Skinfaxi - 01.08.1976, Qupperneq 21

á fætur öðru. Hina djúpu rödd þeirra
skýrir Hollman svo: Þessar stúlkur
eru valdar til æfinga þegar á barns-
aldri. Sérfræðingar leita að kröftugum
stúlkum með mikið lungnaþol og góða
vöðvabyggingu. Síðan eru þær þjálf-
aðar árum saman. Við það stækkar
m. a. brjóstkassinn sem myndar ein-
mitt hljómkassa djúprar raddar. Eigi
að síður nota austurþjóðverjar lækna
og lyfjafræðinga allra þjóða mest við
íþróttaþjálfun, m. a. til að útbúa
vítamínblöndur og þrúgusykursblönd-
ur sem auka æfingagetuna og þar með
afköstin. Margir gruna austurþýsku
lyftingamennina um að neyta ana-
bolika.
HÁFJALLAÆFINGAR
í sambandi við olympíuleikana í
Mexikó 1968 (2240 m hæð) komust
læknar að raun um þýðingu æfinga
í mikilli hæð. í súrefnissnauðu hæða-
loftinu aukast rauðu blóðkornin sem
færa vöðvunum þar með aukið súrefni
og kraft. Síðan æfa margir á háslétt-
um og ná betri árangri í keppni á lág-
lendinu. Þá hafa þýskir og sovéskir
læknar gert tilraunir með að láta
íþróttamenn æfa í lofti þar sem súr-
efni hefur verið minnkað, innanhúss,
og síðan að æfa í hreinu lofti, og hef-
ur afkastagetan aukist við þetta, en
slíkar æfingar eru auðvitað ósaknæm-
ar í lyfjaprófun. Þá hafa læknar aust-
an hafs og vestan gert tilraunir með
áhrif rafstraums á vöðva, og þykjast
sumir hafa getað aukið krafinn við
það.
BLÓÐSKIPTI.
Fátt verður útundan þegar lækna-
Lasse Viren þykir sporléttur á olympíuleikum.
Eru hinir ævintýralegu sigrar hans að þakka
nýjustu tæknibrellum íþróttalæknanna: blóð-
skiptum?
vísindin eru tekin í þjónustu íþrótta-
þjálfunar. Fyrir fjórum árum byrjaði
sænski læknirinn Björn Ekblom til-
raunir með blóðflutning. Hann tók
0,8—1,2 lítra af blóði úr íþróttamönn-
unum. Blóð þetta var síðan djúpkælt
og að fjórum vikum liðnum var þvi
aftur sprautað i viðkomandi íþrótta-
mann. Á tveimur vikum höfðu íþrótta-
mennirnir hins vegar fengið eðlilegt
blóðmagn á ný. Svo þegar viðbótar-
blóðinu úr eigin æðum var aftur
sprautað í þá, jókst afkastagetan urn
SKINFAXI
21