Skinfaxi - 01.02.1975, Blaðsíða 3

SKINFAXI
Tímarit Ungmennafélags íslands — LXVI. árgangur — 1. hefti 1975. — Ritstjóri Eysteinn
Þorvaldsson — Út koma 6 hefti á ári hverju.
Landsmótsár
Heilir til starfa á nýbyrjuðu ári góðir
ungmennafélagar og þakka ykkur þrótt-
mikið starf þjóðhátíðarárið 1974.
Árið 1975 er landsmótsár, æska ung-
mennafélaganna um land allt býr sig nú
undir þátttöku í 15. landsmóti UMFÍ, sem
fram fer á Akranesi næsta sumar. Þjálfun
afreksfólksins er nú betur skipulögð en
oft áður, og allir sambandsaðilar innan
UMFÍ munu leggja áherslu á að tefla fram
vel æfðum einstaklingum í keppnis- og
sýningargreinum landsmótsins.
Landsmót UMFÍ vekja jafnan þjóðar-
athygli, og nú er svo komið að fjöldi er-
lendra ungmenna og forustumanna I
æskulýðsstarfi munu hafa áhuga á því
að sækja okkur heim landsmótsárið. Þá
hefur landsmótsnefnd og stjórn UMFÍ á-
kveðið að efna til utanferða frjálsíþrótta-
fólks til Danmerkur að loknu landsmóti,
og er það A. A. G. í Árósum sem verða
munu gestgjafar okkar þar, en það er eitt
af öflugustu héraðssamböndunum innan
danska ungmennasambandsins D.D.G.U.
Forustumönnum dönsku og norsku ung-
mennafélaganna hefur verið boðið til
landsmótsins ásamt sýningarflokkum,
fimleikaflokki frá Danmörku, og þjóð-
dansaflokki frá Noregi. Ákveðið hefur
verið að fimleikar og þjóðdansar skipi
veglegan sess á 15. landsmóti UMFl.
Undirbúningur er hafinn í þessu sambandi
og ráðgert að efna til umfangsmikilla hóp-
sýninga í þessum greinum á mótinu.
Landsmótin eru einskonar þjóðhátíð
æskunnar á íslandi, þar sem sviðsetning
fer fram á því fjölþætta starfi sem ung-
mennafélögin vinna að.
Engir sem mótin sækja komast hjá því
að verða þátttakendur í þeim með einum
eða öðrum hætti. Þannig fylgir íþrótta-
fólkinu úr hinum einstöku héruðum lands-
ins mikill fjöldi áhorfenda og aðstoðar-
fólks, og er slíkt mikil hvatning fyrir í-
þróttafólkið. Forustumenn keppnis- og
þátttökuliða hinna ýmsu héraðssambanda
leggja nótt við dag til undirbúnings og
skipulagningar. Tjaldbúðir þátttakenda,
ferðalögin, viðurgjörningur og framkoma
öll á mótsstað — allt er vegið og metið.
En framar öllu eru landsmótin góð
skemmtun fyrir fólk á öllum aldri, alla
fjölskylduna. Framkvæmdaaðilar 15.
landsmóts UMFl, Ungmennasamband
Borgarfjarðar og Umf. Skipaskagi, hafa
átt mjög gott samstarf við forráðamenn
Akraneskaupstaðar, og þar verður boðið
til veglegs móts.
Ungmennafélagar um allt land fjöl-
mennum til landsmótsins. H. Þ.
LAHD"BQKASAFH
SKINFAXI
3