Fréttablaðið - 12.08.2009, Qupperneq 12

12 12. ágúst 2009 MIÐVIKUDAGUR
nær og fjær
„ORÐRÉTT“
Vatnsheld þá?
„Á einum hlutanum eru
stjörnuljós.“
NÝ VATNSRENNIBRAUT Í LAUG-
ARDALSLAUGINNI VERÐUR HIN
GLÆSILEGASTA, AÐ SÖGN LOGA
SIGURFINNSSONAR, FORSTÖÐU-
MANNS HENNAR.
Fréttablaðið 11. ágúst
Úr samhengi
„Ég set þessar tölur ekki í
samhengi við Icesave.“
ÓLÖF ÝRR ATLADÓTTIR FERÐA-
MÁLASTJÓRI SEGIR ANDÚÐ Á
ÍSLENDINGUM EKKI SKÝRA FÆKKUN
FERÐAMANNA FRÁ BRETLANDI OG
HOLLANDI.
Fréttablaðið 11. ágúst
Dæmi um það sem
tekið er fyrir í náminu:
Lita- og línufræði
Tónalgreining
Vaxtarbygging
Heitt og kalt rými
Stórt og lítið rými
Uppröðun hluta
Stílistun á:
Baðherbergi
Svefnherbergi
Barnaherbergi
Eldhúsi
Garðhýsi
Stofu
Og margt fleira.
The Academy of Colour and Style býður nú upp á nám í
innanhússtílistun. Farið er í helstu grunnþætti í lita- og
línufræði. Einnig er kennt að meta stíl út frá persónunni
sjálfri. Þá er hún greind út frá vaxtarbyggingu og
litgreiningu en þær upplýsingar segja mikið til um hvernig
einstaklingur vill hafa sitt nánasta umhverfi eins og liti og
stíl. Nemendur vinna svo verkefni í hverri viku og taka þá
fyrir stílistun á stofu, baðherbergi, barnaherbergi o.fl.
Gestafyrirlesarar koma í tíma og kynna fyrir nemendum
ýmis atriði sem koma þeim til góða.
Hver önn tekur þrjá mánuði. Kennsla fer fram í
Tækniskólanum einu sinni í viku frá 18-22.
UPPLÝSINGAR OG SKRÁNING Í SÍMA 533 5101
Anna F. Gunnarsdóttir
Stílisti
Helga Sigurbjarnadóttir
Innanhúsarkitekt
Þorsteinn Haraldsson
Byggingafræðingur
INNANHÚSSTÍLISTANÁM
Tómatar hafa verið ómissandi í
öll betri salöt frá því Evrópubúar
komust í kynni við þessa kynlegu
plöntu í Mexíkó. Talið er að
jurtin, sem tæknilega telst vera
ávöxtur þó að hún sé yfirleitt
flokkuð með grænmeti, sé upp-
runalega frá Perú. Engin skráð
dæmi eru um nýtingu þarlendra
frumbyggja á tómötum, en vitað
er að Astekar og Pueblo-indjánar
í Mexíkó borðuðu tómata.
Tómaturinn féll vel að bragð-
laukum Spánverja, sem dreifðu
þessum dulbúna ávexti víða. Í
fyrra er talið að um 125 milljón
tonn af tómötum hafi verið fram-
leidd, sem jafngildir um átján
kílóum á hvern jarðarbúa.
TÓMATAR
ÁVEXTIR FRÁ AMERÍKU
Sisimiut, Holsteinsborg eins og bærinn heitir á
dönsku, er næststærsti bærinn á Grænlandi með
tæplega sex þúsund íbúa. Bærinn er á vesturströnd-
inni, 400 kílómetra norðan við Nuuk og um 100 km
norðan við heimskautsbaug. Sisimiut er aðalbyggð í
sveitarfélaginu Qeqqata. Bæjarstæðið er á allmiklum
tanga, eins og flestir bæir á Grænlandi, en þvert yfir
tangann rís fjallið Nasaasaaq í 784 m hæð.
Sisimiut er nyrsta höfn á Grænlandi sem er siglinga-
fær á vetrum vegna íslagna.
