Fréttablaðið - 06.06.2009, Síða 12

12 6. júní 2009 LAUGARDAGUR
IÐNAÐUR Tveir af þekktustu athafna-
mönnum Íslands og Noregs standa
að fyrirtækjunum tveimur sem
sóttu um sérleyfi til rannsóknar og
vinnslu kolvetnis á Drekasvæðinu.
Þetta eru þeir Kjell Inge Røkke,
sem stendur að Aker Exploration,
og Jón Helgi Guðmundsson, einn
aðaleigenda Norvik, sem er einn af
stærstu hluthöfunum í Sagex í gegn-
um Lindir Resources.
Íslendingar eiga saman-
lagt fimmtung í Sagex. Lindir
Resources, í eigu Straumborgar,
félags Jóns Helga og fjölskyldu, á
stærsta íslenska hlutinn í Sagex,
tæp tólf prósent. Redsquare Invest,
félag í eigu Jóns Snorrasonar, á rúm
fjögur. Aðrir Íslendingar eiga tæp
sex prósent.
Norska félagið Xegas er stærsti
hluthafinn í Sagex með átján pró-
senta hlut en það er í eigu tveggja
helstu stjórnenda Sagex. Bandaríski
fjárfestingarsjóðurinn Spin drift
Wellington er svo þriðji stærsti
hluthafinn með tæp tíu prósent.
Gunnlaugur Jónsson, fram-
kvæmdastjóri Straumborgar, segir
varnarsigur fyrir stjórnvöld að tvö
olíufélög skyldu sækja um leyfi.
„En ekkert stórkostlegt þegar von-
ast var eftir fimm til tíu umsókn-
um. Ástæðan er augljóslega sú að
ástandið í heiminum er það erfitt
að olíufélög hafa úr nægu að velja,
jafnvel svæðum sem eru betur
könnuð en hér og þar sem kostar
minna að sækja olíuna.“
Gunnlaugur bendir á að líkurnar
á olíufundi við hverja borun sé ein-
ungis 10 til 20 prósent. - ghs
Athafnamenn frá Íslandi og Noregi standa að félögum sem sóttu um sérleyfi:
Røkke og Jón Helgi leita Drekaolíu
KJELL INGE
RØKKE
JÓN HELGI
GUÐMUNDSSON
MENNTAMÁL Samkvæmt nýjum
tölum Hagstofunnar hefur grunn-
skólum fækkað um 22 frá skólaár-
inu 1998-1999. Fækkunin er mest
áberandi meðal skóla sem höfðu
fimmtíu nemendur eða færri.
Skólaárið 2008-2009 voru að
meðaltali 18,3 nemendur í bekk.
Einnig hefur nemendum fækkað
miðað við kennara og er hlutfallið
nú 9,3 nemendur á hvern kennara.
Sjö til 15 ára fá kennslu í 7.320
klukkustundir á níu árum í grunn-
skóla, en það eru fleiri stundir
en á hinum Norðurlöndunum, að
Danmörku undanskilinni. Mest-
ur tími kennara fer í að kenna
íslensku og stærðfræði. - hds
Nýjar tölur um menntamál:
Grunnskólum
fækkar um 22
KJARNORKULAUS FRAMTÍÐ Aðgerða-
sinnar úr röðum grænfriðunga blésu
upp risavaxna blöðru í miðborg
Madrid, höfuðborgar Spánar, í gær
til að krefjast framtíðar án kjarnorku.
Gjörningurinn fór fram vegna Alþjóða
umhverfisdagsins. NORDICPHOTOS/AFP
STJÓRNMÁL „Ég er hissa á að þessu
skuli enn ekki hafa verið svarað –
það ætti að vera einfalt að fletta
þessu upp,“ segir Þorleifur Gunn-
laugsson, borgarfulltrúi Vinstri
grænna, sem á borgarstjórnar-
fundi á þriðjudag óskaði eftir upp-
lýsingum um millilið í fimm millj-
arða króna láni borgarinnar hjá
lífeyrissjóðum.
„Af þessu tilefni er ekki úr
vegi að spyrja borgarstjóra að því
hvernig að lántökunni var stað-
ið. Er það rétt að til verksins hafi
verið fenginn milliliður sem þegið
hafi tugi milljóna króna í þóknun?“
spurði Þorleifur á borgarstjórnar-
fundinum. „Sé svo, óska ég ein-
dregið eftir að vita, hvaða ástæða
var til þess að borgin gat ekki
milliliðalaust fengið umrætt lán
hjá lífeyrissjóðum landsmanna og
sloppið þannig við umtalsverð fjár-
útlát.“
Fyrirspurn Þorleifs hefur ekki
enn verið svarað. Hins vegar ligg-
ur fyrir að það er fyrirtækið MP
verðbréf sem hefur milligöngu um
viðskiptin.
Birgir Björn Sigurjónsson, fjár-
málastjóri Reykjavíkurborgar,
segir að rætt hafi verið við ráð-
gjafa borgarinnar og þreifað fyrir
sér með þóknanir áður en sam-
starfið við MP hafi verið ákveðið.
Fjármálaviðskipti borgarinnar séu
dreifð á marga aðila og að venjan
hafi ekki verið sú að bjóða út verk-
efni á borð við þetta sem reyndar
feli í sér mikla umsýslu með stór-
um skuldabréfaflokki til 45 ára í
Kauphöllinni. Í viðskiptum eins og
um ræði sé nauðsynlegt að vera í
samstarfi við fyrirtæki sem eigi
aðild að Kauphöll Íslands.
„Ef við hefðum verið í beinum
samningum við lífeyrissjóðina þá
hefði verið líka um að ræða ein-
hvers konar þinglýsingargjöld eða
stimpilgjöld á gerningum vegna
veðs. Ef það hefði verið niður-
staðan hefði það verið margfald-
ur þessi kostnaður. Það er okkar
mat að alveg sama hvort horft er á
vaxtakjörin sjálf eða umsýslugjöld
eða annað kostnað sem tengdur er
þessari lántöku þá séum við bara í
mjög hagstæðu máli,“ segir Birgir
sem kveður það af og frá að MP sé
í þessu máli í einhverri sjálftöku á
peningum hjá borgarsjóði.
Aðspurður segir Birgir það ekki
hafa tíkðast hjá borginni að bjóða
út verkefni eins og þessi. „Við
höfum ekki heldur boðið út alla
fjármálaþjónustuna við okkur. Ef
það væri, að við byðum út alla fjár-
málaþjónustu við borgina; eftirlit
með erlendum lánum og innlend-
um lánum, skuldabréfaútboð og -
útgáfu og hvað sem væri – þá auð-
vitað væri það útboðsskylt. En
við höfum verið með þetta miklu
meira í smábútum og reynt að
semja eins vel um hvert og eitt og
við höfum getað,“ segir fjármála-
stjóri Reykjavíkurborgar.
gar@frettabladid.is
Í REYKJAVÍK Fjármálastjóri borgarinnar segir að þjónusta vegna láns Reykjavíkur-
borgar frá lífeyrissjóðum hafi ekki verið útboðsskyld. Slík viðskipti borgarinnar séu á
höndum margra fyrirtækja. FRÉTTABLAÐIÐ/VILHELM
Spurt út í við-
skipti borgar-
innar og MP
Borgarfulltrúi VG spyr hvers vegna millilið hafi
þurft vegna milljarðaláns borgarinnar frá lífeyris-
sjóðum. Hagstætt segir fjármálastjóri borgarinnar.
BIRGIR BJÖRN
SIGURJÓNSSON
ÞORLEIFUR
GUNNLAUGSSON