Fréttablaðið - 08.06.2009, Blaðsíða 2

2 8. júní 2009 MÁNUDAGUR
Andrés, hlýtur ekki Ólafur eða
Eiður titilinn?
„Það koma allir góðir Evrópusinnar
til greina.“
Evrópusamtökin munu kynna Evrópu-
mann ársins á miðvikudaginn. Ólafur
Stefánsson var Evrópumeistari í hand-
bolta og Eiður Smári Guðjohnsen í
fótbolta. Andrés Pétursson er formaður
Evrópusamtakanna.
BRASILÍA, AP Brasilíski flugherinn
greindi frá því í gær að fjögur
lík til viðbótar hefðu fundust í
Atlants hafi nærri þeim stað þar
sem talið er að farþegavél Air
France hafi brotlent fyrir viku
síðan, en áður höfðu tvö lík fund-
ist á svipuðum slóðum.
Talsmenn hersins sögðu enn
fremur að menn sem leituðu úr
lofti hefðu komið auga á nokkur
lík til viðbótar og sent skip á vett-
vang. Þá fundust tvö farþegasæti
merkt Air France á floti í sjónum.
Líkin fundust um sjötíu kíló-
metra frá þeim stað þar sem til-
kynning barst frá vélinni um að
eitthvað alvarlegt væri á seyði.
Alls voru 228 manns um borð og
eru allir taldir af. - ve
Allir í vél Air France taldir af:
Sex lík hafa
fundist í sjónum
BRAK ÚR VÉLINN Brasilískir hermenn við
brak úr Air France-flugvélinni.
FRÉTTABLAÐIÐ/AP
LONDON Gordon Brown, forsætis-
ráðherra Bretlands, ætlar ekki að
segja af sér embætti þrátt fyrir
mikinn þrýsting frá Falconer
lávarði, fyrrverandi dómsmála-
ráðherra landsins.
Á verkamannaráðstefnu í London
sem fram fór í gær sagði Brown að
hann ætlaði að standa með fólkinu
á þessum erfiðu tímum. Falconer
lávarður sagði í samtali við BBC að
hann efaðist um að samstaða innan
Verkamannaflokkurinn myndi
haldast ef Brown héldi áfram um
stjórnartaumana. Falconer var
einn nánasti samstarfsmaður
Tonys Blair, fyrrverandi leiðtoga
Verkamanaflokksins, og hefur
verið sakaður um að styðja ekki
Brown í embætti. Þá hefur Peter
Hain, ráðherra Wales, sagt að niður-
staða kosninganna til Evrópuþings-
ins muni verða skelfileg.
Innanríkisráðherrann Alan
Johnson, sem er talinn líklegastur
til að taka við af Brown, sagð-
ist ósammála Falconer. „Ég held
að Brown sé besti maðurinn í
starfið.“
Á ráðstefnunni í gær hóf Brown
ræðu sína á léttu gríni en sagði
svo: „Hvað myndi fólk halda um
ríkisstjórn Verkamannaflokksins
sem stæði frammi fyrir efnahags-
kreppu en sneri baki við fólki í
hvert skipti sem það þyrfti á henni
að halda? Við ætlum að standa með
fólkinu og vinna úr vandanum
með því.“ Sex ráðherrar úr stjórn
Verkamannaflokksins hafa sagt af
sér embætti á síðustu vikum. - ve
Brown vill ekki segja af sér þrátt fyrir mikinn þrýsting:
Brown heldur vígreifur áfram
GORDON BROWN Forsætisráðherrann
svaraði gagnrýnendum fullum hálsi á
fundi í London í gær. NORDICPHOTOS/AFP
ELDSVOÐI Maðurinn sem slapp
út úr eldsvoða í einbýlishúsi á
Kleppsvegi á laugardagsmorgun
var í töluverðri lífshættu að sögn
lögreglunnar í Reykjavík. Hann
náði að koma sér út um dyrnar
eftir að bensíni hafði verið skvett
yfir innanstokksmuni og kveikt í.
Að sögn lögreglunnar varð
framhlið hússins mjög fljótt
alelda og því þurfti maðurinn,
sem er á sextugsaldri, að hafa sig
allan við til að komast út í tæka
tíð. Var hann heill á húfi þegar
fyrsti bíll slökkviliðsins kom á
vettvang. Töluverður eldur var þá
í húsinu sem teygði sig upp í risið.
Þrír karlmenn sem voru
hand teknir vegna eldsvoðans
hafa verið úrskurðaðir í gæslu-
varðahald. Konu sem var einnig
handtekin hefur verið sleppt.
