Samvinnan - 01.02.1962, Page 30
í tómstundum
heitir Glasticon. Þetta er svart, frek-
ar hart kítti, sem m. a. er einmitt
ætlað á fiskabúr. Kíttið er hnoðað
þannig að það myndi ílanga þunna
pulsu, sem síðan er lögð ailt í kring
í fals grindarinnar meðfram botn-
inum. Þar er síðan lögð 4 mm þykk
vírnetsglerplata. Að því búnu er aftur
lögð kíttispulsa í fals grindarinnar
og glerið lagt í kíttið, fyrst hliðar-
glerin og síðan glerin í endum búrs-
ins. Ef þess er gætt að kíttið sé rétt
og jafnt lagt og ekki myndist loft-
blöðrur i kíttinu, ætti búrið nú að
vera vatnshelt og þess má geta hér,
að um leið og búrið fyllist með vatni,
þrýstir vatnið glerinu að grindinni og
glerið réttir sig upp og fær sína end-
anlega stillingu. Varðandi þykkt glers-
ins er það að segja, að hún fer eftir
hæð fiskabúrsins þannig, að þeim
mun hærra, sem búrið er, þeim mun
þykkara gler er nauðsynlegt að nota.
Má hér styðjast við eftirfylgjandi
glerþykktartöflu:
Hæð fiskabúrs í cm: Glerþykkt í mm:
25 3
30-35 4
35-40 5
40-45 6
45-50 7
50-60 8
Nú er fiskabúrið sjálft tilbúið og
nú er hægt að fara að hugsa um inni-
hald búrsins. Kemur hér þá fyrst
til greina botninn. Hér er notaður
sandur, annaðhvort venjulegur sand-
ur eða skeljasandur. Mjög mikilvægt
er að sjá um að sandurinn sé alveg
hreinn áður en hann er lagður á
botninn í fiskabúrinu. Þess vegna er
nauðsynlegt að skola hann rækilega
þangað til vatnið, í fötunni, eða hvaða
ílát sem maður nú notar til skolun-
ar, er alveg tært. Þykkt sandlagsins
er venjulega höfð u. þ. b. 5 cm fremst
og dálítið meiri aftan í búrinu,
þannig að það verður 8—10 cm þykkt
við bakhlið búrsins. Er þetta gert til
þess að fá meiri vídd í búrið og
einnig vegna þess, að maður hefur
yfirleitt stærstu og rótmestu plönt-
urnar aftast í búrinu.
í næstu greinum verður rætt um
nokkrar tegundir af fiskum og plönt-
um og einnig meðferð fiskanna, bæði
daglega meðferð og eins hina sér-
stöku, sem nota þarf ef maður ætlar
sér að láta fisk hrygna. En einmitt
þetta, að fá fiskana til að fjölga, er
eitt skemmtilegasta viðfangsefnið í
sambandi við smáfiskaræktina.
Hér skulu að lokum rakin nokkur
almenn atriði. Þar sem hér, eins og
fyrr er getið, er um að ræða hita-
beltisfiska og gróður, er nauðsynlegt
að fiskabúrið fái nægilegan hita. Sé
maður með hinar algengustu teg-
undir af fiskum er nægilegt að hit-
inn sé 23—22 gráður á Celsíus, þannig
að venjulegur stofuhiti ætti að vera
nógur. Oft getur stofuhiti að vetri
til þó komizt niður fyrir umrætt
hitastig og yfirleitt er þess vegna
nauðsynlegt að hafa sér hitara fyrir
fiskabúrið. Þess má í þessu sambandi
geta, að þeim mun stærra sem fiska-
búrið er, þeim mun lengri tíma tekur
það fyrir vatnið að hitna og kólna
og hitastig búrsins fylgir því síður
hitastigi stofunnar. Þó geta hita-
breytingarnar verið það miklar að
skaðlegt sé fyrir fiskana og þeir
veikist.
Það fást rafmagnshitarar fyrir
fiskabúr. Er hér aðailega um tvær
tegundir að ræða. Önnur þeirra er
frekar lítil, 15 wött, og er ætluð fyrir
búr um það bil 50 lítra að stærð.
Hitari þessi er alltaf í sambandi og
hitnar alltaf, en er það veikur, að
þegar hitastig búrsins er komið upp í
22—24 stig vegur hitageislunin frá
búrinu út í stofuna upp á móti orku
hitarans og vatnið er þannig að stað-
aldri 22—24 stig. Hin tegundin er
nokkuð kraftmeiri, 35—50 wött og
er notuð í sambandi við sjálfstilli.
Hér getur maður sett sjálfstillinn
á hið æskilega hitastig og mun
tækið þá sjá sjálfkrafa um, að hit-
arinn kveiki og slökkvi, þannig að
hitabreytingar búrsins eru aldrei
meiri en 1—2 stig. Síðarnefnda teg-
undin eyðir minna rafmagni og
hefur þann mikla kost, að maður
getur sjálfur ákveðið hitastigið. Það
er ekki sízfc mikilvægt þegar maður
ætlar að láta fisk hrygna, en þá er
oftast nauðsynlegt að hitinn sé 2—3
stigum hærri en venjulega.
Vatnið hér á íslandi er sérlega vel
fallið til notkunar í fiskabúri þar
sem kalkinnihald þess er mjög lítið.
Hitaveituvatn er þó ekki ráðlegt að
nota vegna brennisteinsinnihaldsins.
Þegar fiskabúrið er þannig tilbúið
með sandi og vatni kemur að því að
athuga, hve mikið og hvaða tegundir
af fiskum og plöntum á að vera í
búrinu og verður þetta og ýmis al-
menn atriði varðandi smáfiskarækt-
ina, svo sem t. d. ljósgjöf, fæði,
hreinsun búrsins o. fl., gert að um-
ræðuefni í eftirfylgjandi greinum.
,Að lokum skal þá bent á að í sam-
bandi við þessa þætti verður eins-
konar bréfakassi, þannig að velkomið
er að skrifa til SAMVINNUNNAR
varðandi ýmis vandamál, sem kunna
að stinga upp kolli og verður spurn-
ingunum svarað hér í blaðinu, eink-
urn ef þær eru almenns eðlis. Bréfin
ætti að árita: Samvinnan, Sambands-
húsinu, Reykjavík. SMÁFISKAR.
Fyrir þá, sem ekki hafa aðstöðu
eða tækifæri til að smíða eða láta
smíða fiskabúr, skal hér bent á, að
búr í ýmsum stærðum fást hjá Helga
Helgasyni, Hraunteig 5, Reykjavík. Á
sama stað fást einnig ýmis áhöld, svo
sem hitarar, hitamælar, net o. fl. og
ýmsar tegundir af fiskamat, gróðri
og fiskum.
30 SAMVINNAN