Skinfaxi - 01.01.1922, Blaðsíða 12

12
SKINFAXI
við skeifuhælinn — eru þrep til að standa
á. Þeir, sem þar standa, eiga mót sólu að
sjá, en þurfa minna að borga. Ef mig
minnir rétt, hefir Stadion rúm fyrir 19000
áhorfendur. Hægt er að draga tjöld yfir
sætin, inn af múrbrúnunum, og er það
líklega gert ef rignir. Yfir sætum konungs-
fólksins er altaf tjaldhiminn.
Eg vel mér sæti í miðri blíð, þar sem
undan sól er að horfa yfir völlinn.
Eg hlýt að dást að því, hve rólega og
skipulega leikið er, svo mikið sem kappið
hlýtur þó að vera undir niðri. Þetta er
fullkominn kappieikur. Margar þúsundir
manna horfa á, og líklega er fám þeirra
sama, hvernig leikurinn fer. Ekki skortir
eggjanir frá áhorfendunum, ef á annan
flokkinn hallast. »Eskilstuna«! »Eskil-
stuna«! »Stockholm«! »Stockholm«! er
hrópað í sífellu. Það lítur út sem Eskil-
stunabúar hafi komið þúsundum saman um
langan, veg til að horfa á leikinn. Þeir eru
stórlátir, og ætlast til að Eskilstuna vinni.
Stockholmverjar standa á öndinni, því að
Eskilstuna heflr einvalalið, og höfuðstað-
urinn má vara sig. Hamraborgin dunar at
lófaklappi, er aðrir hvorir vinna leik. Sví-
ar hafa verið taldir blóðheitir, og íslenzkir
æskumenn þurfa varla annað en stinga
hendinni í sinn eiginn barm til aö geta
því nærri, að leikendum muni hafa verið
hlýtt innan rifja. En þeir eru æfðir og
tamdir og furðu jafnir, allir mjúkir, stæltir
og stiltir. Hver hefir sitt ákveðna hlutverk
að vinna, og vinnur það með snild, en
verður ekki í vegi fyrir samherjum sínum.
Að lokum gengur Eskilstuna sigrandi af
hólmi, enda virðast þeir leikendurnir enn-
þá jafnari.
Eg reyni að bera saman í huganum
sænska leikendur og íslenzka. Mér finst
enginn leika betur á Stadion, en eg hefi
séð best leikið heima, en eg hefi aldrei séð
heima eins jafna leikendur og eins skipu-
legan leik.
Iþróttir á Islandi eignast ekki í náinni
framtíð slíkt hamravígi sem Stadion, eða
eins góðan leikvöll, býst eg við, en Islend-
ingar geta orðið íþróttamenn fyrir því.
Stadion er spari-leikvöllur Svía, og ekki
notaður nema á stórhátíðum, eins og t. d.
1. maí, sem er sumardagurinn fyrsti hjá
þeim. Sænskir íþróttamenn hafa þroskað
sig á lakari leikvöllum, og þeir eru ekki
margir af öllum fjöldanum, sem nokkurn-
tíma hljóta þann heiður að leika á Stadion.
Ef Islendingar nota vel leikvelli sína
hér heima, sem þeir sjálfsagt gera úr garði
eftir beztu föngum, þá finst mér ekki
óhugsandi að einhverntíma leiki íslend-
ingar móti Stokkholmverjum á Stadion
og vinni sigur, eins og Eskilstuna litla
gerði. En til þess þurfa þeir að eignast
heilan flokk eins færan, og þeir fremstu
hafa verið, og temja sér að leika með
óbilandi stillingu og fullkomnu skipulagi.
Sigurgeir Friðriksson.
Nýárssundíð.
Það fór fram á nýársdag kl. 10s/4 f. h.
keppendur voru 10 og sundskeiðið 50
metr.
Úrslitin urðu þessi:
I. Jón Pálsson sundkennari 37 7s sek.
2. Pétur Árnason 38V5 -
3- Olafur Árnason 394/s
4- Óskar Bergmann 4i
5- Pétur Halldórsson 41% '
6. Gestur Friðbergsson 42
7- Erlingur Jónsson 47 Vs —
8. Marteinn Pétursson 472/b -
9- Friðrik Ólafsson 48 2/B —
10. Friðrik Pálsson 50
Sjávarhiti var 0,6 stig en lofthiti 4 stig.
Þetta var j 1 nýárssundið. Sundfélagið
»Grettir« hefir gengist fyrir sundinu fram
að þessu en nú gegst Sundfél. »Gáinn«
fyrir því. Jón Pálsson sonur Páls Erlings-