Fréttablaðið - 24.10.2009, Page 22

22 24. október 2009 LAUGARDAGUR
UMRÆÐAN
Kristján Sveinbjörnsson skrifar
um bæjarmál á Álftanesi
Nú hefur sjálfstæðisfélagið á
Álftanesi komist til valda á ný. Því
er ekki úr vegi að líta um öxl og
skoða hvernig sú niðurstaða fékkst.
Svo virðist sem D-listinn hafi þurft
nokkra mánuði til að kyngja þeirri
staðreynd að flokkurinn hafi virki-
lega tapað kosningunum 2006. Á
haustdögum fór hefndarþorstinn að
leita sér útrásar. Mér er þó stórlega
til efs að það heiðvirða sjálfstæðis-
fólk sem býr á Álftanesi sé beinlín-
is stolt af framgöngu sinna manna
í baráttunni fyrir endurheimt fyrri
valda. Meðulin
koma þó fáum á
óvart sem fylgst
hafa með valda-
brölti þeirra síð-
ustu áratugi.
Hatröm ræg-
ingarherferð
h ef u r s t a ð -
ið linnulaust í
prent- og ljós-
vakamiðlum frá
árslokum 2006. Vogar, málgagn
Sjálfstæðisflokksins í Kópavogi, sá
t.d. tvisvar ástæðu til að leggja blað
sitt undir æsifréttir af álftneskum
bæjarmálum. Þá hefur Fréttablað-
ið sl. 3 ár birt á fjórða tug einhliða
greina sem sami blaðamaður hefur
iðulega kvittað upp á. Áhangendur
D-listans hafa nýtt sér nýja tölvu-
tækni, haldið hefur verið úti þrem-
ur bloggsíðum sem hafa það hlut-
verk að níða niður sveitarfélagið,
stjórnsýsluna og fólkið sem þar
starfar í umboði kjósenda. Áhang-
endur D-listans hafa staðið fyrir
tug stjórnsýslukæra og málaferla
á hendur stjórnsýslu Álftaness.
Fyrrverandi bæjarstjóri var form-
lega sakaður um þjófnað, fals og
fjölmörg önnur afbrot. Fyrrverandi
forseti bæjarstjórnar var sakaður
um valdníðslu og yfirgang. Endur-
skoðandi, arkitektar og lögmenn
bæjarins voru opinberlega sakað-
ir um mútur og annan ósiðlegan
gerning. Embættismönnum bæjar-
ins var hótað. Ráðist var að þjón-
ustuverktökum, þeir vændir um
óeðlileg vinnubrögð, klíkuskap og
spillingu. Alvarlegustu ásakanir
hafa ýmist farið í úrskurð eða fyrir
dómstóla. Niðurstaðan er jafnan sú
sama, að ekkert sé hæft í þessum
áburði. Nú síðast var fv. bæjar-
stjóra hótað brottrekstri með lög-
regluvaldi auk þess sem bæjarfull-
trúar D-listans reyndu að stöðva
verktaka í vinnu með aðstoð lög-
reglu. Þessi ótrúlega heiftúð hefur
stórskaðað ímynd sveitarfélagsins.
Álftnesingar allir hafa þurft að líða
fyrir þeirra framferði. Nú hefur
takmarkinu lokins verið náð, vígi
Á-listans er fallið. Það var veikasti
hlekkurinn sem gaf sig.
Frami Margrétar Jónsdóttur
bæjarfulltrúa varð skjótur og auð-
fenginn. Hún vermdi 2. sæti Á-list-
ans í skjóli Framsóknarflokksins.
Reynslulaus í sveitarstjórnarmál-
um sóttist hún eftir embætti for-
manns bæjarráðs ásamt ýmsum
nefndarstörfum. Þau 3 ár sem Mar-
grét hefur gegnt einu veigamesta
embætti bæjarins minnist ég þess
ekki að hún hafi samið eða beitt sér
sérstaklega fyrir nokkurri tillögu
nema hvað varðar kosningu full-
trúa í nefndir og stjórnir. Lengi
hefur verið ljóst að stöðugur áróð-
urinn hlaut hjómgrunn hjá henni,
hún tók að efast um fólkið sem hún
var kosin til að starfa með. Ekki
var um málefnaágreining að ræða,
aðeins persónulega dóma um sam-
starfsfólkið. Málflutningur Mar-
grétar varð æ mótsagnakenndari,
í lokin stóð hún ekki við nýundir-
ritað samkomulag um samstarf. Í
kjölfarið komu þjóðstjórnardraum-
ar, á meðan var sveitarfélaginu
haldið í herkví svo vikum skipti. Að
sögn vildi hún svo kanna hvað væri
í boði hjá D-listanum og í lok sept-
ember gekk hún til samstarfs við
hann. Niðurstöðuna, um aukin völd
og áhrif fyrir sig og sína fjölskyldu,
má sjá á nefnda- og stjórnarlista
sveitarfélagsins.
