Náttúrufræðingurinn - 1953, Síða 27

FUGLAMERKINGAR NÁTTÚRUGRIPASAFNSINS
21
Endurheimtur 1947—1949
Hér verða taldar allar endurheimtur frá árunum 1947—1949. Eru
þær alls 278 og skiptast þær niður á 33 tegundir. Árið 1947 voru
endurheimtur alls 92, þar af 64 innanlands og 28 erlendis. Af inn-
lendu endurheimtunum var í 29 skipti um handsömun lifandi fugla
að ræða, er sleppt var aftur, eftir að lesið hafði verið á merkið. Árið
1948 voru endurheimtur alls 85, þar af 55 innanlands og 30 erlendis.
Af innlendu endurheimtunum var í 20 skipti um handsömun lifandi
fugla að ræða, er sleppt var aftur, eftir að lesið hafði verið á merkið.
Ennfremur var í 4 skipti um endurheimtur fugla að ræða, er merkt-
ir höfðu verið erlendis. Árið 1949 voru endurheimtur alls 101, þar
af 75 innanlands og 26 erlendis. Af innlendu endurheimtunum var
í 23 skipti um handsömun lifandi fugla að ræða, er sleppt var aftur,
eftir að lesið hafði verið á merkið. I eitt skipti var auk þess um endur-
heimt fugls að ræða, er merktur hafði verið erlendis.
Það skal tekið fram, að það eru ekki taldar endurheimtur, þótt
merktir fuglar séu handsamaðir lifandi á sama stað (svæði) og sama
ár og þeir voru merktir. Hins vegar eru það ávallt taldar endurheimt-
ur, ef merktir fuglar finnast dauðir eða liafa verið drepnir, og enn-
fremur, ef merktir fuglar eru handsamaðir lifandi á öðrum stað en
þeir voru merktir. Loks eru það einnig taldar endurheimtur, ef merkt-
ir fuglar eru handsamaðir lifandi á sama stað og þeir voru merktir,
svo framarlega sem eitt ár eða lengri tími er liðinn frá merkingu.
1 eftirfarandi skrá um endurheimtur eru þessi merki og skamm-
stafanir notuð:
o merktur
-f endurheimtur
á karlfugl
2 kvenfugl
ad. fullorðinn fugl
s.st. sami staður
F.d. fundinn dauður
Endurheimtumerkið er þó aðeins notað, ef fuglinn hefur verið
drepinn eða hann hefur fundizt dauður, en ekki ef fuglinn hefur
verið handsamaður lifandi og sleppt aftur.