Morgunblaðið - 20.05.2008, Blaðsíða 6

Eftir Arnar Eggert Thoroddsen
arnart@mbl.is
Margvíslegum aðferðumhefur verið beitt ígegnum tíðina við aðpikka út boðlegt lag
til að senda út til Evróvisjón.
Völdum höfundum, þjóðkunnum,
hefur verið boðið að semja sér-
staklega fyrir keppnina, stundum
hefur einhver einn einfaldlega ver-
ið settur í að semja og stundum er
öllum frjálst að senda inn lög, og
þá flæddu kassettur, svo brenndir
diskar og nú mp3 inn á Rík-
isútvarp, sem sér um halda utan
um keppnina hérlendis. Í ár var
hins vegar svipt upp heilum sjón-
varpsþætti sem gekk allan vet-
urinn. Völdum höfundum, og það
allólíkum, var gert að semja þrjú
lög sem síðan voru flutt í þætti og
tvö þeirra svo blásin burt með
símakosningu. Á endanum stóð
svo eitt lag upp úr en leiðin að því
var á stundum vörðuð kostulegum
uppákomum.
Ha? Er ég í Evróvisjón?
Snemma á ferlinu kom í ljós að
sumir höfundar höfðu ekki einu
sinni gert sér grein fyrir því að
þeir væru að keppa í Evróvisjón.
Héldu einfaldlega að þeir væru að
taka þátt í nýjum og fjöl-
skylduvænum skemmtiþætti, sem
gerði m.a. út á tónlist, en sent var
út á besta tíma, laugardags-
kvöldum, en þá er áhorf á lands-
vísu í algjörum botni. Þá þótti
mönnum form þáttarins nokkuð
einkennilegt – þótt það svínvirkaði
reyndar. Í bland við lagaflutning
og spjall við höfunda kom fólk í
heimsókn sem talaði um alls
óskylda hluti og áður en maður
vissi af voru myndavélarnar
komnar út í bæ þar sem annar
umsjónarmannanna, hinn kynlegi
kvistur Gísli Einarsson, var að
bardúsa við eitthvað sem kom tón-
list og Evróvisjón nákvæmlega
ekki neitt við. Hann og sam-
umsjónarmaður hans, Ragnhildur
Steinunn Jónsdóttir, stóðu sig
annars afskaplega vel og voru
nokkurs konar Fríða og dýrið í
þáttunum, og þá meina ég þetta
alls ekki illa Gísli minn.
Þættirnir fóru af stað og svo
virtist snemma að öll „víruðu“ lög-
in, sem Dr. Gunni, Barði Bang
Gang, Hafdís Huld og fleiri áttu,
myndu falla út en hefðbundnari
lagasmíðar, runnar undan rifjum
Gumma Jóns í Sálinni, Magnúsar
Þórs og Magga Eiríks, væru í
náðinni. Annað átti hins vegar
heldur betur eftir að koma í ljós.
Gullmolar í vegkanti
Nokkrir gullmolar féllu út í veg-
kant fyrsta kastið. Hin frábæra
poppsmíð Dr. Gunna, „Ísinn“,
komst ekki áfram og var höfundur
alveg bit og ekki einn um það. Á
meðan argaþrösuðust menn yfir
því að „fyllibyttulag“ höfuðsnill-
ingsins Magnúsar Eiríkssonar,
„Leigubílar“, skyldi fara áfram,
lag sem hann virtist hafa verið
fljótari að semja en tekur lagið að
klárast. Ágætt lag Barða, „Á ball-
ið á“, komst þá ekki áfram og
menn tóku strax að gruna hann
um græsku. Hann væri að voga
sér að gera grín að keppninni.
Aðrir fögnuðu innilega. Annað lag
hans, „Ho ho ho, we say hey hey
hey“, komst hins vegar áfram,
snilldarleg smíð sem dró nútíma-
væðingu Evróvisjónkeppninnar
sundur og saman í háði. Ætt-
bálkatrommur, smurðir og massa-
ðir líkamar, einfaldur pumpandi
taktur að hætti Scooter og ódýrt
viðlag var á matseðli dagsins en
það sem best var – allt gekk þetta
frábærlega upp. Eitt eft-
irminnilegasta lagið verður þó að
teljast James Bond-lag Andreu
Gylfadóttur, „The Girl in the Gol-
den Dress“, sem var glæsilega
flutt af Bjarti Guðjónssyni, syni
hennar og stórsöngvarans Guðjóns
Rúdolfs.
„Alvarlega“ fólkið og
„grínararnir“
Lokaúrslit (það var sem keppn-
in ætlaði aldrei að enda á tímabili)
fóru svo fram í Smáralind og þau
þrjú lög sem höfnuðu í þremur
efstu sætunum voru, í öfugri röð:
„Hvar ertu nú?“ eftir Dr. Gunna í
flutningi Dr. Spock, „Ho ho ho, we
say hey hey hey“ eftir Barða Jó-
hannsson í flutningi Merzedes
Club, og svo „Fullkomið líf/This is
my Life“ eftir Örlyg Smára í
flutningi Eurobandsins.
Lag Dr. Gunna er kapítuli út af
fyrir sig. Dr. Gunni hafði aug-
ljóslega verið að spá og spekúlera
í hinni fullkomnu popplagaformúlu
í fyrstu tveimur lögunum en hvor-
ugt þeirra fékk nokkra náð. Mað-
ur finnur hvernig hann henti upp
síðasta laginu í tómu flippi, og
hugsaði með sér: „Jæja, hvernig
ætli þessi sýra muni virka?“ Og
viti menn … auðvitað var það lag-
ið sem gekk í lýðinn.
