Skinfaxi - 01.02.1975, Blaðsíða 29

60 ÁRA
AFMÆLI
HSÞ
Laugardaginn 2. nóv. sl. hélt Héraðs-
samband Suður-Þingeyinga veglega af-
mælishátíð á Húsavík vegna 60 ára af-
mælis sambandsins, sem stofnað er að
Breiðumýri 31. okt. 1914.
Hátíðahöldin voru vel sótt af ung-
mennafélögum víðs vegar að úr héraðinu
og fjölda gesta. Forustumenn UMFÍ og
ÍSÍ og íþróttafulltrúi ríkisins voru þar í
boði HSÞ svo og forustumenn nágranna-
héraðssambanda.
Hátíðahöldin hófust með veglegum í-
þróttasýningum í íþróttahúsinu á Húsa-
vík, undir forustu framkvæmdastjóra
HSÞ, Arnaldar Bjarnasonar, og hjónanna
og íþróttakennaranna Védísar Bjarna-
dóttur og Vilhjálms Pálssonar.
Þráinsglíman fór fram, en það er árleg
kappglíma sem fram fer hjá HSÞ. Kepp-
endur að þessu sinni voru 5, og sigraði
Ingvi Ingvason í glímunni að þessu sinni.
íþróttasýningamar voru afar skemmtileg-
ar, og áttu að sýna eins konar þverskurð
af íþróttaiðkun innan sambandsins að
svo miklu leyti sem það er hægt innan
húss. Sýnd var knattmeðferð af ýmsu
tagi, brugðið u]5p keppni í blaki, leik-
fimisýning og leikræn tjáning yngstu æsk-
unnar undir hljómfalli. Vakti sú sýning
verðskuldaða athygli og ánægju við-
staddra.
Um kvöldið var svo sest að veglegu
veisluborði í hinu myndarlega félags-
heimili þeirra Húsvíkinga. Veislustjóri
var Ketill Þórisson. Formaður HSÞ, Ósk-
ar Ágústsson, bauð gesti velkomna og
flutti yfirgripsmikið erindi um starfsemi
sambandsins í 60 ár. Fjórir af stofnendum
HSÞ em enn á lífi, og hafði stjóm sam-
bandsins látið gera veglegar heiðursvið-
urkenningar (veggskildi) þeim til handa.
Tveir þessara heiðursmanna voru við-
staddir og tóku á móti sínum heiðurs-
verðlaunum, þeir Jón Haukur Jónsson,
Húsavík og Marteinn Sigurðsson, Hálsi.
Hinir tveir eru Jóhannes Laxdal, Tungu
og Marteinn Sigurðsson, Ystafelli.
Þá voru þeir Gunnlaugur Tryggvi
Gunnarsson Kasthvammi og Þórður Jóns-
son í Laufahlíð gerðir að heiðursfélögum
fyrir vel unnin störf í þágu sambandsins,
bæði af stjórn HSÞ og forseta ÍSÍ, sem
sæmdi þá gullmerki. Óskar Ágústsson
form. HSÞ hlaut einnig heiðursviður-
kenningu frá ÍSÍ. Sambandinu voru
fluttar kveðjur og færðar ýmsar góðar
gjafir.
Þegar veislugestir höfðu notið hinna
ríkulegu veitinga, hlýtt á ræður, notið
skemmtiatriða af ýmsu tagi og sungið
kröftuglega undir stjórn Þráins Þóris-
sonar skólastjóra á Skútustöðum, vom
borð upp tekin og stiginn dans til kl. 2.00.
Var mikil og almenn þátttaka í dansin-
um, og áberandi hve margt ungt fólk var
viðstatt þessi myndarlegu hátíðahöld, og
skemmti sér vel.
Skinfaxi óskar HSÞ til hamingju með
afmælið og óskar sambandinu allra heilla
í nútíð og framtíð.
SKINFAXI
29