Skinfaxi - 01.10.1986, Blaðsíða 13

Papeyjarsund
Texti: Guðmundur Gíslason Mynd: Emil Thorarensen
í oktober s.l. tóku nemendur
9. bekkjar Grunnskóla Eski-
fjarðar sig til og syntu vegalengd
sem er sú sama og frá Eskifirði til
Papeyjar og til baka eða um 150
km. Þetta sund var liður í
fjáröflun þeirra fyrir væntanlegt
skólaferðalag í vor. Sund þetta
tók alls um 39 klst. og lauk um
kl. 5 á sunnudagsmorgni en hófst
á föstudegi. Alls tókst þeim að
safna um 70 þúsund krónum sem
voru áheit bæjarbúa á þau ef
þeim tækist að synda
þessa vegalengd. Voru þetta 15
nemendur sem tóku þátt í þessu
sundi undir leiðsögn tveggja
kennara sinna, þeirra Helgu
Unnarsdóttur íþróttakennara og
Þórhalls Þorvaldssonarumsjónar-
kennara bekkjarins.
Hluti hópsins hvílir sig á milli sundferða ásamt kennara sínum
Til
áskrifenda
Eins og áskrifendur muna, þá
var gíróseðill fyrir áskrift sendur
út með 3. tbl. sem sent var út
fyrir rúmum tveimur mánuðum.
Skil á áskriftargjaldinu sem er kr.
750 fyrir árið 1986 hefur ekki
verið eins góð og vænst hafði
verið, og viljum við því biðja alla
þá sem eftir eiga að greiða
áskriftargjaldið að gera það sem
allra fyrst ef þeir vilja vera áfram
áskrifendur. Eitthvað virtust
menn misskilja gíróseðilinn sem
þeir fengu um daginn, en á
honum stóð, að þeir sem væru
búnir að borga fyrir 1985 en
væru rukkaðir aftur væru beðnir
að láta okkur vita svo hægt væri
að leiðrétta það. Við viljum ítreka
þetta aftur hér og hvetja menn til
að láta okkur vita ef þeir skipta
um heimilisfang svo blaðið berist
þeim örugglega.
Ritstjórí
Blaðamannafundur ÍSÍ
Miðvikudaginn 12. nóv. s.l. hélt framkvæmdastjóm ÍSÍ
blaðamannafund þar sem hún kynnti samþykktir 58. ársþings
ÍSÍ sem haldið var í september. Á þessu þingi voru margar
samþykktir gerðar um hin ýmsu málefni t.d. almenningsíþróttir,
kennsluskýrslur, getraunir, lottó og margt fleira. Þá voru
eftirtaldir aðilar kosnir heiðursfélagar ÍSÍ:
Andreas Bergmann, Einar B. Pálsson. Gísli Halldórsson,
Guðjón Ingimundarson og Hermann Guðmundsson.
Hér fyrir neðan er mynd af nýkjörinni framkvæmdastjóm ÍSÍ.
Frá vinstri: Lovísa Einarsdóttir, Jón Ármann Héðinsson, Hannes Þ. Sigurðsson,
Sveinn Bjömsson forseti ÍSÍ, Sigurður Magnússon framkvst. ÍSÍ,
Friðjón B. Friðjónsson, Katrín Gunnarsdóttir og Hermann Sigtryggsson
Skinfaxi 5. tbl. 1986
13