Sjómannablaðið Víkingur - 01.06.1980, Blaðsíða 38
vilja nú kenna öðru urn. — Við
heimamenn vildum upphaflega fá
garðinn á annan stað en verk-
fræðingarnir, enda var hann síðar
settur þar, og það fór allt hljóðlega
fram, og þar er garðurinn nú.
— Hvað þarf að gera fyrir
höfnina, svo að hún verði betri og
hægt sé að vera hér með stærri
báta?
— Við höfum lagt til, og höfum
gert lengi, að byggður verði garð-
ur á móti þeim sem fyrir er, frá
landinu að sunnan og vestan og í
áttina að þessum; haft bara lítið
bil á milli, þannig að þetta verði
lokuð höfn.
— Þetta er væntanlega dýr
framkvæmd.
— Það er nokkuð afstætt hvað
er dýrt og hvað ódýrt. Auðvitað
kostar þessi framkvæmd mikið, en
það kostar líka peninga að missa
báta. Við misstum tvo upp í vetur,
báða vegna þess að þessi garður
var ekki kominn.
— Er ekki hægt að taka þilfars-
bátana upp hér?
— Nei. Þeir verða að liggja í
höfninni eða það verður að fara
með þá í land. Það hefur komið
fyrir að þess hefur þurft, helst þá
vegna hafíss.
— Telurðu að það sé svo líf-
vænlegt fyrir útgerð hér að það sé
réttlætanlegt þess vegna að leggja
í verulegar framkvæmdir?
— Já, ég held að svo sé, en það
verður að láta reikna það út og
meta. Menn bera sig gjarna saman
við einhverja aðra staði. Við
mundum endurskoða afstöðu
okkar ef sýnt yrði fram á að
Reykjavík t.a.m. útvegaði nær
fjórar milljónir á ári í gjaldeyri á
hvern íbúa, eins og við gerum. í
annan stað má líka taka það til
greina að við eyðum tiltölulega
litlum gjaldeyri, miðað við allan
fjöldann. Lítið eigum við af farar-
tækjunum utan bátana.
— Hvað mundi þessi nýi hafn-
argarður, sem þú talar um, kosta?
— Ég er nú ekki fær um að
reikna það út. Verðlagið er alltaf
að breytast. Maður gæti látið
sér detta í hug 80—100 milljón-
ir.
— Hafið þið enga fjárveitingu
fengið í þessa framkvæmd?
— Nei. Þetta var teiknað fyrir
nokkrum árum. Teikningarnar
hafa legið inni á borði á Hafnar-
málaskrifstofunni. Engin ákvörð-
un hefur verið tekin um að hefja
framkvæmdir. Að vísu hafa þing-
menn verið að gefa það í skyn að
það mundi verða gert eitthvað á
næsta ári. En það hafa þeir að vísu
sagt áður, svo að maður tekur
þessu með varúð.
— Hvaða bátastærð mundi
henta hér best, þegar höfnin væri
orðin eins og þið viljið að hún
verði?
— Ég geri ráð fyrir að þessir
bátar sem hér eru nú gætu hentað
ágætlega. Maður gæti hugsað sér
að stækka þá svolítið, kannski um
helming en ekki meir. Hafnar-
svæðið sjálft er frekar lítið og tak-
VÍKINGUR
ÖLL ÞJÓNUSTA FYRIR
Háþrýstislöngur,
tengi ébbarka
I BÍLINN, SKIPIÐ EÐA VINNUVÉLINA
PRESSUM TENGIN Á • VÖNDUÐ VINNA
ÞÓRSHANAR hl.
SÍMI 96-22700
HVAR SEM ER
HVENÆR SEM ER
38