Það er eitthvað sem segir mér
að Dr. Gunni hefði tekið þetta,
hefði keppnin farið fram í Finn-
landi. Og ætli Barði hefði ekki
tekið þetta ef hún hefði farið fram
í … ja segjum Króatíu t.d.
En Eurobandið stóð uppi sem
sigurvegari með óneitanlega hefð-
bundnasta lagið, Evróvisjónsmíð
sem fylgir formúlunni út í eitt, vel
heppnað sem slíkt, en óneitanlega
keimlíkt mörgu af því sem fram
hefur komið áður og því sem á án
efa eftir að heyrast í keppninni úti
í Serbíu.
Enginn er annars bróðir í leik
Það er fyndið hvernig fólk getur
gleymt sér í leik og var þetta
barnslega, en þó vel skiljanlega,
keppnisskap undirstrikað er Frið-
rik Ómar, annar söngvari Euro-
bandsins ásamt Regínu Ósk,
sagði: „Hæst bylur í tómri tunnu“
og beindi þeim orðum að með-
limum Merzedes Club.
Rimman á milli Merzedes Club
og Eurobandsins hefur verið at-
hyglisverð, því þar má sjá tvö
gjörólík viðhorf til keppninnar.
Annars vegar er það fólk sem ger-
ir stólpagrín að keppninni, leikur
sér með formið, án þess þó endi-
lega að það feli í sér einhverja
fyrirlitningu (á þessu flaska marg-
ir í umræðunni). Hins vegar er
það fólkið sem tekur sig „alvar-
legar“ (það er samt erfitt að nota
það orð í tengslum við Evr-
óvisjón), fólk sem leggur sig í líma
við að flytja sem flottast og sem
mest grípandi lag, með það að
markmiði að sigra í keppninni
(sem er jú markmiðið). Og þrátt
fyrir þessa virðingu og al-
vörugefna undirtón þýðir það
heldur ekki að það fólk hafi ekki
gaman af þessu og sjái jafnvel líka
í gegnum keppnina og meðtaki
þær súrrealísku bylgjur sem ein-
att fylgja henni.
Morgunblaðið/Eggert Jóhannesson
Keimlíkt Hefðbundnasta lagið komst áfram, Evróvisjónsmíð sem fylgir
formúlunni út í eitt. Höfundarnir, Örlygur Smári og Páll Óskar, með flytj-
endunum, Regínu Ósk og Friðriki Ómar.
Sýra Henti Gunnar Lárus Hjálmarsson „Hvar ertu nú?" upp í tómu flippi?
Vöðvadiskó „Ho ho ho, we say hey hey hey" náði ekki áfram þrátt
fyrir að vera snilldarleg smíð sem dró nútímavæðingu Evróvisjón-
keppninnar sundur og saman í háði.
Tómar tunnur
Íslenska undankeppnin var löng,
dramatísk og stundum stórfurðuleg
6|Morgunblaðið
ÍSLANDI hefur gengið upp og ofan í
Evróvisjón og reyndar aðallega ofan –
síðustu ár hefur Íslendingum ekki tekist
að komast í aðalkeppnina; sungu þar
síðast 2004 þegar Birgitta söng okkur í
níunda sæti, en síðustu þrjú ár höfum
við keppt í undankeppni. Nú hefur skip-
an keppninnar hinsvegar verið breytt;
keppt er um tuttugu sæti 20. og 22. maí,
og fróðlegt að sjá hvernig okkur farn-
ast.
Íslendingar tóku fyrst þátt í Evr-
óvisjón 1986 með „Gleðibankann“ og
lentu þá í sextánda sæti af tuttugu,
fengu 19 stig. 1987 fór „Hægt og hljótt“
í sextánda sætið með 28 stig og 1988 fór
„Þú og þeir“ líka í sextánda sætið. Við
komust þá fyrst úr sextánda sætinu þeg-
ar „Það sem enginn sér“ lenti í botnsæt-
inu, því 22., með engin stig.
Síðan hefur gengið verið misjafnt,
hæst náðum við í annað sætið með „All
Out of Luck“ 1999 og fjórða sætið 1990
með „Eitt lag enn“, en undanfarin ár
hefur okkur ekki tekist að komast í að-
alkeppnina.
Íslenskar
gengis-
sveiflur
Reuters
Öflug Selma Björnsdóttir var hársbreidd frá því að vinna í Ísrael 1999.
Ár Flytjandi – Lag Sæti Stig
1986 ICY - Gleðibankinn 16. 19
1987 Halla Margrét - Hægt og hljótt 16. 28
1988 Beathoven - Sókrates 16. 20
1989 Daníel Ágúst - Það sem enginn sér 22. 0
1990 Stjórnin - Eitt lag enn 4. 124
1991 Stefán og Eyvi - Nína 15. 26
1992 Heart2Heart - Nei eða já 7. 80
1993 Inga - Þá veistu svarið 13. 42
1994 Sigga - Nætur 12. 49
1995 Bo Halldórsson - Núna 15. 31
1996 Anna Mjöll - Sjúbídú 13. 51
1997 Paul Oscar - Minn hinsti dans 20. 18
1998 Ekki með
1999 Selma - All out of luck 2. 146
2000 Einar Ágúst og Telma - Tell me 12. 45
2001 2Tricky - Angel 23. 3
2002 Ekki með
2003 Birgitta - Open your heart 8.-9. 81
2004 Jónsi - Heaven 19. 16
2005 Selma - If I had your love (fork.) 16. 52
2006 Silvia Night - Congratulations (fork.) 13. 62
2007 Eiríkur Hauksson - Valentine Lost (fork.) 13. 77