Náttúrufræðingurinn - 1953, Qupperneq 20

Finnur Guðmundsson:
Fuglamerkingar Náttúrugripasaínsins
1947—1949
Inngangur
Fuglamerkingar náttúrugripasafnsins hófust árið 1932, og í þau
21 ár, sem liðin eru síðan, hefur óslitið verið unnið að merkingu
villtra fugla í vísindalegum tilgangi hér á landi. Á þessu tímabili
hafa alls verið merktir um 21 þúsund fuglar eða að meðaltali þúsund
fuglar á ári. Endurheimtur merktra fugla eru nú um þúsund. Um
hina vísindalegu þýðingu þessarar starfsemi þarf ekki að fjölyrða.
Með merkingunum hefur tekizt að afla mjög mikilsverðra upplýsinga
um lífshætti íslenzkra fugla, sem ókleift hefði verið að afla með öðru
móti. Með merkingunum fáum við vitneskju um vetrarheimkynni
farfuglanna og leiðir þær, er þeir fara á ferðum sínum milli sumar-
og vetrarheimkynnanna, og ennfremur veita merkingarnar mikilvæg-
ar upplýsingar um aldur fugla og átthagatryggð, vanhöld, dánarorsak-
ir og margt fleira. Hver merktur fugl ber eins konar vegabréf, sem
veitir upplýsingar um lífsferil hans, hvar sem hann kemur fram.
Merkingarnar hafa frá upphafi verið bornar uppi af áhugamönn-
um, sem hafa viljað ljá þessu máli liðsinni sitt. Hér er líka tilvalið
verkefni fyrir alla þá, er hafa áhuga á íslenzku fuglalífi og vilja stuðla
að aukinni þekldngu á lífsháttum íslenzkra fugla. Hér er opin leið
fyrir hvem einasta Islending, hvort sem er til sjávar eða sveita og án
tillits til menntunar, til að taka virkan þátt í íslenzkum náttúrufræði-
rannsóknum. Forvitnir alþýðumenn hafa á liðnum öldum lagt drjúg-
an skerf til íslenzkra náttúrufræðirannsókna, og hlutverki þeirra er
að sjálfsögðu ekki lokið, þótt nú séu starfandi fleiri náttúrufræðingar
liér á landi en áður hefur verið. Landið er stórt og enn litt rann-
sakað, en þjóðin fámenn og getur því ekki veitt stórum hóp lærðra
náttúrufræðinga starfsskilyrði. Almenningur hér á landi getur því
enn gert íslenzkum náttúravísindum ómetanlegt gagn með hinum
margvíslegustu athugunum á fyrirbærum náttúrunnar.
Þeir, sem óska eftir að gerast liðsmenn við fuglamerkingarnar,