Skinfaxi - 01.01.1922, Blaðsíða 6

6
SKINFAXI
hinni opinberu meðvitund. Einfaldar og
fábreyttar venjur, djörfung, heilsuhreysti
og «álfsstiórn í hugsunarhætti.
Æskan verður að tileinka sér þessa mann-
kosti sameiginlega. Með þá að leiðarmörk-
um, verður hún að hefja starfið á nýa
tímanum. Ef þessir mannkostir fá að
ráða í lífi hennar á nýa tímanum, hljóta
þeir að leiða af sér fagurt félagslíf. Sam-
starfandi og samhjálpandi hugarstefnu, og
þar af leiðandi sameiginlega hamingju fyrir
mannkynið á nýa tímanum.
Æskumenn Islands! Ungmennafélagar!
Gerið ykkur ljóst takmark nýa tímans.
Gerið ykkur ljósar skyldur ykkar á nýa
tímanum. Hver og einn af ykkur verður
að svara, á sínum tíma, þeirri alvöruspurn-
ingu, sem skáldið setur fram í þessum
tveimur hendingum:
»Hvað vanstu drottins veröld til þarfa,
hvers verðurðu spurður um sólarlag«.
Bened. Gíslason.
»Öllu snúíð öfugt þó.«
íþróttavinum er þ a ð gleðiefni, að á s í ð-
u s t u árum hafa íþróttir verið hér í auð-
særri framför, og virðist sem aukist hafi
skilningur fyrir gildi þeirra, jafnvel meðal
manna sem ekki hafa iðkað þær. Kom
því mönnum á óvart, þegar fitjað var upp
áþví við bæjarstjórn Reykjavíkur, að leggja
skatt á íþrótta sýningar hér í bæ. Þó furð-
aði mann meir á því, að þessi óþokka
ráðstöfun skyldi ná samþykki bæjarstjórn-
ar og stjórnarráðs.
Þeir, sem kunnugir eru íþróttafélögum
í bænum, vita vel, að þau hafa átt við
þröngan kost að búa. Flestir, sem íþróttir
stunda, eru unglingar og efnalitlir, geta
ekki af eigin ramleik lagt fram fé, til nauð-
synlegra framkvæmda. Fjárhagslega eru
því íþróttasýningarnar dálítil hjálp, jafn-
vel þótt þær séu kostnaðarsamar, og hrein-
ar tekjur oft ótrúlega rýrar. Því væri eðli-
legra að bærinn legði dálítið fé af mörk-
um, til þess, að gera þeim léttara fyrir, er
stunda vilja íþróttir. En bæjarstjórnin fer
hér alveg í öfuga átt; gerir sér íþrótta-
menn og íþróttavini að féþúfu, og hygst
með því að sýna einhverja linkind þeim,
sem láta íþróttir afskiftalausar eða hafa
horn í síðu þeirra, og einmitt þessi stefna,
þessi hugsunarháttur, er það ógeðslegasta
við íþróttaskattinn, og verður að kveðast
niður. Iþróttamenn mótmæltu að vfsu
þessari óhæfu og munu ekki sætta sig við
úrslit málsins.
Stjórn I. S. I. ætti nú ekki að liggja á
liði sínu, til að fá afstýrt þessum ófögnuði.
R.
í. S. í. 10 ára.
í dag er í. S. í io ára, stofnað 28. jan.
1912. Það má óhætt segja að í. S. í. hafi
afkastað miklu, eftir því sem í garðinn var
búið. Það hefir gefið út 8 bækur, stofnað
sjóð sem heitir; »Sjóður styrktarfélaga
í. S. !.« Sjóður þessi er, eins og nafnið
bendir til, myndaður af tillagi sem styrkt-
arfélagar sambandsins gjalda, sem er 5
króna árstillag, eða 50 króna æfitillag.
Stjórn í. S. í. skipa nú: Axel V. Tulinius
formaður. Ben. G. Waage, G. Björnsson,
Halldór Hansen og Hallgr. Benediktsson.
Konungur íslands er verndari þess, tilkynti
það sjálfur í sumar er konungsglíman fór
fram. Það er ekki hægt að geta ýtar-
lega um starfsemi í. S. í. í svo litlu blaði
sem Skinfaxa, enda gera stóru blöðin það
sjálfsagt betur. Oska eg svo afmælisbarn-
inu allra heilla. M. S.