Fólkið, sem er allt á þrítugs aldri,
hefur áður komið við sögu lög-
reglu. Málið er í rannsókn og
gat lögreglan því ekki tjáð sig
um hvað fólkinu gekk til. Húsið,
sem er á horni Langholtsvegar
og Kleppsvegar, er talið nánast
ónýtt. - fb
Kveikt í einbýlishúsi við Kleppsveg:
Þrír menn í gæsluvarð-
hald vegna íkveikju
HÚSIÐ Á KLEPPSVEGI Einbýlishúsið sem
brann á Kleppsvegi er talið nánast ónýtt
eftir eldsvoðann. FRÉTTABLAÐIÐ/VILHELM
STJÓRNMÁL Sigríður Ingibjörg
Ingadóttir, þingmaður Samfylk-
ingar, gagnrýnir Ögmund Jónas-
son heilbrigðisráðherra harkalega
vegna ummæla sinna í Fréttablað-
inu á laugardag. Þar ber hann upp
þá hugmynd að breyta lögum um
Seðlabankann þannig að hann
verði ekki sjálfstæð stofnun.
„Ég tel það mjög óheppilegt að
ráðherra sé óbeint að hóta Seðla-
bankanum með þessum hætti,“
segir Sigríður Ingibjörg. Hún
segir mikilvægt að peningamála-
nefnd Seðlabankans verði áfram
óháð ríkisstjórninni og veiti henni
aðhald með ríkisfjármálin. Hún
vísar síðan í ákvörðun Seðlabank-
ans um að lækka stýrivexti ein-
ungis um eitt prósent en Ögmund-
ur gagnrýndi einmitt þá ákvörðun.
„Augljóslega vill bankinn fá bein-
ar tillögur í hendurnar frá ríkis-
valdinu í stað þess að fá aðeins
munnleg vilyrði. Með því er verið
að sýna ríkinu aðhald og þá væri
ráðherrum hollara að bregðast
við með því að búa svo um hnút-
ana í sínu ráðuneyti að hægt verði
að lækka vexti í stað þess að vera
með svona óbeinar hótanir.“
Hún segir þó peningamálanefnd
alls ekki hafna yfir gangrýni. „Við
getum vissulega haft okkar skoð-
anir á þeim ákvörðunum sem tekn-
ar eru í Seðlabankanum en það er
einnig mikilvægt að þær ákvarð-
anir séu teknar á faglegum for-
sendum en ekki pólitískum. Eins
og málum er nú háttað held ég að
við getum treyst því að svo sé, í
það minnsta tel ég hann hafa stað-
ið faglega að málum.“
Bjarni Benediktsson, formaður
Sjálfstæðisflokksins, segir þessa
hugmynd afar óskynsamlega. Ráð-
herra verði að þola aðhaldið og
gagnrýnina. „En það kemur ekk-
ert á óvart að fá hugmynd úr þess-
ari átt sem miðar að því að koma
sem mestu ákvörðunarvaldi undir
stjórnmálamenn,“ segir hann.
„Það sem ráð-
herra, sem er
óánægður með
vaxtaákvörðun
Seðlabankans,
þarf að gera er
að líta sér nær.
Stjórnarinnar
bíðu r sk ý r t
afmarkað verk-
efni og það er
að skapa traust
og tiltrú á að
hún hafi náð utan um vandann
og sé með trúverðugar tillögur
um hvernig skuli unnið á honum.
Þessu hefur hún ekki risið undir
svo það ætti ekki að koma þess-
um mönnum svo á óvart að vaxta-
lækkunarferlið sé ekki hraðara en
þetta.“ jse@frettabladid.is
Segir ráðherra hóta
Seðlabanka óbeint
Þingmaður Samfylkingar segir óeðlilegt að heilbrigðisráðherra hóti Seðlabank-
anum óbeint þótt honum líki ekki við ákvörðun peningamálanefndar. For maður
Sjálfstæðisflokksins segir ráðherra verða að þola aðhaldið og gagnrýnina.
ÖGMUNDUR
JÓNASSON
SIGRÍÐUR INGI-
BJÖRG INGADÓTTIR
BJARNI
BENEDIKTSSON
Hraðakstur í Borgarnesi
Tveir ökumenn um tvítugt voru
handteknir undir áhrifum fíkniefna af
lögreglunni í Borgarnesi á laugardags-
kvöld og aðfaranótt sunnudags. Auk
þess voru ellefu ökumenn stöðvaðir
fyrir hraðakstur.