Sisimiut er tilvalið til veiða: mikið er af hval, sel og
rostungi í hafinu og hreindýr til fjalla.
Upp úr 1764 komu Danir sér upp bækistöð í Sisimiut,
sem þeir nefndu Holsteinsborg. Bærinn var miðstöð
hvalveiða fram undir lok 19. aldar. Upp frá því tóku
fiskveiði og fiskverkun við sem aðalatvinnugreinar.
Sisimiut er syðsti bær á Grænlandi þar sem hunda-
sleðar eru notaðir. Gelt hundanna setur nokkurn blæ
á bæinn og þá má sjá um allt. Hundasleðarnir eru
notaðir bæði í atvinnuskyni og til skemmtunar. Engin
vegtenging er við aðra staði.
SISMIUT Á VESTURSTRÖND GRÆNLANDS
Eftir tíu ára dvöl í Kaup-
mannahöfn fóru hjónin
Ingibjörg Hrefna Björns-
dóttir og Ólafur Rafnar
Ólafsson að hugsa sér til
hreyfings. Þeim leist ekki
á blikuna á Íslandi og því
var aðeins eitt í stöðunni: að
flytja til Grænlands.
Ingibjörg og Ólafur hafa búið í
bænum Sisimiut á vesturströnd
Grænlands í um mánuð, ásamt
sonum sínum tveimur, Birni
Rafnari sex ára og og Úlfi Snorra
tveggja ára.
„Þetta hefur verið mjög gott fram
að þessu,“ segir Ingibjörg og í bak-
grunni má heyra ýlfrið í sleðahund-
unum sem bundnir eru við annað
hvert hús. Ingibjörg og Ólafur eru í
óðaönn að koma fjölskyldunni fyrir
í nýju íbúðinni, þar sem þau ætla
að búa að minnsta kosti næstu tvö
árin. „Það er sólríkt og gott veður
hérna. Þetta er mikil náttúruperla,
við erum með fallegt útsýni út á
hafið og fylgjumst með hvölum og
selum og svo var hreindýratímabil-
ið að byrja og allir á leið á skytt-
erí.“
Ingibjörg og Ólafur höfðu búið í
Kaupmannahöfn í áratug og fannst
kominn tími til að breyta til. Ísland
þótti þeim ekki fýsilegur kostur
eins og sakir standa og því kom
upp sú hugmynd að flytja til Græn-
lands. „Ólafur Rafnar lærði mann-
fræði í Kaupmannahafnarháskóla
með áherslu á eskimóa á Grænlandi
og vildi því gjarnan fara til Græn-
lands. Ég er hjúkrunarfræðingur og
þeirra er víðast hvar þörf. Ég próf-
aði því að sækja um vinnu á heilsu-
gæslunni hérna. Þegar ég fékk
hana ákváðum við því að láta slag
standa. Fjölskyldur okkar heima á
Íslandi hefðu auðvitað miklu frek-
ar viljað fá okkur heim, sérstaklega
ömmurnar sem sakna barnabarn-
anna, en þau geta samt ekki beðið
eftir að koma í heimsókn.“
Ingibjörg segir að fjölskyldan uni
hag sínum vel í Sisimiut. „Við erum
smám saman að kynnast bænum og
umhverfinu og fólkið hefur tekið
okkur afskaplega vel. Það búa á
sjötta þúsund manns hér og það
er nokkurn veginn allt til alls hér:
veitingahús, barir og bíó. Það vill
líka svo til að Íslendingar á vegum
Ístaks eru að reisa vatnsaflsvirkj-
un hér í nágrenninu og við rekumst
stundum á þá hér.“
Ingibjörg segir þau hjónin hafa
undirbúið sig vel fyrir flutninginn
og því nokkurn veginn vitað hvað
væri í vændum. Hún segir þó ýmis-
legt hafa komið sér á óvart.
„Það er ansi sláandi að sjá gamla
og nýja tímann mætast hér. Úti í
búð er til dæmis hægt að fá sushi
með hvalspiki eða selspik í avó-
kadó.“
Ingibjörg segir að helsti ókost-
urinn við Sisimiut sé einangrunin,
en engin vegtenging er við bæinn.
