Andvari - 01.01.1983, Qupperneq 97

ANDVARI
PRESTSDÓTTIRIN 1:RÁ REVKIIOLTI
95
prestsembætti í 32 ár samfleytt, eða til vors 1916. Er séra Jakob jafnan kennd-
ur við það prestssetur.
Hann átti að sögn fróðra manna miklum vinsældum að fagna hjá söfnuð-
um sínum. Páll Eggert Ólason segir um séra Jakob Björnsson: ,,Hann var talinn
góður ræðumaður, snjall og skörulegur í framburði, fjörmaður og knálegur.“
Hann gegndi embætti 54jó ár samfleytt.
Því má bæta hér við ummæli Páls Eggerts, að séra Jakob Björnsson færði
kirkjubækur sínar af slíkri kostgæfni, að þar verður ekki villzt á neinum staf-
krók, og uppsetning öll er einkar skýr og skipuleg og kirkjubækur hans því
sérlega aðgengilegar.
Séra Jakob Björnsson kvæntist 15. ágúst 1862. Kona hans var Solveig,
f. 28. febr. 1829, d. 25. nóv. 1913, Pálsdóttir bónda á Gilsbakka í Axarfirði,
Einarssonar. Peim hjónum varð fjögurra barna auðið: 1. Kristín (f. 1864),
2. Ragnheiður (f. 1865), 3. Ólöf Rannveig (f. 1868), 4. Björn (f. 1870).
Séra Jakob Björnsson dó að Saurbæ í Eyjafirði 14. febrúar 1919.
I upphafi þessa þáttar kom Benedikt Eggertsson, bróðir Ragnheiðar, lítil-
lega við sögu, þá sóknarprestur að Lundi í Lundarreykjadal. Síðar var hann
um langt skeið þjónandi prestur að Breiðabólsstað á Skógarströnd. En árið
1868 var honum veitt Vatnsfjarðarprestakall.
Það sama ár tók Ragnheiður Eggertsdóttir sig upp frá séra Jakobi syni
sínum og skylduliði hans að Hesti í Borgarfirði og lagði leið sína vestur í
Vatnsfjörð til bróður síns. Jón sonur Ragnheiðar var einnig með í þeirri för.
Hann átti heima í Vatnsfirði um skeið. Ó1 upp frá því aldur sinn þar vestra,
kvæntist og gjörðist bóndi. Hann dó þar vestra 29. desember 1892, fimmtugur
að aldri.
Ragnheiður hefur ekki hugsað sér að setjast í helgan stein né halda að sér
höndum, það sem eftir kynni að vera ævidaganna. Hún lætur skrá sig vinnu-
konu, þegar vestur í Vatnsfjörð kemur.
Séra Benedikt búnaðist ágætlega. Hann naut mannhylli bæði sem bóndi og
lderkur, enda hið mesta prúðmenni að dómi allra, sem höfðu náin kynni af
honum. En sá raunalegi atburður varð í Vatnsfirði 5. desember 1871, að séra
Benedikt dó í svefni (f. að Gilsbakka í Borgarfirði 25. júlí 1799).
Nú fannst Ragnheiði lítt fýsilegt að dveljast lengur þar vestra og leitar
því að nýju athvarfs hjá séra Jakobi, syni sínum, sem þá var sóknarprestur að
Staðarhrauni í Hraunhreppi. Og árið 1875, er séra Jakob flytur sig enn um
set, tekur Torfastaði í Biskupstungum, fylgist Ragnheiður með öðru skylduliði
prestsins þangað austur. Þar mun hún hafa notið ástríkis og sannrar virð-
ingar hinzta áfanga ævidaganna. Ragnheiður fæddist að Gilsbakka í Hvítár-
síðu 23. ágúst 1803, en andaðist að Torfastöðum 27. apríl 1878.
Þessi mikilhæfa sæmdarkona hlaut hvílurúm í kirkjugarðinum að Torfa-
stöðum. Hún var jarðsungin af syni sínum, séra Jakobi Björnssyni. Leiði henn-