Sjómannablaðið Víkingur - 01.08.1952, Blaðsíða 24

Knattspyrnukeppni verzlunarskipa
Eimskipafélag íslands h.f. hefur gefið bikar til
keppni í knattspyrnu milli verzlunarskipa, og vinnst
hann til eignar á þessu ári. Keppni þessi er haldin
að tilhlutan Sjómannadagsráðs og skipa knatt-
spyrnunefnd þeir Böðvar Steinþórsson formaður,
Stefán Björnsson og Tómas Sigvaldason...........
Þessi skip taka þátt í keppninni, Eimskipafélags-
skipin, Gullfoss, Goðafoss, Dettifoss, Lagarfoss,
Brúayfoss, Reykjafoss og Tröllafoss, og skip Skipa-
útgerðar ríkisins Esja og Hekla, svo og varðskipið
Ægir.
Verður nánar sagt frá keppni þessari, þegar henni
er lokið.
A Sjómannadaginn síðasta kepptu í knattspyrnu
skipverjar á Reykjafossi og Tröllafossi um bikar,
er Sjóklæðagerð íslands hefur gefið til keppni á
sjómannadaginn, og unnu skipverjar á Goðafossi
hann 1951. Leikar fóru svo á sjómannadaginn að
jafntefli varð, 1:1, þrátt fyrir framlengdan leik. —
Akvað stjórn Sjómannadagsráðs að afhenda hverj-
um keppenda frá báðum liðum verðlaunapening Sjó-
mannadagsins, en svo skyldu þau keppa aftur um
bikarinn. Fór þessi leikur fram 25. júlí og endaði
þá einnig með jafntefli, 1:1:, og varð framlengt,
og tókst þá Tröllafossi að setja úrslitamark um
bikar Sjóklæðagerðarinnar. Lauk leiknum því með
sigri Tröllafoss, 2:1.
Að leik loknum afhenti Böðvar Steinþórsson sig-
urvegurum bikarinn fyrir hönd Sjómannadagsráðs.
Dómari var Hannes Sigurðsson.
Hefur vaknað mikill áhugi fyrir knattspyrnu
meðal skipverja á verzlunarskipunum. — Hafa og
Skipverjar á m.s. Reykjafossi, er kepptu um
bikar Sjóklæðagerðarinnar.
Skipverjar á m.s. Tröllafossi með bikar
Sjóklæðagerðarinnar.
knattspyrnulið frá sumum þeirra keppt á erlendum
vettvangi, yfirleitt með góðum árangri. Verður
væntanlega skýrt nánar frá þessu síðar hér í blað-
inu. —
Böðvar Steinþórsson afhendir fyrirliða
m.s. Tröllafoss-liðsins, Eiríki Ólafssyni
stýrmanni bikarinn.
zaz
VIKINGUR