Skinfaxi - 01.02.2000, Blaðsíða 31

LÆRIHJA ÞEIM BESTU!
„Það var nú bara hlegið að mér fyrst þegar ég mætti
að aðalhliðinu hjá Real Madrid og sagðist vilja hitta
framkvæmdastjóra félagsins," sagði Aðalsteinn
Örnólfsson, þjálfari yngri flokka hjá Stjörnunni,
þegar blaðamaður spurði hann út í þessa spennandi
heimsókn hans til eins frægasta knattspyrnufélags
heims. „KSÍ hafði lengi reynt að fá leyfi fyrir mig að
fylgjast með æfingum hjá Real Madrid en aldrei
fengið svar." Aðalsteinn gafst hins vegar ekki upp
og mætti á svæðið með blaðið í höndunum sem KSÍ
hefði reynt að senda til klúbbsins. „Yfirmaður
skrifstofunnar tók á móti mér og hann var mjög
vingjarnlegur og vildi allt fyrir mig gera. Hann
talaði litla ensku en á skrifstofunni náði hann í
samstarfsmann sinn sem talaði betri ensku og ég
útskýrði fyrir honum tilgang ferðar minnar."
Aðalsteinn hafði áhuga á að kynna sér
þjálfunaraðferðir þeirra Madrid manna og næstu
daga fylgdist hann með leikmönnum eins og
Roberto Carlos og Steve McManaman leika listir
sínar. En hvernig voru æfingarnar hjá Real Madrid?
„Fyrsta daginn minn var aðalliðið ekki að æfa svo ég
fylgdist með efnilegum strákum í unglingaliðinu.
Daginn eftir sá ég A-, B- og unglingaliðið æfa. Það
var mikið umstang í kringum æfinguna og
fjölmiðlamenn í hverju horni enda hafði félagið
nýlega rekið þjálfara sinn, John Toshak. Það kom
mér mest á óvart hversu létt var yfir öllum
æfingunum og menn virtust virkilega hafa gaman af
því sem þeir voru að gera," sagði Aðalsteinn að
lokum. Það verður svo bara að koma í ljós hvort
leikstíll yngri flokka Stjörnunnar í sumar minni
eitthvað á leikstíl Real Madrid.
Seedorf og Carlos á
æfingu hjá Real Madrid.
Aðalsteinn fylgdist með
öllu sem þeir gerðu.
Það er ekki oft sem
íslenskir þjálfarar yngri
flokka fá að kynna sér
starfsemi stærstu
atvinnumannaklúbba
heims. Aðalsteinn
Örnólfsson, þjálfari hjá
Ungmennafélagi
Stjörnunnar í Garðabæ,
ferðaðist víða um Evrópu
í vetur og kynnti sér
þjálfunaraðferðir hjá ekki
minni liðum en Real
Madrid og Benfica.
Blaðamaður Skinfaxa
spurði Aðalstein út í
ferðalag hans og þá
aðallega heimsóknina til
Real Madrid.