Skinfaxi - 01.06.1915, Blaðsíða 14
78
8KINFAXI.
Vilja nú ritstjórar blaðanna ekki sýna
þá röggsemi að útrýma þeim auglýsingum,
sem sýnilega eiga ekkert erindi annað en
að féfletta fáfróða og hrekklausa menn?
Tekjur blaðanna af þessum auglýsingum
eru naumast svo miklar, að um þær muni.
— Ritstjórarnir munu raunar ætlast til að
svona lagaðar auglýsingar fari erindisleysu
til almennings. En mig grunar að póst-
bækurnar votti annað, ef þær verða spurð-
ar um þetta efni.
6. V.
Nýgræðingar.
Er Frón á hvers manns æskuást
og æfitrygð,
þess munu fögur merki sjást
í margri bygð;
og blásnar urðir breytast þá
í blómagrund
og beru rjóðrin bæjum hjá
í bjarkalund.
* *
*
Hver lundur, sem græddur er, glæðir þá von
að getum vér landið vort klætt
með skrúðgrænum, ilmandi skógi
og skemdarverk aldanna bætt.
Og heill sé þeim öllum, sem hönd leggja til
að hefja svo land vort og þjóð,
að framtíðin öll verði indælt
og ástúðlegt fagnaðarljóð.
N. V.
Tóbaksbindindi.
B. T. f.
hefir nú haldið annan aðalfund sinn í
Rvík 15. júní s. I. Fuiltrúar voru mættir
frá sex félögum. Sum félög og flokkar
sem í fyrstu gengu i Bandalagið, hafa litið
aðhafst enn; þarf þar betur að vinna ef
duga skal. Gleðilegasta viðbótin í hópinn
er félag barnaskóladrengja i Rvík, sem
Steindór Björnsson leikfimiskennari hefir
stofnað. I því eru yfir 60 félagar. Banda-
lagið gefur út ársskýrslu þetta ár, og mun
reyna að halda þeirri venju framvegis. Þá
skýrslu fá allir sem eru félagar í Banda-
laginu. Sú skýrsla ætti með tímanum að
verða gott vopn i baráttunni við tóbakið.
Tóbakið og; skólarnir.
Það er leiðinlegt, en þó satt, að sumir
skólar hér á landi kenna tóbaksnautn.
Lærisveinarnir nema ósiðinn hver af öðr-
um og kennararnir reyna ekki eða hafa
ekki mannrænu til að stemma á að ósi.
Þetta ástand er alveg óviðunandi. Það
verður að gera þá skilyrðislausu kröfu til
skólanna, að þeir geri meira en að kenna
bækur. Þeir verða a. m. k. að vinna á
móti gömlum óþrifavenjum, ekki síst þeim
sem eru í viðbót dýrar og óhollar.
Úr hagskýrslunum. Innflutt tóbak að meðaltali: Á ári 100 kg.: Neysla á. mann:
1881—85 838 1,2
1886-90 815 1,1
1891—95 880 1,2
1896—1900 962 1,3
1901-05 995 1,3
1906—10 914 1,1
1911 932 1,1
1912 780 0,9
Þessi tafla er tekin úr grein eftir Jón
Dúason, sem kemur í ársskýrslu B. T. í.
Gleðilegt að sjá að tóbaksnautnin er þó
heldur í rénun.
Utanáskrift til stjórnar Sunnlendinga-
fjórðungs er þannig:
Til
fjórðungsstjórnar Sunnlendingafj. U. M. F. í.
Laugaveg 70. Reykjavik.