Slys í Súgandafirði
Karlmaður á sextugsaldri var fluttur
alvarlega slasaður með flugi á sjúkra-
hús í Reykjavík eftir umferðarslys í
Súgandafirði gærmorgun.
Sjálfsvíg fanga í rannsókn
Bráðabirgðaniðurstöðu er hugsanlega
að vænta í dag vegna rannsóknar
á láti fangans sem framdi sjálfsvíg í
lögreglustöðinni við Hverfisgötu.
Bílvelta á Gjábakkavegi
Bílvelta varð á Gjábakkavegi um þrjú-
leytið í gær. Slysið varð þegar tveir
bílar mættust á veginum og fór annar
þeirra út af og stöðvaðist á toppnum.
Að sögn lögreglunnar á Selfossi slas-
aðist enginn alvarlega.
LÖGREGLUFRÉTTIR
SEÐLABANKINN Stjórnarþingmaður vill að bankinn verði áfram sjálfstæð stofnun,
ólíkt því sem heilbrigðisráðherra vill. FRÉTTABLAÐIÐ/PJETUR
LÖGREGLUMÁL Karlmaður á þrí-
tugsaldri situr í gæsluvarðhaldi
vegna gruns um aðild að innflutn-
ingi á töluverði magni af fíkniefn-
um. Þetta kemur fram í tilkynn-
ingu frá lögreglunni í Reykjavík.
Maðurinn var handtekinn 22.
maí vegna málsins og úrskurð-
aður í gæsluvarðhald til 2. júní.
Vegna rannsóknarhagsmuna var
varðhaldið framlengt til 12. júní.
Maðurinn kærði báða gæsluvarð-
haldsúrskurðina til Hæstaréttar,
sem staðfesti fyrri úrskurðinn en
hefur enn ekki tekið afstöðu til
síðari kærunnar.
- fb
Karlmaður á þrítugsaldri:
Í gæsluvarðhald
vegna fíkniefna
DÓMSMÁL Rúmlega tvítugur
maður hefur verið ákærður fyrir
brot gegn valdstjórninni, en
honum er gert að sök að hafa ráð-
ist að tveimur lögreglu mönnum
við skyldustörf á Akureyri í júní
í fyrra.
Samkvæmt ákæru skallaði
hann tvo lögreglumenn á þrítugs-
aldri í andlitið, og hrækti tvíveg-
is ofan í hálsmál annars þeirra.
Báðir lögreglumennirnir mörðust
í framan. Ákæran var þingfest í
Héraðs dómi Norðurlands eystra
fyrir helgi. Sakborningurinn tók
sér frest til að taka afstöðu til
ákæruefnisins. - sh
Ungur Akureyringur:
Ákærður fyrir
hráka í hálsmál
EFNAHAGSMÁL „Maður sér að menn
eru komnir á fullt að vinna að
þessu,“ segir Vilhjálmur Egils-
son, framkvæmdastjóri Samtaka
atvinnulífsins,
en hann sat á
fundi Stein-
gríms J. Sig-
fússonar fjár-
málaráðherra
í gær ásamt
fulltrúum
Alþýðusam-
bandsins,
BSRB, BHM
og fleiri.
Ráðherra gerði grein fyrir
því hvernig ríkið hygðist spara
tuttugu milljarða á þessu ári og
150 milljarða á næstu þremur. Í
lok þessarar viku verða tillög-
urnar er varða einungis þetta ár
kynntar í þinginu en hinar síðar í
mánuðnum. - jse
Fundað með fjármálin:
Línur að skýrast
um niðurskurð
VILHJÁLMUR
EGILSSON
STJÓRNMÁL Kosningum til Evr-
ópuþingsins hjá aðildarríkjum
Evrópusambandsins lauk í gær.
Hægrimiðjuflokkar í mörgum
af stærstu ríkjum Evrópu fengu
bestu kosninguna samkvæmt
fyrstu tölum. Vinstriflokkar í
löndum á borð við Frakkland,
Ítalíu og Þýskaland misstu því
fylgi sitt.
Fyrstu tölur sýndu að hægri-
miðjuflokkar myndu fá á bilinu
263-273 sæti í þinginu, sem hefur
alls 736 þingsæti. Talið var að
vinstriflokkar fengju á bilinu
155-165 sæti. Eva Joly, ráðgjafi
embættis sérstaks saksóknara á
Íslandi, náði kjöri. - fb
Kosningar til Evrópuþingsins:
Hægrisveifla í
Evrópuþinginu
SPURNING DAGSINS