Sjómannablaðið Víkingur - 01.12.2003, Blaðsíða 18

Ályktanir 41. þings Farmanna- og fiskimannasambandsins
Um stjórn fiskveiða og
verðmyndun afla
41. þing Farmanna- og fiskimannasam-
bands Islands, haldið í Reykjavík dagana
27. og 28. nóvember 2003, skorar á sjáv-
arútvegsráðherra að beita sér nú þegar
fyrir því að sameiginlegum tillögum
hagsnmunasamtaka sjómanna og útvegs-
manna frá því í ársbyrjun 2002, verði
hrint í framkvæmd. Höfnun stjórnvalda
á sínum tíma var stórkostleg yfirsjón,
sem aðeins verður bætt úr með því að
taka málið upp að nýju og gera þær
breytingar á lögum um stjórn fiskveiða
sem nauðsynlegar eru.
Um framsal aflaheimilda
41. þing Farmanna- og fiskimannasam-
bands íslands, haldið í Reykjavík dagana
27. og 28. nóvember 2003, telur að með
því að lögfesta ákvæði í stjórnarskrá um
að auðlindir sjávar séu sameign þjóðar-
innar, sé erfitt að færa rök sem dugi fyrir
leiguframsali aflaheimilda innan fisk-
veiðiársins. Sem fyrr leggur FFSÍ áherslu
á að þeim sem hafi yfir aflaheimildum að
ráða, skuli skylt að nýta þær og að um
leigu á kvóta sé ekki að ræða. Taka verð-
ur sérstaklega á þeim tilvikum sem upp
koma er skip stöðvast vegna ófyrirsjáan-
legra atvika.
Um verðmyndun uppsjávarfisks
41. þing Farmanna- og fiskimannasam-
bands íslands, haldið í Reykjavík dagana
27. og 28. nóvember 2003, krefst þess að
komið verði á verðmyndunarkerfi fyrir
uppsjávarfisk. Eins og staða mála er hef-
ur kaupandi, sem oftast nær er einnig
seljandi, ákvörðunarvaldið alfarið á sín-
um snærum.
Um hámark aflahlutdcildar
41. þing Farmanna- og fiskimannasam-
bands íslands, haldið í Reykjavík dagana
27. og 28. nóvember 2003, krefst þess að
stjórnvöld skýri nú þegar reglur um há-
marks yfirráð aflahlutdeildar, þannig að
einstök fyrirtæki geti ekki i skjóli ó-
skýrra reglna og með beinni eða óbeinni
aðild að öðrum fyrirtækjum haft yfirráð
allahlutdeildar sem er langt umfram þau
viðmiðunarmörk sem sett hafa verið í
einstökum tegundum.
Um hvalveiðar
41. þing Farmanna- og fiskimannasam-
bands íslands, haldið í Reykjavík dagana
27. og 28. nóvember 2003, skorar á
stjórnvöld að sjá til þess, að hvalveiðar
hefjist í atvinnuskini eigi síðar en árið
2006.
Um byggðakvóta og línuívilnun
41. þing Farmanna- og fiskimannasam-
bands íslands, haldið í Reykjavík dagana
27. og 28. nóvember 2003, mótmælir nú
sem endranær hverskonar sértækum að-
gerðum stjórnvalda við úthlutun afla-
hlutdeildar, hvort sem fiskur er veiddur á
línu eða í önnur veiðarfæri. Heildarhlut-
deild smábáta í afla hefur aukist jafnt og
þétt og sú aukning eðli máls samkvæmt
verið frá öðrum tekin. Slík mismunun er
með öllu ólíðandi. Sú línuívilnun sem nú
er í umræðunni mundi enn auka forrétt-
indi smábáta á kostnað annarra skipa-
flokka. Pingið skorar því á stjórnvöld að
láta af þeirri undanlátsstefnu við smábáta
sem stunduð hefur verið undanfarin ár.
Um rannsóknir og þróun
41. þing Farmanna- og fiskimannasam-
bands íslands, haldið í Reykjavík dagana
27. og 28. nóvember 2003, leggur þunga
áherslu á að stórefla verði veiðarfæra-
rannsóknir með nýjustu tækni sem völ
er á, svo sem neðansjávarmyndavél og
annar hátæknibúnaður. Pað er mjög
mikilvægt að þeim þætti í starfsemi Haf-
rannsóknastofnunar verði gert mun
hærra undir höfði en verið hefur. Pað er
forgangsmál að leitað verði svara við fjöl-
mörgum atriðum á þessu sviði. I’ingið
telur að aukin þekking á veiðarfærum sé
mjög veigamikill þáttur í því að eitlhvað
markvert komi út úr þeirri vinnu sem
framundan er varðandi líffræðilega fisk-
veiðistjórnun.
Pingið leggur til að þeir fjármunir sem
inn koma vegna svokallaðs Hafró kvóta
verði alfarið nýttir til veiðarfærarann-
sókna.
Um löndun uppsjávarfisks
41. þing Farmanna- og fiskimannasam-
bands íslands, haldið í Reykjavík dagana
27. mog 28. nóvember 2003, lýsir yfir
hneykslan sinni á algjöru áhugaleysi
stjórnvalda varðandi aðgerðir sem
tryggja samræmingu í vigtun uppsjávar-
fisks. Þingið krefst þess að komið verði
á samræmdum búnaði á vigtun uppsjáv-
arfisks og að allur afli skal vigtaður upp
úr skipum þar með talið efni í affalli.
Greinargerð:
Það er hreinlega óskiljanlegt að stjórn-
völd láti þá aðila sem taka á móti upp-
sjávarafla komast upp með það ár eftir ár
að geta hagað búnaði til löndunar að eig-
in geðþótta án þess að neitt samræmi sé
milli löndunarhafna og heildstæðar regl-
ur um löndunarbúnað séu ekki til og
hafi aldrei litið dagsins ljós af hálfu hins
opinbera.
Um undanþáguveitingar
Siglingastofnunar íslands
41. þing Farmanna- og fiskimannasam-
bands íslands, haldið í Reykjavík dagana
27. og 28. nóvember 2003, mótmælir
harðlega undanþáguveitingum Siglinga-
stofnunar íslands, sem brjóta í bága við
lög nr. 76/2001, um áhafnir íslenskra far-
þegaskipa og flutningaskipa. Þingið for-
dæmir afskipti samgönguráðuneytis í
málinu og lýsir furðu sinni á því að
stjórnvald sem ber ábyrgð á umræddum
18 - Sjómannablaðið Víkingur