Skinfaxi - 01.04.1977, Blaðsíða 12

Að morgni 15. mars var lagt upp í
kynningarferð. Fyrst var skoðað slát-
urhús í Gol, en þar er möguleiki til að
slátra öllum húsdýrum í einum sal —
ég efast um að slíkt leifðist á íslandi.
Síðan var haldið til Hemsedal og
sitt af hverju skoðað þar. Fyrst var
haldið til Lykkja sem er í 900 m hæð
og kúabú skoðað. Þar er ekki ræktað
korn vegna þess hve sumarið er stutt,
þar er þó töluverð mjólkurframleiðsla.
Þarna voru þátttakendur fræddir um
selbúskap og jarðrækt til fjalla. Næsti
áfangastaður var mjólkurbúð í Hems-
dal. Starfsemin var kynnt og fyrir-
tækið sýnt. Þarna er framleitt tölu-
vert af osti, t.d. hinn þjóðlegi „geit-
ost“. Farið var i heimsókn til bónda
nokkurs sem stundar sauðfjárbúskap
og leigir út „hytter“ (orlofshús). Hjá
bónda þessum sáum við grindur í fjár-
húsum af gerð sem við höfum ekki séð
fyrr. Voru það jámristar, stofnkostn-
aður er mikill við slíkar grindur en
þær vöktu þó óskipta athygli. Ein-
hvern veginn fengum við líka þá hug-
mynd að það væri töluvert arðbært
að leigja „hytterne" út.
Síðdegis var komið til Vult og Li en
þar er unnið úr sauðf járgærum á þjóð-
legan hátt. Að þvi er virðist mjög
merkilegt fjölskyldufyrirtæki.
Verksmiðjan er íbúðarhúsið, en það
er mjög fallegt, nokkur hundruð ára
gamalt bjálkahús.
Um kvöldið heimsóttum við Lilu
landbúnaðarskóla í Torpo. Þar var
rætt um afleysingar í landbúnaði,
skógarbúskap og nytjar óbyggða.
Seint um kvöldið var gefinn kostur
á því að skoða klak- og fiskeldisstöð
sem er nýbyggð. Er hún reist við raf-
orkuver í Hovet sem er skammt frá
Geilo. Verulega athyglisvert fyrirtæki
sem reikna má með að verði arðbært
í framtíðinni. Miðvikudagsmorguninn
16. mars ræddi Astrid Johannsud frá
frá Sokna um stöðu bóndakonunn-
ar í norskum landbúnaði. Athyglis-
vert erindi sem á ýmsan hátt gæti
höfðað til íslenskra kvenna. Ekki
reyndist tími til hópstarfs, töluverðar
umræður urðu um erindi þetta. Síðan
flutti Arni H. Skeie bóndi í Voss er-
indi um breytingar sem orðið hafa í
landbúnaði á undanförnum árum,
fyrst og fremst félagslegar en einnig
þær sem orðið hafa á tæknilega svið-
inu.
Ráðstefnunni var siðan slitið um
hádegi á miðvikudag. Vorum við mjög
ánægðir með ráðstefnuna í heild svo
og aðbúnað allan, sem var til mestu
fyrirmyndar.
Jóhann Guðmundsson,
Holti Svinadal.
12
SKINFAXI