Skinfaxi - 01.02.1992, Blaðsíða 16

UNGLINGALANDSMÓT U M F í
Tjaldbúðalíf á unglingalands-
móti UMFÍ á Dalvík
Landsmót UMFI fyrir unglinga
verður haldið á sambandssvæði
Ungmennasambands Eyjafjarðar
10.-12. júlí næstkomandi. Hug-
mynd þessi er upprunnin meðal
Eyfirðinga og vilja menn með til-
komu þessa sérstaka móts fyrir
unglinga reyna að stemma stigu
við flótta unglinga úr íþróttum.
Aðalmótssvæði unglingalandsmóts-
ins verður á Dalvík. en keppni fer einnig
fram á Arskógsströnd, í Hrísey, á Þela-
mörk og í Svarfaðardal.
Rétt til keppni hafa þeir ungmennafé-
lagar sem eru yngri en 16 ára eða ná
þeim aldri á árinu. Keppt verður í einum
til þremur aldursflokkum í hverri grein.
Keppnisgreinar verða átta talsins; knatt-
spyma, frjálsar íþróttir, sund, golf,
hestaíþróttir, glíma, skák og borðtennis.
Þau félög sem æskja þátttöku verða að
vera búin að senda mótshaldara áætlaða
keppendaskrá fyrir l. júní og staðfesta
skráningu fyrir l. júlí.
Fjöldi þátttakenda í keppnisgreinum
verður ótakmarkaður og lágmörk engin.
Þó er mótshöldurum heimilt að tak-
marka þátttöku í einstökum greinum eft-
ir að forskráningu lýkur ef aðstæður
krefjast þess.
Búast má við miklum fjölda keppenda
eða á bilinu 1500 til 2000 manns. Keppn-
isfyrirkomulag verður þannig að ekki
verður um heildarstigakeppni rnilli sam-
banda að ræða. 1 einstaklingskeppni, þ.e.
borðtennis, glímu, frjálsum íþróttum,
golfi, hestaíþróttum og sundi fær það
samband eða félag grip til eignar sem
flesta verðlaunapeninga fær í viðkom-
andi keppnisgrein. Þá fá þrjú fyrstu í
hverri grein og hverjum flokki verðlaun.
í liða- eða sveitakeppni, þ.e., golfi, knatt-
spyrnu og skák fær sigurliðið eða sveitin
í hverjum llokki grip til eignar og auk
þess fá liðsmenn efstu liða eða sveita
verðlaun. Allir sem taka þátt í mótinu fá
sérstaka viðurkenningu fyrir þátttökuna.
Aðgangur að öllum keppnisstöðum
verður ókeypis, en búist er við að allt að
3000 gestir komi á mótið. Lögð verður
áhersla á fjölbreytta skemmti- og afþrey-
ingardagskrá, gönguferðir, hestaferðir og
siglingu. Þá verður grillað og lifað heil-
brigðu og skemmtilegu tjaldbúðalífi.
Unglingalandsmót UMFÍ er mót sem
er komið til þess að vera. Með því er
einstökum aðildarfélögum eða sam-
böndum gefið tækifæri til þess að halda
stórt mót sem sniðið er eftir aðstæðum
hverju sinni.
Verið velkomin á unglingalandsmót
UMFI á Dalvík í sumar, Skinfaxi mætir
að sjálfsögðu á staðinn, sjáumst!
PENNAVINIR
Frá Finnlandi
Ylva Nyholm
Södra Strandgatan 11B
10600 EKENÁS FINLAND
Nina Perander
Östra Strandgatan 1
10600 EKENÁS FINLAND
lca Wulff
Odalsgatan 3
10650 EKENÁS FINLAND
Henrika Vikman
Bássaváven 14A6
10600 EKENÁS FINLAND
Sara Nordlund
Bryggerigatan 15
10600 EKENÁS FINLAND
Allar þessar stúlkur eru fæddar
árið 1976 og vilja skrifast á við ís-
lenska jafnaldra sína. Þær skrifa
á sænsku, ensku og finnsku.
Frá Þýskalandi
Christiane Oldach
Wendelsteinsweg 12
D-8201 Nussdorf / inn Germany
Christiane vill eignast pennavini á
aldrinum 17-19 ára. Hún segist
hafa mikinn áhuga á íslandi og
vilja skrifast á við stráka eða
stelpur sem ekki eru löt við að
skrifa bréf. Áhugamál hennar eru
skrift (hún skrifar mjög vel),
málun, lestur og einnig finnst
henni gaman að hlusta á tónlist.
Christiane skrifar hvort heldur
sem er á ensku eða þýsku og
biður um að sér verði skrifað
strax.
HRÍSEYJARFERJAN
SÆVAR
Sumaráætlun
Gildir frá 1. mai til 31. ágúst
Frá Hrisey 07.00
09.00
11.00
13.00
15.00
17.00
19.00
21.00
23.00
Frá Árskógssandi 07.30
09.30
11.30
13.30
15.30
17.30
19.30
21.30
23.30
Einnig bjóöum viö upp á aukaferöir á
öörum tímum. Nánari upplýsingar
um borö í Sævari.
Sími: 985-22211
16
Skinfaxi