Stúdentablaðið - 17.06.1962, Blaðsíða 4

4
STÚDENTABLAÐ
- HORFT UM
ÖXLOG
FRAM A LEIÐ
Stúdentaráð. Frá vinstri: Sigurður Hafstein, stud. jur., Svavar Sigmundsson, stud. mag., Ingi Viðar Árnason,
stud. philol., Gunnar Ragnars, stud. oecon., gjaldkeri, Áslaug Ottesen, stud. jur., framkvæmdastjóri, Jón E.
Ragnarsson, stud. jur., formaður, Ólafur Björgúlfsson, stud. odont., ritari, Eysteinn Hafberg, stud. polyt.,
Anna Katrín Emilsdóttir, stud. med. og Jón Einarsson, stud. theol.
Fréttabréf frá Stúdentaráði
Stúdentaráð það, sem nú situr,
var kjörið í febrúar s. 1. og tók
við störfum af fráfarandi ráði í
byrjun marz. Ráðið kaus sér
stjórn á fyrsta fundi sínum, og
var Jón E. Ragnarsson kjörinn
formaður ráðsins til eins árs, Ól-
afur Björgúlfsson var kjörinn
ritari og Gunnar Ragnars, gjald-
keri. Framkvæmdastjóri ráðsins
er Aslaug Ottesen og veitir hún
einnig bóksölu stúdenta forstöðu.
Sumarstarfið er einkum fólgið í
rekstri sumarhótels
Þegar ráðið tók við störfum,
var skammt eftir skólaársins eða
tæpir tveir mánuðir þar til vetr-
arstarfinu var lokið og próf hóf-
ust í háskólanum. Sumarstarfið,
sem nú er að hefjast er, auk þátt-
töku í samvinnu við erlenda
stúdenta og undirbúnings undir
starfið næsta vetur, einkum rekst-
ur sumarhótels á stúdentagörð-
unum og starfsemi ferðaþjónustu
stúdenta. Vinnumiðlun stúdenta
hefur haft mjög lítið að gera,
vegna mikillar eftirspurnar eftir
starfsfólki.
Vel heppnað stúdentaþing, út-
varpsdagskrá og sumarfagnaður
Af störfum ráðsins þennan
tíma má m. a. nefna kynningu á
verkum skáldkvenna íslenzkra,
veglegan sumarfagnað að Hótel
Borg, dagskrá í útvarpinu siðasta
vetrardag, útgáfu Stúdentablaðs.
Þá má nefna stúdentaþing, sem
haldið var í fyrsta skipti og þátt
tóku í rúmlega 60 stúdentar, til-
nefndir af deildarfélögunum og
stúdentaráði. — Stúdentaþingið
tókst mjög vel, og voru þar kruf-
in til mergjar félags- og hags-
munamál stúdenta. Umræður
þingsins og samþykktir verða
gefnar út sérprentaðar á næst-
unni.
Gagnlegar utanfarir
stúden taráðsmanna
Þá tók stúdentaráð þátt í ráð-
stefnu formanna stúdentaráð-
anna á Norðurlöndunum í Kaup-
mannahöfn í marz, og formaður
ráðsins fór um leið til fundar við
forstöðumenn alþjóðasamtaka
stúdenta í Hollandi.
Af öðrum þáttum erlends sam-
starfs má nefna för Inga Viðars
Árnasonar á þing norskra stúd-
enta í Osló í maí, en för sú er
þáttur í reglulegum stúdenta-
skiptum við norska stúdenta, og
þátttöku Kjartans Jóhannssonar
og Kristínar Gústavsdóttur, sem
bæði eru við nám í Stokkhólmi
í hátíð stúdenta í Uppsölum og
námskeiði um þjóðfélagsmál í
Helsinki.
