Morgunblaðið - 23.09.2008, Page 21

vill ná fram með uppeldinu. Vilji foreldrarnir að
börnin hlýði og virði reglur verða þeir að sjá til
þess að börnin læri þetta og fái skýrar upplýs-
ingar um hvað má og hvað ekki.“
Í þessum efnum er grundvallaratriði að for-
eldrar séu börnum sínum góðar fyrirmyndir.
„Þeir þurfa sjálfir að fylgja þeim reglum sem
settar hafa verið og t.a.m. hanga ekki fyrir
framan sjónvarpið tímunum saman í staðinn
fyrir að gera eitthvað uppbyggilegt.“
20 mínútur á dag
Aðspurð segir Gyða foreldra býsna iðna við
að leita sér upplýsinga og fróðleiks um uppeldis-
mál. Það sjáist t.a.m. mjög vel á netinu þar sem
alls kyns spjallvefir um uppeldismál blómstri.
„Það er mjög víða verið að veita uppeldis-
ráðgjöf, t.d. í tímaritum, dagblöðum, á netinu og
í sjónvarpi. Hins vegar er þessi ráðgjöf misgóð
og foreldrar eiga ekkert auðvelt með að greina í
sundur hvað er faglegt og gott og hvað er ein-
faldlega bull. Mér finnst foreldrar því vera leit-
andi, eins og könnun sem við gerðum meðal for-
eldra fyrir nokkrum árum sýndi. Við fengum
skýr svör um að þörfin væri mikil en framboðið
af góðri uppeldisfræðslu væri ekki nægilegt.“
Í framhaldi af þessu var ákveðið að auka slíka
fræðslu í ung- og smábarnaverndinni með því
að bjóða upp á uppeldisnámskeið sem ætluð eru
foreldrum ungra barna. En hvað þá með for-
eldra sem eru að basla við uppeldi unglinganna
sinna?
„Ef fólk hefur tamið sér skipulagt og gott
uppeldi frá upphafi eru miklu minni líkur á að
lenda í vandræðum með unglingana,“ svarar
Gyða. „Oft eru foreldrar óöryggir með hvaða
mörk er eðlilegt að setja unglingnum og finnst
erfitt að banna honum eitthvað sem hann segir
að allir megi. Þá hjálpar þegar foreldrar í skól-
anum sameinast um að styðja hver annan í að
hafa ákveðnar reglur. Fólk veit gjarnan hvað er
rétt en skortir sjálfstraust til að fylgja því eftir.“
Hún segir miklu máli skipta að foreldrar
tryggi að þeir hafi einhvern lágmarkstíma með
börnunum, þrátt fyrir tímaleysið. „Þótt það séu
ekki nema 20 mínútur á dag sem varið er í sér-
staka samverustund þar sem barnið hefur for-
gang. Og oft er miklu betra fyrir börnin að fólk
eyði frítíma, t.d. um helgar, í að gera eitthvað
skemmtilegt saman heima við – elda, fara í leiki
eða gönguferð – frekar en að rjúka í verslanir
eða á skemmtanir úti í bæ. Það sýnir sig líka að
þegar börn fá sjálf að ákveða eigin umbun velja
þau oft eitthvað sem ekki kostar peninga, eins
og að baka köku með mömmu eða gefa öndun-
um brauð.“
Þetta gildir ekki bara um litlu börnin. „Ung-
lingar þurfa líka virkilega á þessu að halda. Þótt
þeir láti oft eins og foreldrarnir séu ömurleg-
asta fólk í heimi, er nauðsynlegt að þeir síðar-
nefndu passi alltaf að eiga töluverða samveru
með táningnum.“
ókeypis
Gyða Haraldsdóttir heldur erindi á ráðstefnu
ASÍ um málefni barna í Norræna húsinu í
dag, sjá www.asi.is.
Morgunblaðið/Skapti Hallgrímsson
Væntingar Foreldrar þurfa að gera kröfur sem hæfa
aldri barnsins og eru hvorki of miklar né of litlar.
» Hafið raunhæfar væntingar tilbarnsins í samræmi við þroska þess.
» Kröfur þurfa að hæfa aldri barnsinsog vera hvorki of miklar né of litlar.
»Sýnið barninu hlýju, ræðið við það,hlustið og svarið.
»Hrósið eða umbunið barninu fyrir já-kvæða hegðun.
»Standið við eigin orð og gerðir.»Takið eftir áhrifum eigin hegðunareða viðbragða á barnið.
»Verið samtaka í uppeldinu.»Gefið skýr skilaboð um hvað má oghvað ekki.
»Leitið ráðgjafar eða aðstoðar þegarerfiðleikar koma upp.
Nokkur góð ráð
MORGUNBLAÐIÐ ÞRIÐJUDAGUR 23. SEPTEMBER 2008 21
Sameining sveitarfélaga er enn og
aftur komin til umræðu. Fyrir tæp-
um þremur árum var kosið um
sameiningu sveitarfélaga á Snæ-
fellsnesi. Niðurstöður úr þeirri
kosningu voru vonbrigði. Hljóðið í
fólki var mikið á þann veg að það
kæmi að sameiningu sveitarfélag-
anna, en ekki núna. Ef það er sann-
færing fólks að sameining verði
ekki umflúin, því þá að bíða? Bíða
eftir hverju? Þetta finnst mér ekki
rétt rök gegn sameiningu. Með því
að bíða töpum við tækifærum og
við töpum fólki frá okkur. Bættar
samgöngur gera það að verkum að
íbúar á Snæfellsnesi geta litið á sig
sem heild sem hefur sameiginlega
hagsmuni að verja. Það eru breytt-
ir tímar og þetta skref verður stig-
ið.
Á þessum tímapunkti er ef til vill
rétt að hugsa lengra og bjóða Dala-
mönnum til samstarfs. Þá yrði til
stórt sveitarfélag í kringum Breiða-
fjörð, Breiðafjarðarhérað. Þar væri
byggt á traustum grunni og stoð-
irnar væru sjávarútvegur, landbún-
aður, ferðaþjónusta, opinber þjón-
usta og virkjun sjávarfalla.
  
