Morgunblaðið - 23.09.2008, Síða 15

Styrkir til
vinnustaðakennslu
og námsefnisgerðar
www.si.is
Framtíð iðnaðar veltur á menntun og
mannauði. Aukin þekking gefur iðnaðinum
takmarkalaus tækifæri til vaxtar, nýsköpunar
og útrásar. Mikilvægt er að nemendum í iðn-
og starfsnámi standi til boða námsefni og
kennsla við hæfi.
SI auglýsa eftirfarandi styrki lausa til
umsóknar:
• Styrkir til námsefnisgerðar
í greinum sem varða iðnað
• Styrkir til vinnustaðakennslu
í fyrirtækjum SI
Umsóknarfrestur er til 1. október.
Nánari upplýsingar er að finna á
www.si.is.
KONA í Lopburi-héraði í Taílandi siglir báti sínum og
þakklátum farþegum í öruggt skjól en mikil og skyndi-
leg flóð hafa verið á svæðinu. Lopburi er um 150 km
norðan við Bangkok. Ekki er enn vitað hvort flóðin
hafa valdið miklu tjóni á hrísgrjónaekrum en Taíland
er eitt af mestu hrísgrjónaræktarlöndum heims.
Reuters
Engin þörf á hundasundi
Eftir Kristján Jónsson
kjon@mbl.is
TALSMENN leyniþjónustu Pakistana segja að
pakistanskir hermenn hafi stuggað við tveim
bandarískum þyrlum í landamærahéraðinu Norð-
ur-Waziristan á sunnudag og neytt þær til að snúa
aftur yfir landamærin til Afganistans. Bandaríkja-
menn hafa að undanförnu gert árásir frá Afganist-
an á meinta hryðjuverkamenn talíbana í Pakistan.
Fullyrt er að óbreyttir borgarar séu meðal fall-
inna og hafa aðgerðirnar valdið mikilli spennu í
samskiptum ríkjanna en Bandaríkin hafa veitt
Pakistan mikinn fjárstuðning á síðustu árum. Er
ástæðan ekki síst að Pakistanar höfðu lengi stutt
við bakið á hreyfingu talíbana. Var því brýnt að fá
þá til að hætta þeim stuðningi eftir að Bandaríkja-
menn og stuðningsþjóðir þeirra réðust inn í Afg-
anistan í árslok 2001 og bundu enda á stjórn talíb-
ana sem veitt höfðu al-Qaeda samtökum Osama
bin Ladens skjól í Afganistan.
Þyrluflugmennirnir bandarísku munu ekki hafa
svarað skothríð Pakistana en haldið aftur yfir til
Afganistans. „Um 30 mínútum síðar gerðu þeir
aðra tilraun,“ segir leyniþjónustumaður á svæðinu
sem ræddi við fréttamann BBC. „Við svöruðum
aftur, skutum upp í loftið en ekki í áttina að þeim,
bæði frá bækistöð hersins og búðum landamæra-
lögreglunnar og þeir sneru við.“
Í liðinni viku skutu pakistanskir hermenn að
sögn upp í loftið til að hrekja á brott bandaríska
hermenn sem vildu fara yfir landamærin inn í hér-
aðið Suður-Waziristan. Talsmenn herja jafnt Pak-
istana sem Bandaríkjamanna vísa frásögnum
leyniþjónustumannanna á bug og segjast ekki vita
til að komið hafi til atburða af þessu tagi.
Ráðamenn í Islamabad hafa sagt um árásir
Bandaríkjamanna síðustu vikurnar í landamæra-
héruðunum að um sé að ræða óviðunandi brot á
fullveldi ríkisins. Þeir heita því samt að gerðar
verði árásir á búðir vígamanna sem hafa hreiðrað
um sig í fjallahéruðunum og gera þaðan árásir inn
í Afganistan. Her Pakistans, sem hefur oft í sögu
landsins rænt völdum, áskilur sér rétt til að svara
öllum árásum yfir landamærin.
Stugguðu við Bandaríkjamönnum
Í HNOTSKURN
»Pakistanar hafa frá 2001opinberlega stutt Banda-
ríkin í baráttunni gegn talí-
bönum og al-Qaeda.
»Á hinn bóginn álítamargir að háttsettir að-
ilar í leyniþjónustu Pakist-
ans styðji hryðjuverkamenn
á laun. Ráðamenn Afgana
hafa tekið undir þessar
ásakanir.
FLOTI rússneskra herskipa lagði í
gær af stað frá Severomorsk-höfn í
N-Rússlandi áleiðis til Venesúela.
Er ætlunin að þau taki þátt í æfing-
um með Venesúelamönnum, að sögn
BBC.
