Stúdentablaðið - 01.12.1939, Side 40

32
STÚDENTABLAÐ
Lúðvig Guðmundsson:
Almenn upplýsingaskrifstofa um nám erlendis
Upplýsingaskrifstofa Stúdentaráðs Háskóla
íslands var stofnuð árið 1921. Aðalhlutverk
hennar hefir verið að leiðbeina og aðstoða ís-
lenzka stúdenta og kandidata, er utan hafa
farið til náms eða framhaldsnáms. Að þessu
starfi hefir skrifstofan nú unnið með góðum
árangri i átján ár, og hafa flestir íslenzkir
stúdentar og fjölmargir þeirra kandídata, sem
á þessum árum hafa stundað nám erlendis,
notið margvíslegrar aðstoðar hennar.
Þegar á fyrstu árum sínum fékk skrifstofan
því framgengt, að íslenzkir stúdentar, sem
ferðast landa á milli, til og frá námi, með
skipum Eimskipafélags íslands, hafa notið
verulegra ívilnana um fargjöld. Nú á þessu
ári hefir skrifstofan einnig náð slíkum samn-
ingum við Sameinaða og Bergenska skipa-
félögin.
Um mörg ár hefir skrifstofan annazt um
framkvæmd stúdentaskiptanna milli íslands
og annara landa.
Öll starfsár skrifstofunnar hafa jafnan
margir erlendir stúdentar, fræðimenn og
stofnanir leitað til hennar upplýsinga um ýms
íslenzk málefni, skóla, námsskilyrði eða ferða-
lög hér á landi, og hefir hún jafnan verið
boðin og búin að láta í té alla þá aðstoð, er
unnt var að veita.
Auk þessa hefir skrifstofan veitt upplýsing-
ar og aðstoð fjölda manna, þótt eigi hafi þeir
verið stúdentar, er leitað hafa til hennar
vegna náms erlendis í ýmsum greinum fræði-
legs eða verklegs náms, m. a. í iðnaði, verzlun,
landbúnaði, íþróttamálum o. s. frv.
Þá hefir skrifstofan jafnan haft með hönd-
um ýms störf í þágu þeirra stúdenta, er nema
hér við háskólann, m. a. útvegun atvinnu o. fl.
Nú nýlega hefir skrifstofan, samkvæmt til-
mælum forsætisráðherra, tekið að sér að safna
ítarlegum skýrslum um nám og gjaldeyrisþörf
allra íslenzkra námsmanna erlendis, kandí-
data, stúdenta og annara. Skýrslur þessar, sem
nú eru að berast skrifstofunni, verða hinar
merkustu heimildir um nám og námsþarfir
íslenzkra manna erlendis. Verða þær og mjög
mikilvæg gögn til hliðsjónar við úthlutun op-
inberra styrkja og erlends gjaldeyris til náms
ytra.
Vegna hins mikla aðstreymis stúdenta að
einstökum deildum háskólans, svo og vegna
gjaldeyrisörðugleika íslenzkra stúdenta er-
lendis, beitti skrifstofan sér fyrir því í haust,
að Háskólaráðið nú á ný hefir hafið undir-
búning að aukningu námsmöguleika og fjölg-
un deilda í háskólanum*).
Reynsla liðinna ára hefir eigi aðeins rétt-
lætt tilveru skrifstofunnar, heldur einnig
staðfest nauðsyn þess, að starfssvið hennar
verði nú aukið svo, að hún verði almenn upp-
lýsingaskrifstofa fyrir alla þá, er hyggja á ut-
anför til náms í frœðilegum eða verklegum
greinum.
Út á við mundi slík stofnun geta stórlega
eflt og styrkt aðstöðu íslenzkra manna til
náms erlendis. Þá mundi og slík stöð hafa
aðstöðu til að firra margan íslenzkan náms-
mann fjártjóni og öðrum vandræðum, er iðu-
lega hafa af því hlotizt, að námsferðir hafa
verið illa undirbúnar og af óforsjálni. Að hér
er eigi lítið í húfi fyrir þjóðina í heild, verður
Ijóst, þegar athugað er, að jafnvel nú munu
vera nál. 200 íslenzkir námsmenn erlendis; á
friðartímum oft miklu fleiri.
Af framangreindum ástæðum ákvað Stúd-
entaráðið snemma á sl. vori að færa út starfs-
svið skrifstofunnar, jafnskjótt og fjárhagur
þess leyfði og gera hana svo úr garði, að hún
geti orðið almenn upplýsingaskrifstofa um
nám erlendis, er
1) annist um útvegun allra nauðsynlegra
*) Sbr. Árbók Háskóla íslands, 1930—31, bls. 66—91.