Höfuðvandi stjórnsýslunn-
ar hefur kristallast í sívaxandi
áráttu D-listans til að rægja og
níða mótherjana niður og berjast
hatramlega gegn öllum helstu hags-
munamálum samfélagsins. Málstað
sínum til framdráttar hafa þau
reynt að stöðva uppbyggingu á mið-
svæðinu, sundlaugarbygginguna og
lagfæringu Álftanesvegarins auk
fjölda annarra brýnna verkefna.
Með oddi og egg hafa þau þó bar-
ist fyrir aðalmáli sínu, að byggja
megi einbýlishús í fjöruborði
Skógtjarnarinnar. Síðan Margrét
Jónsdóttir söðlaði um og D-listinn
komst til valda hefur stjórnsýsl-
an verið lömuð. Erindi Prima Care
um byggingu sjúkrahótels fyrir
yfir 15 milljarða var haldið leyndu
fyrir bæjarfulltrúum. Þar fóru
stórkostlegir möguleikar forgörð-
um, þrátt fyrir að Álftanes búi að
glæsilegu skipulagi sem er nær
klæðskerasniðið að hugmyndinni.
Eitt stærsta hagsmunamál sveit-
arfélagsins, vinna við leiðréttingu
framlaga úr Jöfnunarsjóði vegna
skólans, hefur stöðvast. Stjórn-
sýslan sá sér ekki fært að senda
fulltrúa á ársfund sjóðsins. Hvað
stendur eiginlega eftir af yfirlýs-
ingum um að markmið þessa nýja
„starfhæfa meirihluta“ sé að koma
stjórnsýslu og fjármálum sveitarfé-
lagsins í lag? Eitt er víst að gereyð-
ingarstefna bæjarfulltrúa D-list-
ans er ekki það sem Álftnesingar
þurfa helst um þessar mundir, nóg
er kreppan samt.
Höfundur er bæjarfulltrúi Á-lista.
Yfirtaka sjálfstæðismanna á Álftanesi
UMRÆÐAN
Guðrún Helga Jóhannsdóttir skrifar um Sam-
einuðu þjóðirnar
Þennan dag fyrir 64 árum voru Sameinuðu þjóð-irnar stofnaðar. Í dag eru aðildarríki Sameinuðu
þjóðanna 192 talsins, þeirra á meðal Ísland. Samein-
uðu þjóðirnar vinna á öllum stigum samfélagsins,
allt frá því að stuðla að bættum heimsviðskiptum og
hindra ofveiði, til þess að hafa eftirlit með hreinsun
jarðsprengja og efla lýðræði og mannréttindi.
Ári eftir stofnun Sameinuðu þjóðanna var Félag
Sameinuðu þjóðanna á Íslandi stofnað. Félagið hefur
það að markmiði að vinna almenning á Íslandi til
fylgis og stuðnings við samtök Sameinuðu þjóðanna.
Félagið stendur fyrir ýmsum uppákomum ár hvert.
Meðal árlegra viðburða er kynning á Þróunar-
skýrslu Sameinuðu þjóðanna sem kynnt var fyrr í
þessum mánuði.
Ert þú einn af þeim sem hafa velt fyrir sér hvað
al-Qaida, G8-hópurinn eða NATO sé? Hvers vegna
mannrán á olíuverkamönnum í Nígeríu séu tíð eða
af hverju oft sé vísað til átakanna í Kongó sem bæði
fyrstu heimsstyrjaldar Afríku og Gleymda stríðs-
ins? Félagið hefur nýlega opnað fræðsluvefinn
Globalis sem er ætlað að svara þessum spurningum
og ógrynni annarra.
Globalis er stærsti gagnagrunnur sem til er
á íslensku með tölfræði SÞ. Gagnagrunninn er
að finna á slóðinni www.globalis.is. Globalis er í
sífelldri uppfærslu, enda um lifandi upplýsingar að
ræða og sífellt bætist nýtt efni við vefinn. Á vefnum
eru meðal annars upplýsingasíður um öll aðildarríki
SÞ og staðreyndir um virk átök í heiminum.
