Stúdentablaðið - 01.12.1950, Qupperneq 17

STÚDENTABLAÐ
11
Benedikt Jakohsson, íþróttakennari:
Hœfniskeppni deilda í
íþróttúm.
Oft hef ég lagt höfuðið í bleyti til að
reyna að finna einhver ráð til að örfa áhuga
stúdenta fyrir íþróttum. Þrátt fyrir þessa
viðleitni mína og margra annarra, fer því
víðs fjarri, að allir stúdentar skilji mark og
mið íþróttaæfinganna.
Árið 1940 var lögleidd á Alþingi svoköll-
uð ,,íþróttaskylda“ fyrir stúdenta. Misjafn-
lega brugðust stúdentar við skyldu þessari,
margir töldu sig þess umkomna að ráða
sjálfir fyrir sér, bæði varðandi andlega og
líkamlega þjálfun, og töldu mjög misboðið
hinu akademiska frelsi með íþróttaskyld-
unni.
Flestir munu nú vera orðnir sammála um,
að sameina megi nokkurt gagn og gaman
á íþróttaæfingum stúdenta í hinu nýja og
vandaða íþróttahúsi. Um það er og heldur
ekki deilt lengur, það er löngu viðurkennt
af öllum sæmilega skyni bornum mönnum,
að einhverjar hressingaríþróttir séu öllum
nauðsyn, er nám stunda eða hafa aðrar kyrr-
setur. Önnur hlið íþróttaskyldunnar hlýtur
því að vera sú að koma í veg fyrir, að stú-
dentar hrörni líkamlega, meðan á námi
stendur. Hin hliðin er aftur á móti að hvetja
þá og örfa, sem meiri hæfni hafa, til frek-
ari þjálfunar, og kem ég þá að því, er ég
gat um í upphafi. Fyrir nokkrum árum
hvatti ég stúdenta til að koma á fastri
keppni í handknattleik milli deilda. Örfaði
það fyrst í stað tímasókn þeirra, en virtist
svo missa marks, þegar frá leið.
Á síðastliðnum vetri datt mér í hug að
reyna að fitja upp á nýrri keppni, svo-
nefndri ,,hæfniskeppni“. Keppni þessi náði
aðeins til íþróttaskyldra stúdenta. Þetta
varð að veruleika, keppnin hófst þann 7.
marz s. 1. og lauk með virðulegu móti 25. s.
m. Þann dag setti rektor háskólans mótið
með ræðu, og hópsýning á leikfimi fór fram.
Keppt var í þessum greinum: handknattleik,
hástökki með atrennu, kúluvarpi, langstökki
án atrennu, hástökki án atrennu og hindr-
unarþraut (leikfimi).
Að keppninni stóðu: laga- og hagfræði-
deild, læknadeild, verkfræðideild og guó-
fræði-, norrænu- og heimspekideild. Urslit
urðu þessi:
Handknattleikur: Sigurvegarar urðu verlc-
fræðinemar, unnu alla sína leiki, í úrslita-
leik laganema með 12 mörkum gegn 6. í
liði þeirra voru ísleifur Jónsson, Sigurberg
Elentínusson, Guðmundur Steinbach, Krist-
ján Flygenring, Egill Skúli Ingibergsson og
Bragi Erlendsson.
Langstökk án atrennu:
1. Baldur Jónsson, stud mag. ...... 3,07 m.
2. Magnús Sigurðsson, stud. med. 2,96 —
3. ísleifur Jónsson, stud. polyt... 2,95 —
Hástökk án atrennu:
1. Baldur Jónsson, stud. mag....... 1,40 m.
2. Páll Þ. kristinsson, stud. jur. .. 1,35 —
3. ísleifur Jónsson, stud. polyt. . .. 1,35 —