Fréttablaðið - 21.09.2009, Blaðsíða 4

4 21. september 2009 MÁNUDAGUR
Auður Capital veitir fjárfestingaþjónustu
með áherslu á gagnsæi og áhættumeðvitund.
Við getum séð um
séreignarsparnaðinn þinn
Velkomin á opna kynningu til okkar
mánudaginn 21. sept. kl. 17:15,
Borgartúni 29, 3. hæð.
Auður fyrir þig
Eignastýring - Fjárfestingar - Fyrirtækjaráðgjöf - Séreignarsparnaður
audur.is - 585 6500
VEÐURSPÁ
HEIMURINN
Vindhraði er í m/s.
Hitastig eru í °C.
Gildistími korta er um hádegi.
Alicante
Amsterdam
Basel
Berlín
Billund
Eindhoven
Frankfurt
Friedrichshafen
Gautaborg
Kaupmannahöfn
Las Palmas
London
New York
Orlando
Osló
París
Róm
Stokkhólmur
24°
20°
21°
23°
17°
21°
23°
23°
16°
17°
27°
18°
23°
32°
15°
24°
26°
17°
Á MORGUN
3-8 m/s
MIÐVIKUDAGUR
3-8 m/s
4
8
7
6
6 6
8
11
10
10
9
9
7
4
3
4
6
4
5
56
5
5
4
2
4
8 8 7
6
5
6
ÞURRT AÐ MESTU
SYÐRA
Loksins má greina
sæmilega þurrkatíð
í höfuðborginni og
sunnan til á landinu
í dag og á morgun.
Skúrir verða hins
vegar á Vestfjörð-
um og vestan til á
Norðurlandi í dag og
síðan á austanverðu
Norðurlandi síðdegis
eða í kvöld.
Næturfrost verður
víða um land aðfara-
nótt þriðjudags og
miðvikudags.
Sigurður Þ.
Ragnarsson
veður-
fræðingur
EGYPTALAND, AP Múslimar fagna
föstulokum með ýmsum hætti
víða um heim.
Í Kaíró í Egyptalandi flykktist
fólk í gær út á götur og að bökkum
Nílarfljóts til að sýna sig og sjá
aðra. Börnin skemmtu sér við að
skjóta flugeldum á loft og versl-
unareigendur héldu stórútsölur til
að draga að viðskiptavini.
Í Íslamabad, höfuðborg Pakist-
ans, safnaðist fólk saman í mið-
bænum til að fá sér að borða, kíkja
í verslanir og skemmta sér.
Föstumánuðinum ramadan lauk
um helgina og í beinu framhaldi
af því er haldin þriggja daga
hátíð þar sem fólk gerir sér glað-
an dag, snæðir góðan mat í faðmi
fjölskyldunnar og skemmtir sér
á ýmsa lund.
Í Gasaborg var stemningin
frekar þvinguð, enda fólk enn
hálf lamað eftir blóðugar árás-
ir í byrjun ársins ásamt viðvar-
andi einangrun sem svæðinu er
haldið í.
Í Kabúl, höfuðborg Afganist-
ans, var léttara yfir fólki þrátt
fyrir að árásum í borginni hafi
fjölgað í tengslum við nýafstaðn-
ar forsetakosningar. Börnin
klæddu sig í sparifötin og fjöl-
skyldur stilltu sér hátíðlega upp
fyrir myndatöku eins og venja er
til þar í borg. - gb
Múslimar halda þriggja daga hátíð í lok ramadan, gera sér glaðan dag og snæða góðan mat:
Múslimar fagna föstulokum um heim allan
FJÖLSKYLDUHÁTÍÐ Í bænum Sulaimaniyah í Írak skelltu börnin sér í hringekju í tilefni
dagsins. FRÉTTABLAÐIÐ/AP
REYKJAVÍK Velferðarsviði Reykja-
víkurborgar er gert að skera niður
rekstrarkostnað sinn um 5,76 pró-
sent á þessu starfsári samkvæmt
áætlun sem borgarstjóri lagði fram
í borgarráði á fimmtudag. Bundinn
kostnaður við fjárhagsaðstoð og
leigubætur, sem áætlað er að verði
um 3,2 milljarðar á árinu, er þar
hins vegar ekki undanskilinn.
Þetta þýðir að Velferðarsvið er í
raun krafið um meiri hagræðingu
í sínum daglega rekstri en Leik-
skóla- og Mennta- og Menning-
arsviði, sem einnig eiga að skera
niður um 5,76 prósent.
Jórunn Frímannsdóttir, formað-
ur velferðarráðs, segir að hún eigi
eftir að fá í hendurnar rýningu
á áætluninni frá fjármálastjóra
sviðsins, en eins og áætlunin líti
út núna hafi hún af henni nokkr-
ar áhyggjur.
