Náttúrufræðingurinn - 1935, Page 12

152 NÁTTÚRUFRÆÐINGURINN
iiiiiiiiiiiimiiiimiiiiiiiiiiiiimiiiiiiiimiiiiiiiiiiiiimimiiiiiimiiiiiiiiiiiiiiimmiiiiiiiiimiiiiiiiiiiiiiiiiiiiimiiiiiiiiiiiiiiiiiiiiiiinit
getur átt sér stað, þótt hjónin séu ekk,ert skyld, því að það er
alls ekki sjálfur skyldleikinn, sem ræður bölinu, heldur sá mögu-
leiki, að óheppilegir eiginleikar geti tvöfaldast í eðlisgerfi barns-
ins, ef þeir eru huldir í skauti ættarinnar. Hvað snertir kosti og
lesti barnanna eru giftingar auðvitað alltaf bundnar áhættu.
Því að eins og af gullinu getur komið járn, þannig getur einn-
ig komið gull af járninu.
Við rekum okkur með öðrum orðum aftur og aftur á það,
hvað mikið vandamál það er, að dæma um eðlisgerfið eftir út-
litsgerfinu, því að bæði er það, að mikið af útlitsgerfinu er kjör-
unum að þakka, og í öðru lagi geta falist víkjandi eiginleikar
eða víkjandi gen í eðlisgerfinu, í einföldum skammti, og eng-
inn getur sagt um það fyrirfram, hvaða áhrif það hefir á út-
litsgerfið og gæðin, ef þeir tvöfaldast í eðlinu. Svo verður að
gæta vel að einu. Eiginleiki, sem lýsir sér á einhvern ákveðinn
hátt í kveneðlinu, getur lýst sér á allt annan hátt í karlmanns-
eðlinu að öllu öðru jöfnu. Hugsum okkur til dæmis, að einhver
sérstaklega góður eiginleiki sé tengdur öðrum, en aðeins öðr-
um x-litþræðinum hjá einhverri konu, og gerum ennfremur ráð
fyrir að eiginleikinn komi alls ekki fram í eðli konunnar, vegna
þess, að hann þurfi að vera fyrir hendi í tvöföldum skammti,
eða í báðum x-þráðunum, til þess að kostir hans komi að not-
um. Nú giftist þessi kona manni, sem alls ekki hefir þennan
eiginleika hulinn í eðli sínu. Allar dæturnar fá nú tvo x-þræði,
annan frá föðurnum, en hinn frá móðurinni. Það ber því ekki
á þessum góða eiginleika hjá neinni þeirra, þar sem orsök eig-
inleikans er aðeins í öðru x-inu. Synirnir fá aftur á móti aðeins
einn x-þráð, eins og venjulegt er, og hann er frá móðurunni. Ef
nú einhver sonurinn fær þann x-þráð móðurunnar, sem kostur-
inn fylgir, kemur eiginleikinn fram í útlitsgerfinu, því að hjá
syninum er enginn x-þráður, sem ekki hefir kostinn, til þess að
vega upp á móti góða þræðinum.
Eins og eg hefi minnzt á, getur það viljað til við giftingar
og þá sérstaklega skyldleika-giftingar, að óheppilegir eigin-
leikar, sem ekkert ber á í einföldum skammti, tvöfaldist hjá af-
kvæminu, og ráði þar sorg og böli eða jafnvel dauða. Á hinn
bóginn getur það vitanlega einnig viljað til, að heppilegir eig-
inleikar tvöfaldist, en það hefir ekki alltaf þeim mun betri
áhrif, því að þeirra gætir að jafnaði einnig í einföldum skammti.
Á. F.