Skinfaxi - 01.04.1966, Síða 9

Sambandsstjórn UMFÍ, sem kjörin var á síðasta sambandsþingi. Fremri röð frá vinstri: Guðjón Ingimund-
arsson, Eiríkur J. Eiríksson (formaður), Ármann Pétursson. Aftari röð: Sigurður Guðmundsson, Hafsteinn
Porvaldsson og Jóhannes Sigmundsson.
ákvarðanir þar sem tekjur sambands-
ins eru mjög óvissar, og lítur svo á, að
eðlilegast sé, að sambandsstjórn fjalli
um þau mál og ráðstafi þeim fjármun-
um, sem sambandinu kunna að hlotn-
ast eða hefur ráð á hverju sinni.
TIL KAUPENDA SKINFAXA
Undanfarin ár hafa verið nokkrir erfiðleikar á útgáfu blaðsins, og hefur því miður ekki tekizt að
halda blaðinu úti reglulega. Á síðasta ári var hafizt handa um að koma útgáfunni í reglulegt horf,
og þótt erfiðlega hafi gengið, hefur enginn árgangur fallið alveg niður. Á síðasta ári komu út
4 númer af ritinu, eins og til er œtlazt, en þessi númer voru í tveimur heftum. — Nú er málum
komið 1 svo gott horf, að hægt er að heita kaupendum því að út komi reglulega fjögur hefti af
ritinu árlega. — Ungmennafélagshreyfingunni er það höfuðnauðsyn að hafa trygga og reglulega
útgáfu á málgagni sínu, og öllum má ljóst vera að fjögur hefti á ári er algert lágmark. Þessvegna
verður hiklaust stefnt að því að stækka blaðið sem fyrst eða fjölga árlegum heftum. — Málgagni
UMFÍ er það lífsnauðsynaðhafa sem bezt tengsl við lesendur sína, og þá fyrst og fremst við hina
starfandi ungmennafélaga í öllum byggðum landsins. Þessvegna hvetjum við þá alla til að láta
okkur frá sér heyra, senda efni til blaðsins, tjá okkur álit sitt á blaðinu og koma með tillögur um
betra efni eða betra fyrirkomulag. — Við heitum ykkur reglulegri útkomu ritsins, og vegna þess
að við erum þess fullvissir að efndir verði á því loforði, hefur innheimta á áskriftagjöldum nú
verið hafin. Við biðjum ykkur vinsamlegast að gera skil hið fyrsta. — Ungmennfélagar! Skinfaxi
er ykkur málgagn. Takið höndum saman um að gera hann að máttugu málgagni fyrir hreyfingu
ykkar. Aflið ritinu nýrra áskrifenda og leggið honum allt það lið sem þið megið Ritstj.
SKINFAXI
9