„Ég trúi því eiginlega ekki að
það sé gerð krafa um hagræð-
ingu í fjárhagsaðstoð, heimildar-
greiðslum og húsaleigubótum sem
eru þættir sem við ráðum ekkert
við,“ segir Jórunn. „Þetta hlýtur
að vera einhver misskilningur. Það
er engin hætta á því að ætlunin sé
sú að sverfa svo nærri Velferðar-
sviði að við getum ekki veitt okkar
lögbundnu þjónustu.“
Jórunn segir eðlilegt að gera
kröfu um hagræðingu á Velferð-
arsviði eins og á öðrum sviðum
en tæpast geti verið að Velferðar-
svið eigi að skera niður meira en
hin fjölskyldusviðin í sínum dag-
lega rekstri.
Aukafundur verður haldinn í
velferðarráði í dag og býst Jórunn
við því að málið verði tekið þar
fyrir og kallað eftir leiðréttingu.
Stella Kr. Víðisdóttir, sviðsstjóri
Velferðarsviðs, segist eiga eftir að
fara betur yfir málið og áætlanir
sviðsins, meðal annars um fjár-
hagsaðstoð á þessu ári, en niður-
skurðaráætlun borgarstjóra valdi
henni þó ekki miklum áhyggjum
hvað þetta varðar.
Hún bendir á að bótagreiðslur
og fjárhagsaðstoð lúti öðrum lög-
málum en aðrir rekstrarliðir, að
því leyti að umframfjárveiting-
um sé skilað aftur í borgarsjóð
en þær ekki nýttar í annað, og að
umframfjárþörf sé mætt af borg-
arsjóði lögum samkvæmt. Því sé
ekki hætta á að sviðið geti ekki
sinnt þessu hlutverki sínu vegna
niðurskurðar. stigur@frettabladid.is
Hlýtur að vera misskilningur
Bundinn kostnaður upp á milljarða við fjárhagsaðstoð og bætur er ekki undanskilinn í niðurskurðaráætlun
borgarstjóra fyrir rekstur Velferðarsviðs. Hlýtur að vera einhver misskilningur, segir formaður velferðarráðs.
BARACK OBAMA Bandaríkjafor-
seti hefur farið þess á leit við
David Paterson, ríkisstjóra New
York, að hann gefi ekki kost á sér
til embættis ríkisstjóra í næstu
kosningum sem
fara fram árið
2010.
Forystumenn
Demókrata-
flokksins munu
hafa áhyggjur
af því að pólit-
ísk staða Pat-
ersons sé ekki
nægilega sterk
og telja embættið of mikilvægt til
að taka áhættu, að því er ónafn-
greindir ráðgjafar flokksins segja
í samtali við AP-fréttastofuna.
Paterson tók við embættinu af
Eliot Spitzer í mars 2008 eftir
að hann varð uppvís að kynlífs-
hneyksli. - ve
Ríkisstjóri New York-borgar:
Hvattur til að
endurskoða
framboð
DAVID PATERSON
INDLAND, AP Lögreglan á Indlandi
hefur í haldi ungt indverskt par
sem hefur játað að hafa myrt sjö
ættingja konunnar sem voru mót-
fallnir ástarsambandi hennar og
mannsins.
Parið mun hafa eitrað fyrir ætt-
ingjunum og kyrkt þá eftir að þeir
misstu meðvitund. Foreldrar kon-
unnar, bróðir og fjórir frændur
fundust látnir á heimili fjölskyld-
unnar, 95 kílómetrum norðvestur
af Nýju-Delí.
Maðurinn og konan hafa gefið
þá skýringu að þau séu ástfang-
in en að fjölskylda konunnar hafi
ekki viljað leyfa þeim að giftast
þar sem þau tilheyra sama samfé-
lagsþrepi, en strangtrúaðir hindú-
ar leyfa ekki slík hjónabönd. - ve
Elskendur myrða ættingja:
Ættin mótfallin
sambandinu
Annars vegar er um að ræða leigu-
bætur:
■ Húsaleigubætur - áætlaður kostn-
aður er um 1,2 milljarðar.
Hins vegar er fjárhagsaðstoð, sem
skiptist í tvo meginflokka:
■ Framfærslustyrkur - veittur fólki
18 ára og eldra sem er tekjulaust
eða hefur tekjur undir ákveðnum
viðmiðunarmörkum; 95.325 á mán-
uði fyrir einstakling og 152.520 fyrir
hjón eða sambúðarfólk.
■ Heimildargreiðslur - veittar
einstaklingum og fjölskyldum vegna
sérstakra aðstæðna, meðal annars
vegna félagslegs vanda og óvæntra
áfalla.
Kostnaður við fjárhagsaðstoð er
áætlaður um 2 milljarðar.
BUNDINN KOSTNAÐUR
NIÐURSKURÐUR Á VELFERÐARSVIÐI Kostnaður við fjárhagsaðstoð og húsaleigubætur er álitinn bundinn vegna þess að fólk á rétt á slíkum greiðslum samkvæmt lögum að
uppfylltum skilyrðum. Þar er hagræðing því í raun ekki í boði. FRÉTTABLAÐIÐ / PJETUR
GENGIÐ 18.09.2009
GJALDMIÐLAR KAUP SALA
HEIMILD: Seðlabanki Íslands
221,141
GENGISVÍSITALA KRÓNUNNAR
123,27 123,85
201,68 202,66
181,19 182,21
24,348 24,49
20,963 21,087
17,892 17,996
1,3496 1,3574
195,17 196,33
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR