Skinfaxi - 01.06.1977, Qupperneq 9

Orðsending til ungmenna-
félaga á íslandi
Einn merkasti forystumaður ung-
mennafélaganna á fyrri hluta þessar-
ar aldar var Aðalsteinn Sigmundsson,
kennari. Hann var virkur þátttakandi
í ungmennafélögunum frá æskuárum
sinum, ritstjóri Skinfaxa árin 1930-40
og sambandsstj óri U.M.P.Í. 1930-41.
Öll verk sín vann hann af einstakri
skyldurækni og fórnfýsi. Störf hans
voru svo mikilsmetin að þegar hann
fórst af slysförum 16. apríl 1943, var
stofnaður sjóður til minningar um
hann. Um það allt má lesa í 1. hefti
Skinfaxa 1943.
Markmið sjóðsins er skv. 3. grein
ckipulagsskrárinnar, „að styrkja til
náms efnilega en fátæka unglinga, er
sýnt hafa þroska og hrifni til félags-
legra starfa innan U.M.F.Í."
Sjóðurinn efldist nokkuð fyrstu ár-
in. En eins og raun hefir á orðið með
slíka sjóði hafa tekjur rýrnað með ár-
unum. Aðaltekjur sjóðsins eru nú
vextirnir. Sjóðurinn er nú rúmar 200
þúsund krónur, en fé hans er að miklu
leyti í Söfnunarsjóði íslands.
Þegar sjóðurinn hafði vaxið svo að
veita mátti styrk úr honum var það
auglýst, en engin umsókn barst.
Nú hefir sem kunnugt er, gildi pen-
inga rýrnað svo mjög, að stjóm sjóðs-
ins hefir álitið tilgangslaust að aug-
lýsa styrki úr sjóðnum. Upphæð sú,
er veita mætti, kæmi styrkþegum að
litlum notum eins og nú standa sakir.
Þess vegna ákvað stjóm sjóðsins á
fundi sínum í vor, að vekja athygli
ungmennafélaga og velunnara þeirra
á nefndum sjóði í sambandi við 80.
ártið Aðalsteins Sigmundssonar, hinn
10. júlí, bæði í Skinfaxa og öðrum
blöðum. Undirrituð stjóm minningar-
sjóðsins væntir þess að framangreind
atriði verði til þess að efla sjóð þenn-
an svo að hann verði sem allra fyrst
fær um að gegna því hlutverki, sem
honum er ætlað.
Það er álit sjóðsstjórnarinnar, að
upphafleg hugsjón ungmennafélag-
anna um ræktun lýðs og lands sé enn
í fullu gildi þrátt fyrir breytta þjóð-
félagshætti á landi voru. Einnig er
það sígild nauðsyn hvers félagsskapar
að hafa jafnan á að skipa góðum
og áhugasömum leiðbeinendum, sem
ferðast meðal félaganna til þess að
kenna, styrkja og hvetja til dáða. Það
er tilgangur sjóðsins að styrkja menn
til þeirra starfa.
Við treystum því að þið, góðir ung-
mennafélagar, lítið þetta mál sömu
augum og minnist vina ykkar með því
að styrkja nefndan sjóð svo ríflega að
hann megi sem fyrst verða félögunum
að gagni. Væri það og verðug gjöf nú
á 70 ára afmæli ungmennafélaganna.
Við væntum þess einnig, að stjórn
viðkomandi ungmennafélags hvetji
félaga sína til þess að efla minningar-
sjóð Aðalsteins Sigmundssonar, veiti
slíku fé viðtöku gegn kvittun (minn-
ingarspjöldum) og komi því svo til
skrifstofu U.M.F.Í. í Reykjavík.
Með kærri kveðju
Reykjavík, 16 júní 1977.
Ingimar H. Jóhannesson
Daníel Ágústinusson
Helgi Elíasson.
SKINFAXI
9