Meðal skipanna er beitiskipið Pét-
ur mikli sem er um 19.000 tonn,
kjarnorkuknúið og búið stýriflaug-
um. Það er eitt öflugasta skip rúss-
neska flotans. Rússneskar sprengju-
flugvélar tóku í liðinni viku þátt í
æfingum með flugher Venesúela.
Ljóst er að þessar aðgerðir eiga
að vera svar við því sem ráðamenn í
Rússlandi segja andrússneska
stefnu Bandaríkjamanna er reyni að
þrengja stöðugt að Rússum á göml-
um áhrifasvæðum þeirra. Einkum
hafa Rússar reiðst útvíkkun Atl-
antshafsbandalagsins, NATO, en
nokkur fyrrverandi Sovétríki hafa
fengið aðild að bandalaginu. Stjórn-
völd í Moskvu leggja nú mikla
áherslu á samstarf við Venesúela en
forseti landsins, Hugo Chavez, er
harður andstæðingur Bandaríkj-
anna.
„Það væri rangt að álíta eina þjóð
hafa einhvern einkarétt á þessu
svæði,“ sagði talsmaður rússneska
flotans, Ígor Setsín. kjon@mbl.is
Pétur mikli á leið
til Karíbahafsins
Reuters
Öflugur Pétur mikli er kjarnorku-
knúinn og búinn stýriflaugum.
FRÉTTASKÝRING
Eftir Kristján Jónsson
kjon@mbl.is
EIGA Bretar, Þjóðverjar, Japanar
og önnur stór iðnveldi að feta í fót-
spor Bandaríkjanna og nota ríkis-
sjóð til að bjarga fjármálastofnunum
frá gjaldþrotum? Það segir Henry
Paulson, fjármálaráðherra Banda-
ríkjanna, sem nú reynir að fá þingið
til að samþykkja aðgerðir sem gætu
kostað bandaríska skattgreiðendur
ómældar fjárhæðir. En viðbrögðin í
umræddum löndum eru dræm.
„Frá sjónarhóli þýsku stjórnar-
innar eru aðgerðir á borð við þær
sem rætt er um núna í Bandaríkj-
unum ekki nauðsynlegar [í Þýska-
landi],“ segir talsmaður Angelu Mer-
kel kanslara, Ulrich Wilhelm. Hann
rifjaði upp að Merkel hefði á fundi
G-8 ríkjanna í fyrra hvatt til þess að
gegnsæi varðandi vogunarsjóði og
fjármálamarkaði yrði aukið og Þjóð-
verjar teldu nú að viðvaranir þeirra
hefðu reynst á rökum reistar.
Haft var eftir talsmanni breska
fjármálaráðueytisins í Guardian að
þar hikuðu menn við að beita sams
konar lausn og Paulson, Bretar
myndu fara aðra leið.
Báðir forsetaframbjóðendurnir
vestra, demókratinn Barack Obama
og repúblikaninn John McCain,
styðja tillögur Paulsons þótt þeir
lýstu í fyrstu miklum efasemdum.
Vandi þeirra er að margir reyndir
stjórnmálaleiðtogar úr báðum flokk-
um og embættismenn óttast að verði
ekki gripið til róttækra aðgerða geti
skollið á mjög alvarleg kreppa.
En það sem einkum stendur í for-
setaefnunum og ekki síður þing-
mönnum er að við fyrstu sýn virðist
Paulson eingöngu hafa í huga að
koma í veg fyrir hrun fyrirtækja sem
allir sjá núna að hafa mörg farið
vægast sagt óvarlega. Og eiga allir
að fá aðstoð, án tillits til þess hvernig
þeir hafa hagað sér? Á að verðlauna
skussa sem þegar hafa sitt á þurru?
Margir þingmenn vilja m.a. setja
skilyrði um þak á kaupgreiðslur í
fyrirtækjum sem fá aðstoð og vilja
að venjulegir húseigendur fái hjálp,
ekki síður en fjármálafyrirtækin.
Loks má geta þess að hagsmunaaðil-
ar reyna nú að fá Paulson til að sam-
þykkja að ríkið kaupi upp öll lán sem
tengjast á einhvern hátt húsnæðis-
kaupum. Enginn vill verða útundan.
Merkel segir ekki þörf
á björgunarleiðangri
Paulson hvetur önnur ríki til að aðstoða fjármálafyrirtæki
Hvernig aðstoð er rætt um?
Ætlunin er að verja allt að 700 millj-
örðum dollara til að kaupa upp lán
með veð í húsnæði sem eigendur
hafa misst eða eru að missa.
Tapast þessir peningar?
Skattgreiðendur verða amk. fyrir
tímabundnum skelli. En reiknað er
með að lánin verði seld aftur þegar
efnahagur landsins réttir úr kútnum.
S&S
MORGUNBLAÐIÐ ÞRIÐJUDAGUR 23. SEPTEMBER 2008 15
ERLENT