Náttúrufræðingurinn - 1957, Side 47

SITT AF HVERJU
39
menn hans í þeim leiðangri voru Agnar Ingólfsson og Jón Baldur
Sigurðsson. Um mánaðamótin sept./okt. fór Finnur í snögga ferð
til London í boði brezka útvarpsins. í sambandi við þá för gafst
honum tækifæri til að verja einni viku til úrvinnslu íslenzkra gagna
í British Museum.
Guðmundur Kjartansson vann að rannsóknum sínum til undir-
búnings jarðfræðikorti af íslandi. Hann ferðaðist að þessu sinni
mest um óbyggðir sunnan og vestan við Vatnajökul.
Sigurður Þórarinsson stjórnaði, ásamt Guðmundi Jónassyni,
leiðangri á Vatnajökul í maí og júní. í júlímánuði vann hann að
öskulagarannsóknum á norðausturhorni landsins, frá Kelduhverfi
til Vopnafjarðar, og fór inn í Þjórsárver sömu erinda. í ágúst og
september sat Sigurður alþjóðaþing landfræðinga í Rio de Janeiro
°g alþjóðaþing jarðfræðinga í Mexico City. í febrúar fór Sigurður
í fyrirlestrarferð til sænskra og danskra háskóla.
Á vegum Rannsóknaráðs ríkisins héldu þeir Trausti Einarsson og
Þorbjörn Sigurgeirsson áfram rannsóknum á segulmögnun berg-
tegunda. Segul-jarðfræðikort var gert af svæðinu frá Reykjavík um
Hvalfjörð og norður til Borgarfjarðardala. Kort þetta sýnir stefnu
segulmögnunar í föstu bergi. Einnig var unnið að segulrannsókn-
um á Austurlandi.
Reist var hús fyrir segulmælingastöð á Leirvogseyrum í Mos-
fellssveit.
Sigurður Pétursson.
Erlendar náttúrurannsóknir á íslandi 1956.
Þessir erlendir vísindaleiðangrar komu hingað til rannsókna s. 1.
sumar:
1. Dr. F. Hanson frá Nottingham-háskóla vann, ásamt aðstoðar-
manni, að jarðfræðirannsóknum við sunnanverðan Vatnajökul.
2. Tveir franskir jarðfræðingar, prófessor Ch. Peguy frá háskól-
anum í Rennes og Dr. P. Bout, unnu að jarðfræðilegum athug-
unum norðan- og austanlands.
3. Dr. Emmy Todtmann frá Hamborg hélt áfram rannsóknum sín-
um á jökulruðningum við norðanverðan Vatnajökul.