Stúdentablaðið - 27.11.1969, Side 3
STÚDENTABLAÐ
3
stúdenta
<#>blad
5. tbl. 46. árg.
1. blað starfsárið '69—70.
Útgefandi: Stúdentafélag Háskóia
íslands.
Ritstjóri: Ólafur Thóroddsen (ábm).
Ritnefnd: Jónas Ragnarsson,
Ragnar Ingi Aðalsteinsson,
Sigurður Sigurjónsson.
Aðsetur blaðsins: Ægisgata 7,
simi 26315.
Setning, prentun, bókband:
Prentsmiðjan Edda h.f.
Hönnun forsíðu: Torfi Jónsson.
EFNISATRIÐI:
FRÉTTIR AF SKÓLALÍFINU
bls. 5—12.
í þessu blaði segjum við nýjustu
fréttir af framkvæmdum á vegum
Háskólans, svo og ýmsum áætl-
unum SHÍ og Félagsstofnunar-
innar. Þá segjum við frá starf-
semi SFHl, áætlaðri dagskrá 1.
des. 1969, og nokkrar fréttir eru
aðrar.
MEGINEFNI
bls. 13—20.
Að þessu sinni tökum við fyrir
hið eilífa efni lánamálin, og í því
sambandi sgyr blaðið á forsíðu:
„Erum við dekurbörn þjóðfélags-
ins?“ Um lánamálin rita þrír
menn, sem gjörþekkja til, og
reifa það frá öllum hliðum á
raunhæfan og hógværan hátt.
Svarið við spurningu blaðsins er
„Nei.“
ORÐIÐ ER LAUST
bls. 21—23.
Stefán Pálsson hefur orðið og
skrifar um Verðandimenn.
VIÐTALIÐ
bls. 25—26.
Rætt er við Björn Pálsson stud.
scient. um stofnun nýs félags í
verkfræði- og raunvísindadeild.
frá ritnefnd
Fréttir — félagsblað. Vinnubrögð ritnefndarinnar og stefna sjást nokkuð
á þessu fyrsta blaði. Ritnefndin telur, að blaðið eigi, eftir því sem við
verður komið, að birta fréttir af því helzta í skólalífinu. Að þessu verði
unnið með fréttaskrifum, birtingu greina og viðtala o. s. frv. Hins vegar
telur ritnefndin óþarft að tönnlast á alþekktum atburðum eða lítilvægum.
Ástæðulaust sé og að eltast við hvern einasta atburð í skólanum eða
í starfi SFHÍ. SFHÍ er í lófa lagið að setja upp veggauglýsingar eða dreifa
fjölrituðum tilkynningum. Til þess er „Andrá“. — Hvað sem líður hlut-
leysi frétta, er ekki unnt að neita ritnefndinni réttar til fréttaskýringa.
Baráttublað. Auk þess að blaðið flytur fréttir af skólalífinu og er félags-
blað, er það baráttublað og umbóta, bæði í málefnum skólans og stúd-
enta og þjóðfélagsmálum. Ritnefndin hlýtur, í samráði við stjórn SFHÍ,
að ákveða, hvar borið skuli niður að þessu leyti, en það er ekki síður
stúdenta, og verður nánar komið að því síðar í þessum orðum.
Þetta hlutverk má rækja bæði með greinum frá ritnefnd eða stjórn
SFHÍ eða þá að ritnefndin leitar til ákveðinna manna um skrif. Þannig
var að farið með greinarnar um lánamálin. Þetta efni er all sérhæft og
tæpast á færi annarra að reifa það á raunhæfan hátt en þeirra, sem á
því hafa meira en yfirlitsþekkingu. Ritnefndin starfaði með greinarhöfund-
unum og lagði með þeim efnislínur og verkaskiptingu. Verður ekki annað
sagt en flest atriði lánamálanna hafi verið dregin fram, eins og því varð
við komið.
Nú segja eflaust sumir: „Vitanlega er það stefna blaðsins, sem birtist
frá ritnefnd og stjórn SFHÍ, en getur úr orðið heilsteypt stefna, ef birtar
eru nokkrar utanaðkomandi greinar um sama efni? Er ekki alltaf hætta
á ágreiningi og skoðanamun, — eða breytir ritnefndin þessum skrifum
til sama tóns?“
Því er til að svara, að miklum tíma hefur verið varið í að kanna mál-
efni stúdenta og skólans, og þeir, sem þekkja staðreyndirnar, eru yfirleitt
sammála um takmörkin, þótt stundum gæti ágreinings um leiðir. — Öðru
máli gegnir um ýmis þjóðfélagsmál, þar eru menn oft um fátt sammála.
Þar er það vissulega stefna blaðsins að fá fram sem flest sjónarmið, til
að auðvelda skoðanamyndun. Ritnefndarmenn telja sig ekki alvitra og
munu ekki látast það með því að sletta á pappírinn billegum ,,patent“-
lausnum á öllu frá stríðinu í Víetnam til endursköpunar íslenzks þjóð-
félags. Til eru menn, og það hér í skólanum, sem telja sig allt vita, en
oftast reynist það svo, ef að er gáð, að fáir eru þeir heillegir punktarnir
á fleti þessa mikla yfirborðs.
Heildarvettvangur stúdenta. Þriðji þátturinn í efnisuppbyggingu blaðs-
ins og í reynd mikilvægastur viðgangi þess er aðsent efni frá stúdentum.
Stúdentablað er þekktast þeirra blaða, sem stúdentar við HÍ gefa út og
heildarmálgagn þeirra. Til þess aö blaðið standi undir þvf að vera heild-
armálgagn, verður það að flytja greinar og ábendingar sem flestra stúd-
enta, — um eigin málefni og skólans, þjóðfélagsmál og annað það, sem
þeir vilja koma á framfæri, og vera vettvangur skoðanaskipta.
Blaðið birtir almennt efni, sem berst frá stúdentum, og eru þeir hvattir
til þess að láta ekki á sér standa. „Pólitískar greinar" fá inni í blaðinu