Skinfaxi - 01.02.1979, Page 8

Guömundur Guðmundsson skólastjóri félagsmálaskóla UMFl afhendir Guöriði Helgadóttur þátttökuskírteini.
Sitjandi f.v. eru Sigurjón Stefánsson, Ólafur Jónsson og Stefán Hafsteinsson.
Félagsmálafrœðsla USAH
Félagsmálaskóli Ungmennafélags Islands
og Samvinnuskólinn á Bifröst gengust
nýlega fyrir félagsmálafræðslu í Austur-
Húnavatnssýslu. Félagsmálanámskeið
þessi voru á vegum Ungmennasambands
Austur-Húnvetninga og Kaupfélags Hún-
vetninga. Kennt var á Blönduósi og í
Húnaveri.
Við kennsluna var notað námsefni, sem
Æskulýðsráð ríkisins gaf út og efni frá Sam-
vinnuskólanum á Bifröst. Sammála voru
þátttakendur um það við lok námskeiðsins
að mikið gagn væri að slíkri félagsmála-
fræðslu og lögðu áherslu á að fá tækifæri til
framhaldsnáms síðar i vetur.
Á námskeiðinu var leiðbeint með fund-
arstjórn og fundarreglur og kennd voru
undirstöðuatriði í ræðumennsku. Einnig
var mikil áhersla lögð á hópvinnubrögð
auk þess, sem farið var yfir flesta aðra þætti
félagsstarfs. Þá var nemendum kynnt
undirstöðuatriði í samvinnufræðum.
Félagsmálanámskeiðunum lauk með
sameiginlegum fundi á Blönduósi. Þar voru
nemendum afhent skirteini, sem viður-
kenning fyrir þátttöku í námskeiðinu.
Þetta er í þriðja sinn, sem Ungmenna-
samband Austur-Húnvetninga og Kaup-
félag Húnvetninga hafa samvinnu um að
koma á félagsmálanámskeiðum í héraðinu.
Leiðbeinandi á námskeiðunum var Guð-
mundur Guðmundsson félagsmálafulltrúi
hjá Sambandi ísl. samvinnufélaga, en á
Blönduósi var Sæþór Fannberg honum til
aðstoðar.
8
SKINFAXI