Skinfaxi - 01.10.1986, Blaðsíða 18

Nú fer að líða að mesta annatíma
hljómplötuverslana sem og annarra
verslana. Það verður ekki langt í það
að jólasveinar verða í hverjum glugga
og kaupmennimir eru sennilega famir
að núa sér um hnefa. Poppfaxi hefur
ákveðið að spá aðeins í hvað verður á
boðstólum í hljómplötuverslunum um
jólin.
Heldur
hljómplatan velli?
Margir hafa spáð því að sala
hljómplatna eigi eftir að fara minnkandi
vegna þeirra fjölmiðlabyltingu sem nú
er orðin staðreynd. Segja menn að fólk
hafi ekki eins mikinn tíma til að hlusta
á hljómplötur vegna fjölda sjónvarps-
og útvarpsstöðva. Aðrir eru ósammála
og segja að fólk hafi alltaf tíma til að
setjast niður og hlusta á hljómplötu.
Það verður fróðlegt að sjá hvort að
hljómplatan heldur velli þessi jól.
Það er ljóst að stæðstu hljómplötu-
útgefendurnir ætla að halda að sér
höndum um þessi jól. Það verða aðeins
örfáir titlar sem þeir ætla að gefa út.
Það verða sem sagt flytjendur sjálfir
sem gefa sínar plötur út. Þegar þetta er
skrifað er ljóst að listamenn eru
tvístígandi um útgáfur sínar og erfitt er
Björgvin Halldórsson
að fá upplýsingar um hvort menn ætli
að gefa út plötu fyrir jólin eða ekki.
íslenskar útgáfur
Grammið gefur út plötu með
Bubba Morthens sem heitir "Frelsi
til sölu".
Skífan hefur ákveðið að gefa út
plötu með Björgvini Halldórssyni.
Einnig hemur út nýstárleg plata með
Sinfóníuhljómsveit íslands sem hlotið
hefur nafnið "í takt við tímann".
Þar tekur Sinfóníuhljómsveitin klassísk
íslensk popplög til meðferðar og á sú
plata ömgglega eftir að verða vinsæl.
Hér er farið að fordæmi Lundúnarsin-
fóníunnar sem hefur gefið út fjórar
svipaðar plötur undir nafninu "Classic
rock".
Steinar hf. gefur úr þrjár plötur.
Jólaplötu sem nefnist "Jól alla
daga". Söngvarar á þeirri plötu eru
m.a. Eiríkur Hauksson, Eyjólfur
Kristjánsson (áður í Hálft í hvoru og
Bítlavinaféiaginu), Laddi, Diddú, Helga
Möller o.fl.
"Sama og þegið" er háalvarleg
plata með þeim Emi Árnasyni, Karli
Ágústi Úlfssyni og Sigurði Sigur-
jónssyni. Og loks er plata með
Messoforte sem nefnist "No limit"
sem er þegar komin út. Þá var ég að
frétta að Gylfi Ægisson væri að gefa út
ævintýtaplötu fyrir börn, sem fjallaði
um snjóálfa er búa í Snæfellsjökli.
Hitt leikhúsið gefur allavega út
tvær plötur fyrir jólin. Plötu með
Megasi og barnaplötu með ævintýrinu
"Stígvélaði kötturinn". Er öruggt
að sú plata ásamt plötu Gylfa verða
teknar opnum örmum, því lengi hefur
verið skortur á barnaplötum á
markaðnum.
Erlendar útgáfur
Það er ekki sama sagan með
erlendar plötur eins og íslenskar.
Eriendar plötur eru settar á markaðinn
einum eða tveimur mánuðum fyrir jól
og er október venjulega afkastamesti
mánuðurinn erlendis. Mikill fjöldi
erlendra titla hefur þegar komið út eða
er á leiðinni. Hér eru nokkrir titlar:
Hljómsveitin Boston hefur nú
nýlega gefið út sína þriðju plötu sem
nefnist "Third stage". Þetta er fyrsta
plata Boston í átta ár og hefur þegar að
þetta er skrifað, stokkið í fyrsta sæti
Bandaríska vinsældarlistans á þremur
vikum sem er ótrúlegt. Já lengi lifir í
gömlum glæðum.
Önnur gömul og lífsseig
hljómsveit, The Kinks sem starfað
hefur í yfir 20 ár gefur út plötu sem
nefnist "Think visual".
Kate Bush verður með safnplötu
fyrir jólin sem nefnist "The whole
story". The Stranglers sem sviku
okkur á Listahátíð síðasta sumar, gefa
út tvær plötur. Safnplötu sem heitir
Eiríkur Hauksson
"Off the beaten track" og
"Dreamtime". "Off the beaten
track" er safn plata með svokölluðum
B-hliðum af litlum plötum og
"Dreamtimé" er stúdíóplata.
Don Johnson, hjartaknúsarinn
frægi úr þáttunum "Miami Vise" gefur
út plötu sem nefnist "Heartbeat" (að
sjálfsögðu).
Duran Duran gefa einnig út plötu
sem heitir "Noitrious".
Sandra verður einnig með skífu,
"Mirrors" heitir sá gripur.
Spandau Ballet, Ultravox og
O.M.D. sem eru allar á "Nýróman-
tísku" línunni gefa allar út plötu fyrir
jólin. Þær heita "Through the
barricades", "U-vox" og "The
pacific age".
18
Skinfaxi 5. tbl. 1986