„Eina leiðin burt er með flugvél eða
hundasleða. Ætli það sé ekki helst
það sem kemur í veg fyrir að við
verðum hér lengur en við ætluðum
okkur.“
Þótt sumarið hafi leikið við fjöl-
skylduna á Grænlandi segir Ingi-
björg þau vera farin að búa sig
undir veturinn, sem geti orðið
harður. „Við erum til dæmis fót-
gangandi eins og er. Ætli við verð-
um ekki að fara að svipast um eftir
góðum snjósleða.“ En væri ekki
upplagt að ganga alla leið og fá sér
einfaldlega hundasleða? „Snjósleð-
arnir eru aðallega notaðir innan-
bæjar en hundasleðar til að fara út
úr bænum. Ég býst því við að snjó-
sleðinn verði settur í forgang, en
hver veit nema við tökum okkur til
og fáum okkur hundasleða. Hæg
eru heimatökin.“
bergsteinn@frettabladid.is
Aldrei að vita nema við
fáum okkur hundasleða
SISIMIUT Næststærsti bærinn á Grænlandi með 6.000 íbúa.
ÁNÆGÐ Á GRÆNLANDI Ólafur Rafnar Ólafsson, Björn Rafnar, Úlfur Snorri og Ingibjörg Hrefna Björnsdóttir.
Allt stefnir í metfjölda barnsfæð-
inga á Íslandi í ár. Fleiri börn hafa
fæðst á Landspítalanum það sem
af er ári en á sama tíma í fyrra,
sem var metár. Andra Gunnarssyni
lögfræðingi þykja þetta vera gleði-
tíðindi. „Það er jákvætt, vinnur
upp á móti fólksflóttanum, ef af
honum verður. Því fleiri Íslending-
ar, þeim mun betra.“
Venja er að fæðingartíðni lækki
þegar efnahagsástand er slæmt.
Andri er ekki uggandi yfir því þótt
það syrti í álinn. „Ég held að Ísland
verði ekki svo illa statt að barns-
fæðingum fækki. Reyndar held
ég að þeim muni halda áfram
að fjölga meðan kreppan varir.
Fólk þarf að finna sér eitthvað til
dundurs.“
SJÓNARHÓLL
METFJÖLDI FÆÐINGA
Verðum að
dunda okkur
við eitthvað
ANDRI GUNNARSSON,
NEMI Í HÁSKÓLANUM Í REYKJAVÍK.
„Ég er að leggja lokahönd á dagskrá
menningarnætur, það eru öll púslin
að falla í réttar skorður,“ segir Skúli
Gautason, leikari og viðburðastjóri
hjá Höfuðborgarstofu. „Afraksturinn
má nú sjá á menningarnott.is, og
það stefnir í glæsilega, spennandi
og fjölbreytilega dagskrá. Það er það
sem allt snýst um þessa sólarhringana
hjá mér.“
Skúli hefur því ekki komist
í mikið sumarfrí enn. „Ég
er farinn að sjá það
í hillingum að sitja
einhvers staðar á
þúfu og tína ber. Mig
dreymir um það. Ég
á mjög gott berja-
land norður á Ströndum og hlakka mikið
til að fara þangað.“ Skúli segir kreppuna
ekki hafa sett mikið strik í reikninginn hjá
menningarnótt. „Hún er fyrst og fremst
hátíð borgarinnar sjálfrar og það eru
svo margir sem leggja hönd á plóginn
og vilja gera eitthvað skemmtilegt á
menningarnótt. Það eru ofboðslega góðir
straumar í kringum menningarnótt svo við
finnum ekki mikið fyrir kreppunni satt
að segja. Þetta er miklu meira
gert af eldmóði en digrum
sjóði. Þema menningarn-
ætur er „húsin í bænum“
og það er mjög margt
skemmtilegt sem hefur
kviknað út frá þessu
þema.“
HVAÐ ER AÐ FRÉTTA? SKÚLI GAUTASON, VIÐBURÐASTJÓRI HJÁ HÖFUÐBORGARSTOFU
Menningarnótt skipulögð af eldmóði