Félag Sameinuðu þjóðanna á Íslandi óskar þér
enn og aftur til hamingju með daginn og býður
þig velkominn/velkomna á www.globalis.is til að
fræðast nánar um heim hinna Sameinuðu þjóða.
Höfundur er framkvæmdastjóri Félags Sameinuðu
þjóðanna á Íslandi.
Til hamingju með daginn
UMRÆÐAN
Guðrún Valdimarsdóttir skrifar
um skólastarf
Foreldrar eru mikilvægasta breytan þegar kemur að vel-
gengni barnanna í lífinu. Þegar for-
eldrar sýna barni sínu umhyggju
og aðhald, taka þátt í daglegu lífi
þess, sýna náminu áhuga og miðla
jákvæðu viðhorfi til menntunar eru
meiri líkur á að börnum líði vel,
þau standi sig vel í námi og velji
síður áfengi og önnur vímuefni.
Charles Desforges, prófessor við
Háskólann í Exeter, verður aðal-
fyrirlesari á námsstefnu Mennta-
vísindasviðs HÍ í lok mánaðar-
ins og mun einnig eiga fund með
foreldrum í sam-
starfi við Sam-
fok og Heimili
og skóla. Hann
hefur m.a. skoð-
að 40 rannsókn-
ir sem gerðar
hafa verið um
þátttöku for-
eldra á gengi
nemenda. Niður-
staða þeirra var:
Ef foreldrarnir
tóku þátt í lífi barnsins hafði það
mikil áhrif á gengi barnsins í skól-
anum. Hjá yngstu börnunum skipta
foreldrarnir mestu máli um gengi
barnsins í skólanum. Hjá 16 ára
börnunum eru áhrif foreldranna
mun minni en þau hverfa aldrei.
Stuðningur við foreldra yngri
barnanna er nauðsynlegur. Því er
það öllum í hag að foreldrum sé
skapað tækifæri til samráðs innan
skólanna. Nú í miðri kreppunni
heyrast sögusagnir um að foreldr-
ar gefi sér almennt meiri tíma (eða
hafa meiri tíma) til að taka þátt í
skólastarfi barna sinna. Hvort það
er á rökum reist skal ósagt látið
en hinsvegar eru sterkar vísbend-
ingar um að foreldrar séu vannýtt
auðlind í skólastarfi. Virkja mætti
foreldra og skóla enn frekar til
samstarfs með velferð barnanna
að leiðarljósi.
Höfundur er framkvæmdastjóri
Samfok (Samtök foreldra grunn-
skólabarna í Reykjavík).
Eru foreldrar vannýtt auðlind?
UMRÆÐAN
Jón Þór Ólafsson skrifar um
landráð
Evrópusambandið er ekki aðeins efnahagssamband.
ESB er erlent yfirvald með yfir-
ráð yfir mörgum innanríkismál-
um aðildarríkjanna. Svo spurn-
ing vaknar hvort það séu landráð
að reyna að koma Íslandi undir
erlend yfirráð.
Almenn hegningarlög tala um
landráð í 86. gr: „Hver, sem sekur
gerist um verknað, sem miðar að
því, að reynt verði með ofbeldi,
h ó t u n u m
ofbeldi, annarri
nauðung eða
svikum að ráða
íslenska ríkið
eða hluta þess
undir erlend
yfirráð, eða að
ráða annars ein-
hvern hluta rík-
isins undan for-
ræði þess, skal
sæta fangelsi ekki skemur en 4 ár
eða ævilangt.“
Eru stjórnarliðar sekir um:
„verknað, sem miðar að því, að
reynt verði með [...] nauðung eða
svikum að ráða íslenska ríkið eða
hluta þess undir erlend yfirráð“
ESB? Ef rétt reynist að Icesave-
samningur ríkisstjórnarinnar
miðar að því að liðka fyrir inn-
göngu Íslands í ESB; En sönnun-
argögn þess efnis hrannast upp úr
öllum áttum. Og ef frásagnir þing-
manna um að vera beittir nauð-
ung í Icesave-málinu eru sannar;
En það að hóta stjórnarslitum er
nauðung. Þá hafa hinir ábyrgu í
ríkisstjórn gert sig að landráða-
mönnum fyrir landslögum.
Höfundur er stjórnmála-
fræðingur.
Er stjórnin sek um landráð?
KRISTJÁN SVEIN-
BJÖRNSSON
JÓN ÞÓR ÓLAFSSON
GUÐRÚN
VALDIMARSDÓTTIR
EI
N
N
, T
V
EI
R
O
G
Þ
R
ÍR
2
66
.0
32