Atvinnuástand í Hólminum er gott.
Það sem vekur mesta athygli um
þessar mundir er áræði tveggja
fyrirtækja í atvinnumálum sem
heimamenn binda vonir við.
Í síðustu viku var hleypt af
stokkunum hjá Skipavík lystiskútu
í víkingastíl, sem er hönnuð og
smíðuð hér í Hólminum. Menn eiga
ekki von á að markaður sé hér á
landi fyrir slíkar glæsifleytur held-
ur verður hún markaðssett á er-
lendum vettvangi. Unnið hefur ver-
ið að smíði hennar undanfarin þrjú
ár og margar vinnustundir liggja
að baki. Ef vel tekst til getur hér
verið um að ræða vísi að nýjum
skipaiðnaði.
Skútan er útbúin öllum þeim
þægindum sem til er ætlast að séu
í slíkum glæsifleytum. Hún hefur
ýmsa kosti umfram hefðbundnar
skútur og sérstaða hennar er henn-
ar sölumerki.
Þá er hafin framleiðsla á bjór
sem heitir Jökulbjór hjá fyrirtæki
heimamanna sem nefnist Mjöður.
Allar aðstæður til framleiðslunnar
eru eins góðar og hægt er og hafa
allar ströngustu kröfur verið upp-
fylltar.
Á næstu dögum verður byrjað að
tappa Jökulbjórnum á flöskur og
hafin sala. Þar, eins og á hinum
bænum, eru menn bjartsýnir á góð-
ar móttökur.
  
Haustið er komið. Sumarið ein-
kenndist af stakri blíðu, þurrviðri
og hita. Mikil breyting varð svo á
veðurfari um mánaðamótin. Síðustu
vikur hafa verið stanslausar rign-
ingar með hvössum vindi. Greini-
legt er að safnast hafa upp miklar
birgðir af úrkomu á himnum sem
ekki hefur verið lengur hægt að
halda aftur af.
Þetta minnir okkur mjög á síð-
asta ár. Það byrjaði að rigna á svip-
uðum tíma og stytti vart upp fyrr
en um áramót, en þá kólnaði og fór
að snjóa. Það sem vekur athygli
veðurglöggra manna er það hve
miklir stormar fylgja þessu veðri.
  
Eins og fyrr segir var sumarið afar
gott. Mikill fjöldi ferðamanna heim-
sótti Stykkishólm og varð aukning í
ferðaþjónustu. Hjá Sæferðum, sem
gera út ferjuna Baldur og annast
skemmtisiglingar, var um mets-
umar að ræða. Flatey var vinsæll
áningarstaður og fóru um 15.000
farþegar þangað fram og til baka.
Þrátt fyrir góðærið hefur stór-
aukinn olíukostnaður sett strik í
reikninginn svo að eftirtekjan er
rýrari en vonast var til.
  
Sæferðir hafa boðið upp á hvala-
skoðun út af Snæfellsnesi í 12 ár.
Síðustu ár hefur verið gert út frá
Ólafsvík. Nú hefur verið ákveðið að
hætta hvalaskoðun, þar sem reynsl-
an í sumar hefur sýnt að ekki er
hægt að gera út svo dýran bát á
háu olíuverði.
STYKKISHÓLMUR
Gunnlaugur Auðunn Árnason
Morgunblaðið/Gunnlaugur Auðunn Árnason
Skútusmíði Skútur í víkingastíl er nýsköpun í atvinnulífi Hólmara, þar
sem athyglinni er beint að erlendum mörkuðum.
Fréttir bárust af því í vetur aðKeith Richards hefði tekið ösku
föður síns í nefið. Eitthvað örlítið bú-
inn að styrkja hana fyrst að sögn.
Þórarinn Eldjárn orti á bloggið:
Margt gott er Keith Richards gefið
nú getur hann fælt úr sér kvefið:
Hann fékk sér hreint kók
og við föður sinn jók
og notar svo blönduna í nefið.
Rúnar Kristjánsson á Skaga-
strönd orti eftir lestur hádegisfrétta:
Enn eru met í ýmsu sett,
öfug gengin slóðin.
Ísa skara sköpuð stétt
skuldugasta þjóðin!
Þegar kunningi hans kvartaði yfir
stirðleika í hnjám orti Rúnar:
Þarftu að liðka þig í hnjánum,
þér ég ráðið besta segi,
stattu þá á stóru tánum
stundarlangt á hverjum degi!
Loks um skemmtilega viðtalsþætti
í Sjónvarpi:
Oft vill nokkur ófögnuður
erli fylgja á hverjum stað.
En Gísli æðir Út og suður
og allir blessa hann fyrir það.
VÍSNAHORNIÐ pebl@mbl.is
Stattu á
stóru tánum!
úr bæjarlífinu
Stórhöfða 21, við Gullinbrú, s. 545 5500.
www.flis.is ● netfang: flis@flis.is
lím og fúguefni
Dive Deeper 08
Tækninámsstefna í Smárabíó 9-10 október
Microsoft sérfræðingar, ekki missa af þessu!
Nánari upplýsingar og skráning í síma 544 4500 og www.ntv.is/divedeeper