Skinfaxi - 01.08.1976, Page 23

25 prósent. Nú þykir sannað að slíkar
tilfærslur á blóði geti einkum aukið
þol manna verulega eða allt að 25%.
Killanin lávarður, formaður Alþjóða-
olympíunefndarinnar, hefur lýst því
yfir að blóðflutningur heyri ekki undir
óleyfilega lyfjanotkun. Sá frægðar-
maður á olympiuleikunum sem talinn
er hafa fengið meðhöndlun sem þessa,
er finnski hlauparinn Lasse Viren. Er
þetta talin skýringin á hinum óvæntu
sigrum hans á tvennum OL í röð án
þess að verulega kveði að honum milli
olympíuáranna.
ER ÞETTA FRAMTÍÐIN ?
Áfram heldur lyfj akapphlaupið á
íþróttamarkaðinum, og er fjöldi lækna
í ýmsum löndum að kanna hvað hægt
sé að nota af ýmsum sjúkdómalyfjum
til að örva afkastagetu íþróttafólks.
T. d. eru nú gerðar tilraunir með ýms-
ar vitaminblöndur sem örva efna-
skipti í líkamanum án þess að hafa
nokkrar aukaverkanir.
Flestir sérfræðingar eru á einu máli
um það að nú sé rétt að hefjast fyrir
alvöru sérfræðingakapphlaupið. Gíf-
urlegu fé verður varið í tilraunir á
þessu sviði allt í þeim tilgangi að
finna upp áður óþekkt ráð til að
auka afreksgetuna umfram venjulega
mannlega hæfileika. Margir íþrótta-
menn eru farnir að líta á slíkar að-
farir sem sjálfsagðar. Olympíusigur-
vegarinn í maraþonhlaupi á OL i
Múnchen 1972, Frank Shorter frá
Bandaríkjunum, varð annar i hlaup-
inu í Montréal. Hann segist ætla að
keppa 1980 „ef ég fæ nógu góða lækna
til að undirbúa mig?“, bætti hann við.
Kristoff frá Búlgaríu var krýndur sigurvegari
í þungavigt lyftinga á olympíuleikunum. Nú
hafa verðlaunin verið dæmd af honum. Hann
hafði aukið vöðvastyrk sinn á ólöglegan hátt.
A.m.k. þrír aðrir lyftingamenn voru strikaðir
út af afrekaskrám olympíuleikanna.
Ekki þarf að efa að margir hugsa
með óhug til framtíðarinnar í íþrótta-
málum vegna þessara nýju viðhorfa.
En lítil von er til þess að stórþjóðirnar
snúi til baka á þessari braut. Og raun-
ar þarf ekki stórþjóðir til. Lyftinga-
mennirnir þrír sem urðu að skila verð-
launum sínum voru frá Búlgaríu og
Póllandi. Og núna nýlega barst sú til-
kynning, að fjórði maður í milliþunga-
vigt, Grippaldi frá Bandarikjunum,
hefði líka reynst ólöglegur vegna
lyfjanotkunar. Þar með er Guðmund-
ur Sigurðsson kominn í 7.—8. sæti.
SKINFAXI
23