.
Enginn viðbrögð höfðu borist um
miðjan dag í gær frá ríkisstjórninni
við ósk BSRB um fund.
Formaður BSRB skrifar ráðherrum
BSRB ítrekar
ósk um fund
Ögmundur
Jónasson
FRESTUR um-
sagnaraðila til að
skila sjávarút-
vegs- og landbún-
aðarnefnd Alþing-
is athugasemdum
vegna frumvarps
um innleiðingu
matvælalöggjafar
ESB rennur út á
morgun, að sögn
Arnbjargar
Sveinsdóttur, formanns nefndarinn-
ar.
Haft var eftir Helgu Láru Hólm,
framkvæmdastjóra Ísfugls, í Morg-
unblaðinu í gær að innleiðing
matvælalöggjafarinnar mundi hafa
mjög mikil áhrif á stöðu íslenskra
kjúklingabænda. Hún sagði einnig að
þeir hefðu fengið mjög lítinn tíma til
að veita umsögn um frumvarpið.
Arnbjörg sagði að í byrjun apríl
hefði málið verið sent utan til um-
sagnar og veittur umsagnarfrestur til
21. apríl. Hann hefði síðan verið fram-
lengdur til 6. maí og kvaðst Arnbjörg
ekki eiga von á frekari framlengingu.
Hún sagði að umsagnaraðilar hefðu
verið kallaðir á fund nefndarinnar og
sumir tvisvar. Málið væri enn í
vinnslu og á meðan væri hægt að
koma viðbótarupplýsingum á fram-
færi.
Helga Lára Hólm telur nauðsyn-
legt að Alþingi taki sér lengri tíma til
að skoða áhrif þess að taka matvæla-
löggjöf ESB upp hér á landi og eðli-
legt sé að fresta málinu til hausts.
Kemur það til greina?
„Við höfum verið að fara yfir málið
og átta okkur á því hvað það innifelur.
Hins vegar hefur ekkert komið enn
fram sem segir um það afdráttarlaust
hvort ástæða sé til að fresta málinu,“
sagði Arnbjörg. Hún sagði að slátur-
leyfishafar og kjötvinnslur hefðu
helst lýst áhyggjum sínum vegna
málsins. Einnig þeir sem framleiða
hvíta kjötið, það er kjúklinga- og
svínabændur.
Arnbjörg sagði að innleiðing mat-
vælalöggjafarinnar ætti að fara fram í
áföngum. Fyrsti hlutinn ætti að öðlast
gildi strax við samþykkt laganna, en
reiknað með að honum yrði frestað
um tíma. Næsti áfangi ætti að koma
til framkvæmda næsta haust. Þetta
þrýsti á afgreiðslu málsins á Alþingi
því ráðrúm yrði að gefast til samn-
ingar nauðsynlegra reglugerða. Skv.
frumvarpinu á að opnast fyrir inn-
flutning á fersku kjöti haustið 2009.
Frestur til athugasemda
ekki framlengdur
Innleiðing matvælalöggjafar ESB mun fara fram í áföngum
Arnbjörg
Sveinsdóttir
TVEIR aðilar voru fluttir á slysa-
deild Landspítalans í Fossvogi eftir
árekstur í Reykjavík um klukkan
hálfeitt í fyrrinótt, samkvæmt upp-
lýsingum frá lögreglunni á höf-
uðborgarsvæðinu.
Ökumaður, sem grunaður er um
ölvun við akstur, missti stjórn á bif-
reið sinni á aðrein að Miklubraut og
fór ökutækið yfir umferðareyju
með þeim afleiðingum að það lenti
framan á bifreið sem kom á móti.
Ökumaður og farþegi í þeirri bif-
reið voru fluttir á slysadeild.
Lögreglan er með slysið til frek-
ari rannsóknar.
Árekstur á
Miklubraut