Skinfaxi - 01.10.1986, Síða 19

Bubbi Morthens
Bruce Springsteen er aldeilis
stórtækur um þessi jól. Platan hans
heitir "Live 1975-1985" og eru það
heilar fimm plötur í kassa. Vegleg
jólagjöf ekki satt? Annars á það vel við
að hann gefi út svo veglega
hljómleikaplötu, því tónleikar hjá
Springsteen eru aldrei styttri en fjórir
tímar. Eitt sinn spilaði hann í heila átta
tíma "Vegna þess að stemmingin var
svo góð að ég tímdi ekki að hætta”,
sagði kappinn eftir tónleikana.
Paul Young gefur út plötu sem
heitir "Between two fires".
Howard Jones, Billy Idol, Falco,
Cock Robin, Bangles og norska
hljómsveitin A-ha verða allar með
plötu á jólamarkaðnum.
Eftir tveggja ára bið er
hljómsveitin Pretenders búin að gefa út
plötu sem nefnist "Get close". Cyndi
Lauper gaf einnig út plötu eftir langa
bið.
Aðdáendur írsku hljómsveitarinnar
U2 verð ég að hryggja, því platan sem
þeir ætluðu að gefa út fyrir jólin hefur
verið frestað fram yfir áramót. En
gítarleikari hljómsveitarinnar The Edge
hefur gefið út plötu sem heitir
"Captive". Þetta er kvikmyndartón-
listarplata og er ekki auðveld fyrir
meltinguna.
Aðdáendur Rogers Waters úr Pink
Floyd geta hins vegar kætst, því að
hann semur tónlistina í kvikmyndinni
"When the wind blows". Þar koma
einnig fram frægir kappar eins og Hugh
Comwell (The Stranglers) og David
Bowie sem syngur titillagið.
Hér læt ég staðar numið með
upptalninguna, en eins og menn sjá þá
verður geysilegt úrval platna á
boðstólum fyrir jólin, og er vonandi að
íslenskar hljómsveitir taki sig til og
gefi út sem flestar plötur fyrir jólin.
Bruce Springsteen
Paul Young
Vinsældarval
Poppfaxa
í næsta tölublaði Skinfaxa sem
verður síðasta tölublað ársins, ætlar
Poppfaxi að bregða á skemmtilegan
leik. Þá verður í blaðinu vinsældarval.
Gefst lesendum Skinfaxa tækifæri á að
velja sinn eigin lista í rólegheitum yfir
jólin og senda svo til Poppfaxa sitt val.
Vonandi verða sem flestir með í
þessum leik okkar.
Að lokum vil ég ítreka það að
gaman væri að fá línu frá ykkur
lesendur góðir. Þetta er ykkar síða og
mitt takmark er að skrifa um það sem
þið viljið lesa. Einnig væri gagnrýni
mjög holl.
Lifið heil
Kristján
Fréttir frá UNÞ
Mikil starfsemi var hjá UNÞ s.l. sumar og mikið um móthald m.a. var
haldið héraðsmót, sveina- og meyjamót, öldungamót ásamt mörgum
öðrum mótum. Þátttaka í þessum mótum var mjög góð og tóku t.d.
151 þátt í i unglingakeppninni, en úrslit í stigakeppni félaga urðu
þessi: 1. Umf. Snörtur 39 þátttakendur 825 stig.
2. Umf. Langnesinga 29 487 "
3. Umf. Öxfirðinga 19 380 "
4. Umf. Austri 25 346 "
5. Umf. Afturelding 24 329 ”
6. Umf. Leifur heppni 15 252 ”
Fyrir utan þessi mót í héraði tók UNÞ þátt í 3. deild FRÍ sem haldin
var á Sauðárkróki og svo í Norðurlandsmótinu sem var haldið á
Blönduósi og stóð sig með prýði.
Þá voru haldin mót í skák og knattspyrnu með góðri þátttöku í
þessum mótum. Á þessu sést að það hefur verið mikil gróska í starfi
UNÞ á s.l. sumri og er vonandi að það haldi áfram.
Skinfaxi 5. tbl. 1986
19