Skinfaxi - 01.02.2000, Blaðsíða 15

„Nýjum mönnum fylgja yfirleitt nýjar
áherslur. Næsta haust er ætlun okkar að
fara í mikla markaðsherferð. Við teljum
okkur eiga mikið inni og þá sérstaklega
hvað enska seðilinn varðar. Afkoma
fyrirtækisins á rekstrarárinu, sem lýkur í
júní, er mjög góð og það er ætlun okkar að
nýta þann meðbyr til að reyna að gera enn
betur á næsta rekstrarári. Undanfarin ár
hefur Lengjan verið mest áberandi í okkar
auglýsingum en nú er komið að því að
huga að mjólkurkúnn, enska seðlinum.
Einnig þurfum við að huga að því að virkja
íþróttafélögin betur en mesti broddurinn
hefur horfið úr fjölmörgum félögum
síðustu ár. A síðasta rekstrarári þénaði ÍFR
rúmar 4,5 milljónir á getraunaþjónustu og
þeir peningar eru ekki týndir af trjánum í
harðnandi rekstri félaganna."
- Nú eru pottarnir sem spilað er um
mjög háir í enska boltanum og mun
haerri en til dæmis stærstu pottarnir
hjá Lottóinu, ekki rétt?
„Já, það er eitt að því sem við viljum reyna
að vekja athygli á í herferð okkar næsta
haust. Yfir vetrarmánuðina eru 25-30
rnilljónir í pottinum fyrir 13 rétta á enska
seðlinum í hverri viku og þar kostar röðin
bara 10 krónur. Það er því ódýrt að spila
með og stór vinningur í boði. Ég held að
fólk hafi bara hreinlega ekki áttað sig á því
að það sé verið að spila um svona háar
fjárhæðir í viku hverri. Hæsti vinningur í
sögu Getrauna er rúmar 15 milljónir og
kom hann á tölvuval sem kostaði 480
krónur. Vinningshafinn var sextug kona
sem ávallt kaupir tölvuval í von um þann
stóra. Við verðum því að koma því betur
til skila að háar fjárhæðir eru í boði hjá
okkur í hverri viku."
- Og líkurnar jafnvel meiri að vinna í
getraunum en í Lottóinu, ekki satt?
„Möguleikarnir eru þrír í þrettándaveldi
sem er svona um það bil 1 á móti 1.600.000
og þá erum við bara að tala um stærð-
fræðilegan útreikning. Menn geta svo
aukið líkurnar á að vinna ef þeir fylgjast
vel með stöðu og gengi liðanna."
- Hvaða leikur selst best hjá ykkur?
„Úndanfarið hefur Lengjan borið uppi
söluna og hefur selst betur en enski og
ítalski seðillinn til samans. Hins vegar
hefur salan á enska seðlinum aukist og er
nú að nálgast sölutölur Lengjunnar."
- Nú eru möguleikarnir á að vinna í
Lengjunni miklir og oft hefur vinnings-
hlutfallið farið yfir 100%, ekki rétt?
„Já, það gerist reglulega. Lengjan er mun
meiri áhættuvara fyrir okkur og við höfum
séð allt upp í 300% í vinningshlutfall á
einni viku. Þegar slíkt gerist getur það
tekið okkur nokkrar vikur að komast aftur
á slétt."
- En svona að lokum. Hvað er það
vinsælasta sem fólk tippar á á
Lengjunni?
„Enski boltinn er vinsælastur og því selst
Lengjan best á veturna. Stoke City hefur
komið sterkt inn og ég myndi segja að það
væri svona það vinsælasta sem
viðskiptavinir okkar tippa á þessa
stundina. Það er greinilegt að íslenska
þjóðin fylgist vel með því sem Guðjón er að
gera í Stoke og hefur mikla trú á honum."