Skinfaxi - 01.06.1977, Blaðsíða 11

lagar, bæði í dreifbýli sem og í þétt-
býli, ættu að vera vel á verði gagnvart
níðskrifum þeim, sem í slíkum snepl-
um sjást um landbúnað hér á landi.
Um það hvort ástæða sé til þess að
UMFÍ sendi fulltrúa á slíkar ráðstefn-
ur er því til að svara að þetta er fyrst
og fremst spurning um hvort við eig-
um að halda uppi samskiptum og sam-
vinnu við frændur okkar á Norður-
löndunum.
Meðan það er stefna okkar þjóðar
að halda uppi slikri samvinnu og sam-
skiptum er eðlilegt að UMFÍ taki þátt
í henni.
Um gildi samskiptanna má eflaust
deila, en benda má á að aukin kynni
þjóða á milli er ávallt til góðs.
12/6 1977
Guðbjartur Gunnarsson.
«» Heimsókn frá Árhúsum
Dagana 10.—20. júlí sl. dvaldist hér
á landi í boði Ungmennafélags ís-
lands 45 manna hópar frjálsíþrótta-
fóiks, fararstjóra og þjálfara frá
danska héraðssambandinu Árhus
Amts Gymnastiksforening (AAG).
Þeir Sigurður Geirdal og Hafsteinn
Þorvaldsson tóku á móti hópnum og
voru leiðsögumenn hans á meðan á
dvölinni stóð.
Dvöl hópsins skiptist á milli Suður-
og Norðurlands og hafði hópurinn
samastað á Selfossi þann tíma sem
hann dvaldi hér sunnanlands. Þaðan
var farið með hópinn í skoðunarferðir
um nágrenni Selfoss, á Þingvöll, Laug-
arvatn, Geysi og Gullfoss og fleiri vin-
sæla ferðamannastaði í nágrenninu.
Á miðvikudag 13 júli, síðdegis, fór
svo UMFÍ-AAG Bikarkeppnin fram í
Kópavogi, lyktaði henni með sigri
UMFÍ.
Hópurinn kom í stutta heimsókn á
skrifstofu UMFÍ og þáði veitingar, var
þá þröng á þingi í höfuðstöðvunum.
Föstudaginn 15. júlí var síðan hald-
ið af stað til Norðurlands yfir óbyggðir
landsins um Kjöl.
Þar nyrðra voru náttúrufurðu-
verk skoðuð s.s. umhverfi Mývatns,
Dimmuborgir o.fl. Þá var farið i skoð-
unarferð um Eyjafjörð en á sunnu-
dagskvöld fór fram íþróttakeppni á
Árskógsvelli. Var það vinum okkar
Dönum mikið ánægjuefni að fá tæki-
færi til að láta mynda sig á íþrótta-
móti með snæviþakin fjöll í baksýn.
Móttökur norðanlands önnuðust HSÞ
og UMSE.
Til baka var síðan haldið þriðju-
daginn 19. júlí og nú hina leiðina þ.e.
vestur um með nokkrum útidúrum, var
m.a. ekið fyrir Ólafsfjarðarmúlann. í
Skagafirði tók UMSS á móti hópnum
og bauð til veitinga á Sauðárkróki.
Ferðin og dvölin yfirleitt tókst í
alla staði mjög vel. Veðrið var óvenju
hagstætt svo náttúra íslands skartaði
sínu fegursta þann tíma sem á þurfti
að halda.
Það var því ánægður en að visu
nokkuð þreyttur hópur sem kvaddi ís-
land og UMFÍ miðvikudaginn 20. júlí.
UMFÍ biður Skinfaxa fyrir kveðju
til allra þeirra sem tóku á móti hópn-
um á hverjum stað og hjálpuðu til að
gera þeim dvölina sem ánægjulegasta.
Hér á eftir fara svo úrslit Bikar-
keppninnar:
SKINFAXI
11