Formannaráðstefna Norðurlanda
og alþjóðlegt „seminar“ í Kanada
Formaður stúdentaráðs og
Styrmir Gunnarsson, ritari utan-
ríkisnefndar ráðsins, eru ný farn-
ir til Danmerkur og sitja þar
formannaráðstefnu Norðurland-
anna. Síðan munu þeir fara til
Bandaríkjanna og Canada á al-
þjóðlegt ,,seminar“ um hlutverk
stúdentasamtakanna í þjóðmál-
um landa sinna og 10. alþjóða-
þing stúdenta, sem haldið verður
í Québec dagana 26. júní til 8.
júlí. Þing þetta sitja fulltrúar frá
rúmlega 80 þjóðum og leggur það
áætlun um samstarf og samvinnu
stúdenta um heim allan fyrir
næstu tvö ár. Þing þetta sitja
einnig fulltrúar frá menningar- og
vísindastofnun Sameinuðu Þjóð-
anna og fleiri alþjóðasamtökum
um æðri menntun.
Starf næsta háskólaárs undirbúið
í sumar. Skortur á húsnæði stend-
ur félagsstarfsemi fyrir þrifum
Starfið næsta vetur mun svo
hefjast 1. október. Verður það
undirbúið í sumar, og mun eink-
um lögð áherzla á að flýta undir-
búningi að byggingu félagsheim-
ilis fyrir stúdenta, auk hinna
föstu liða í starfi ráðsins. Það er
skoðun ráðsins að skortur á hús-
næði og aðstöðu til félagsstarfa
sé orðin svo knýjandi, að raun-
veruleg efling og meiri f jölbreytni
félagsstarfsins geti ekki átt sér
stað, fyrr en slíkt félagsheim-
ili hefur verið reist.
Framhald af bls. 2.
ings sexveldanna), sem fela í sér
afsal ákvörðunarvalds í hendur
sameiginlegra stofnana og póli-
tískar skuldbindingar. Þeim, sem
aðhyllast aukaaðild eru þessi á-
kvæði þyrnir í augum, en þeir
sem vilja sem nánust tengsl við
bandalagið benda fyrst og fremst
á það ótvíræða hagræði, sem
landsmenn munu hafa af því, að
geta selt útflutningsvörur sínar
tiollfrjálst á einu fjölmennasta
markaðssvæði heims. Þeir telja
ekki ástæðu til að gera mikið úr
st j órnmálalegum skulbindingum
Rómarsáttmálans, þar sem við
höfum þegar tekið þá afstöðu sem
í þeim felst með inngöngu í Atl-
antshafsbandalagið.
Viðkvæmasta atriðið í þessu
máli er, að margir óttast að Efna-
hagsbandalagið þróist smám sam-
an í þá átt að verða eitt ríki, enda
er það hugsjón margra þeirra,
sem harðast hafa barizt fyrir
sameiningu Vestur-Evrópu. En
þegar litið er raunsæjum augum
á málið verður fyrir sú staðreynd,
að íbúar Evrópu greinást í ólíkar
þjóðir, sem hver um sig býr að
eigin menningu, á sér eigin sögu
og hafa fært fórnir til að öðlast
og varðveita sjálfstæði sitt. Enn
sem komið er hafa allar ákvarð-
anir, sem miða að sameiningu
verið teknar af ábyrgum stjóm-
endum sjálfstæðra ríkja, og lík-
legast er, að svo verði enn um
ófyrirsjáanlega framtíð. Hitt er
trúlegt, að efnahagsleg samein-
ing fæði af sér stjórnmálalega
samstöðu, þar sem hagsmunir
hinna ýmsu ríkja munu þá falla
saman. íslendingar ættu ekki að
þurfa að kvíða því, að glata tungu
sinni og menningu með þátttöku
í þessu ævintýri, eða hvaða tungu
ættu þeir að taka upp í staðinn?
Vestur-Evrópuþjóðimar eru svo
ólíkar og hinar stærstu svo jafn-
ar að styrkleika, að ekki er senni-
legt að tunga og menning einnar
mvmi ryðja sér rúms á kostnað
hinna.