Skinfaxi - 01.01.1914, Qupperneq 14

u
SKINFAXI
svo innilega saklausir í aSdáun þess litla
heims, sem þeir lifa i, að þeir höfðu ekki
vit á að mögla. Og svo hinsvegar stóð
alt embættisvaldið að skólanum, að búast
mátti við að misfellurnar yrðu varðar í
eigin hagsmuna- og sæmdarskyni, þótt bent
væri á þær, og þær sannaðar. Biskup
sýndi því hér, enn sem fyr, víðsýni
meir en gerist og allmikinn kjark og rögg
i að hrinda áleiðis góðu máli.
Tillögur biskups eru þessar:
1. Skólastjórinn þarf að vera maður á
léttasta skeiði, maður með endurbótahug,
kjark og dugnað.
2. Skólinn á ekki að vera í Reykja-
vik, heldur í sveit.
3. Hann ætti helst að flytjast aftur að
Bessastöðum.
Kennararnir hafa tekið mjög illa upp
tillögur biskups. Er helst svo að sjá, að
þeir álíti skólann vera til að veita þeim
atvinnu, en ekki vegna Iærisveinanna og
þjóðarinnar. En ef svo er háttað hugs-
unarhætti þeirra, gæti enn verið sönn ein-
hver atriði ur hinni átakanlega sorglegu
Jýsingu, sem próf. Guðm. Hannesson gefur
í N. Kbl. af anda skólans, þegar hann var
þar námssveinn.
Hitt og þetta.
SamktiudsþÍDg-
verður um líkt leyti og leikmótið — um
miðjan júní, og hér í Reykjavík. Fjórð-
ungsþingin velja fulltrúa á þingið nú í
vetur.
Ouðm. Hjaltason
er nýfarinn í fyrirlestraför um Norður-
land að undirlagi Norðlendingafjórðungs.
Gerir hann ráð fyrir að verða á Sveins-
stöðum i Húnavatnssýslu 3. febrúar og
hefja þar fyrirlestrana og halda síðan
austur um sýslur, koma við hjá semflest-
um Ungmennafélögum, og hætta ekki fyr
•en komið er að eða í Þingeyjarsýslur.
Ætlar hann sér að hafa lokið þessu af á
þrem mánuðum, febrúar mars og apríl.
— Mundu fáir menn á hans aldri færast
slikt i fang, sjálfa vetrarmánuðina.
Misprentast
hefir í 10. bl. Skinfaxa bls. 76: Val-
týr Níelsson f. Hallgr. Níelsson.
'Ký samþandsfélö?:
U. M. F. Skjaídbreið, Meðallandi, U.
M. F. Dagsbrún, Miklaholtshreppi Hnappa-
dalssýslu og U. M. F. Stafholtstungna.
Síðan
landlæknir Guðm. Björnsson ritaðigrein-
ina um boglist, hefir Jón sagnfræðingur
tjáð höf.. að hann hafi bygt kenningu sína
um boghald fornmanna á doktorsritgjörð
Björns Bjarnarsonar. En dr. B. B. hefir
leiðrétt jæssa villu í íslensku útgáfunni af
bókinni.
Fáninn.
Sr. Sigtryggur Guðlaugsson skólastjóri
á Núpi skrifar:
— — Nú verður að ákveða gerð fán-
ans, en ég er að sumú ieyti smeykur við
þá ákveðning. — — Eg vil enga breytingu
á „bláhvíta fánanum“ nema ef gera mætti
dekkri bláa litinn. — — — En neyðist
menn, vegna alvarlegra afskifta þeirra, sem
líkasta fánagerð hafa áður, til að breyta
til, þá virðist mér, að minsta breytingin
og oss samboðnust væri sú að setja fálk-
ann hvíta i efri bláa reitinn við stöng-
ina, og hafa hann þá með lyftum
vængjum. Þetta eykur fyrirhöfn í gerð
hvers fánadúks, en ég hugsa mér að horn-
in yrðu seld af ýmsum stærðum svona
lituð“.
U. M. F. Aftureldiug-
i Lágafellssókn æskir eftir bréfum frá
Ungmennafélögum og öðrum kaupendum
Skinfaxa. Bréfin séu komin til félagsins
fyrir 15. mars þ. á.