Skinfaxi - 01.02.1999, Page 24

Hermann Níelsson framkvæmdastjóri
Menntaþings
Það var meðal annars fyrir krafta Hermanns Níelssonar að menntaþing
frjálsra félagasamtaka var haldið í fyrsta sinn. Jóhann Ingi Árnason settist
niður með Hermanni og forvitnaðist meðal annars um tilgang þingsins
Af hverju menntaþing?
,,Hugmyndin á sér kannski of langan
aðdraganda til að greina frá hér í
þessu viðtali. Það má segja að
maður sé eins og gamall hundur í
þessu félagsstarfi en ég hef verið
kennari og þátttakandi á fjöldanum
öllum af námskeiðum í gegnum
tíðina. Ég tel að ég hafi haft góða
yfirsýn yfir stöðu mála á þessu sviði
og ég var alltaf að reka mig á að leiðtogar
frjálsra félagasamtaka væru nú orðið ekki
jafnvel undirbúnir og oft áður. Það má
eiginlega segja að við höfum gengið í
gegnum hálfgerða forystukreþþu á
undanförnum árum og það hefur verið
meira um það að fólk hafi verið „þínt” til að
verða formaður eða taka sæti í stjórn og við
það hefur forystustarf frjálsra
félagasamtaka hálfpartinn hrunið niður. Allt
sem var búið að byggja upp á árum áður
hafði tapast og eitthvað þurfti að gera til að
koma þessu aftur á rétta braut.”
Nú var Ungmennafélag íslands einn af
aðilunum sem stóðu að þinginu en það
voru fleiri sem komu þar við sögu?
,,Já, hugmyndin hjá mér var að gera
eitthvað í líkingu við menntaþingið sem
skapaði mikla umræðu í þjóðfélaginu um
menntamál í grunnskólum og framhalds-
skólum. Mér fannst að við þyrftum að gera
eitthvað svipað fyrir okkar menntakerfi -
það er fyrir frjálsu félagasamtökin. Það
þarf að lyfta því upp og gera það sýnilegra
og um leið fá þjóðfélagið til að ræða um
þennan mikilvæga þátt í uppbyggingu
þjóðfélagsins í heild. Menn verða að gera
sér grein fyrir því að það eru tugir þúsunda
manna sem starfa í frjálsum félaga-
samtökum og á hverju sumri koma
þúsundir nýrra ungmenna til starfa í
þessum félögum. Þar er um að ræða
leiðbeinendur framtíðarinnar, þeir bera
mikla ábyrgð og því er nauðsynlegt að þeir
kunni til verka.”
En hver var ástæðan fyrir því að
Ungmennafélag Islands reið á vaöið
með þetta verkefni?
,,Það má eiginlega segja að ég sé fæddur
inn í ungmennahreyfinguna og þar hef ég
starfað allt frá unga aldri á einn eða anna
hátt. Ég lagði því tillögu inn á þing UMFÍ
þar sem sú ákvörðun var tekin að reyna að
gera eitthvað í uppbyggingu félagsmála-
fræðslu. Símennt var komið á laggirnar og
þetta var ágætis innlegg inn í það starf.
Svona hlutur er hins vegar ekki eign neins
eins heldur sameign allra sem þátt tóku í
þessu starfi.”
Er dýrt að halda menntaþing?
,,Já, það kostaði eitthvað nálægt tveimur
milljónum og það fór langur tími í að tryggja
fjárhagslega útkomu þingsins. UMFÍ stóð á
bak við þingið og skaffaði aðstöðu en
fjárhagslega þurfti menntaþingið að standa
undir sér. Mér sýnist að þetta komi
ágætlega út og ég er líka mjög ánægður
Þeir bera mikla
ábyrgð og því er
nauðsynlegt að þeir
kunni til verka
með öll þau góðu viðbrögð sem ég hef
fengið að þinginu loknu. það sem stendur
upp úr núna er að Æskulýðsráð ríkisins
hefur óskað eftir að taka að sér þá vinnu að
fylgja þinginu eftir. Þetta þing var aldrei
hugsað sem neinn endapunktur, heldur
upphaf og nú má segja að umræðan sé
komin af stað.”
Varstu ánægður með þátttökuna?
,,Ég get ekki verið annað en ánægður með
hana. Það voru um 180 manns sem
mættu á þingið og það var svakaleg
„elíta” sem þar var saman komin - það
má kannski orða það þannig að hárrétt
fólk hafi mætt á þingið. Ég hefði
kannski vilja sjá fleiri úr íþrótta-
hreyfingunni en þá hefði tala þátt-
takanda líklega verið nær 300.”
Fannst þér fyrirlesararnir skila því sem
þú bjóst við af þeim?
„Já, mér fannst það. Maður vill alltaf að
hlutirnir gangi vel og þegar mikið hefur
verið lagt undir er maður auðvitað alltaf
spenntur að sjá útkomuna. Þingið var vel
skipulagt en það er aldrei hægt að vita
nákvæmlega hvernig erindi hvers og eins
munu skila sér. Við vorum með 18 fyrir-
lesara á einum degi og ég held að þær
upplýsingar sem þar komu fram hafi allar
verið mjög gagnlegar.”
Hvernig finnst þér að framhaldið eigi að
vera. Á að halda annað þing að ári?
„Sú hugmynd kom upp að halda svona
þing aftur en það yrði auðvitað undir öðrum
formerkjum þar sem boltinn er nú farinn að
rúlla. Það sem þarf að gera núna og það
sem ég held að Æskulýðsráð muni beita
sér fyrir er að ráða kannski tvo sérfræðinga
til að sjá hvaða fræðslustarf nákvæmlega
fer fram alls staðar í þessum geira. Þær
niðurstöður þarf svo að flokka saman til að
sjá hvaða aðilar geta best unnið saman.
Þegar sú vinna liggur fyrir þyrfti að senda
hana til allra félaganna svo að þau gætu
tekið það fyrir í sínum heimabæ og í
framhaldi af því mætt til ráðstefnu þar sem
framtíðarskipulag yrði gert um samvinnu.
Svo væri ekki vitlaus hugmynd að hittast á
þingi einu sinni á ári til að bera saman
bækur sínar.”
Símennt var komið á
laggirnar og þetta var
ágætis innleg í það starf
24