Fréttablaðið - 24.10.2009, Qupperneq 32

32 24. október 2009 LAUGARDAGUR
H
önnunin á sýning-
unni á það samm-
erkt að vera vönd-
uð, þetta eru hlutir
sem hægt er að
nota og eru notað-
ir,“ segir Elísabet, sem hafði það
markmið þegar hún setti sýninguna
upp fyrst, á Listahátíð vorið 2009,
að uppistaðan væri þekkt hönnun
sem hefði sannað gildi sitt. „Íslend-
ingar eru mjög nýjungagjarnir og
stefnan á hönnunarsýningum hefur
iðulega verið að sýna sniðuga hluti
sem eru ekki komnir í framleiðslu.
Ég tók annan pól í hæðina,“ segir
Elísabet, sem gjarnan vill festa
góða hluti í vitund landans.
Elísabet hefur rannsakað
íslenska hönnun og komst að þeirri
niðurstöðu í meistararitgerð sinni
að mjög erfitt væri að skilgreina
einkenni íslenskrar hönnunar. Ein
skýring þessa er sú að íslenskir
hönnuðir eru menntaðir víða, enda
er stutt síðan farið var að kenna
hönnun á Íslandi. Hér á síðunni
má sjá dæmi um gripi sem eru á
sýningunni Íslenskri hönnun, en
umfjöllunin um höfundana bygg-
ir á bókinni Íslenskri samtíma-
hönnun. Þess má geta að einnig er
fjallað um samtímaarkitektúr á
sýningunni.
1. Ornametrica
Ornametrica er ljósakróna sem var
að sögn hönnuðanna gerð með það í
huga að glæða danskan einfaldleika
nýju lífi, enda er hún á engan hátt
einföld að gerð. Hugmyndin varð
til árið 2001 og hefur síðan verið
markvisst þróuð áfram. Hönnun
ljósakrónunnar er byggð á stærð-
fræðilegum hlutföllum þannig að
breyta má útliti hennar og umfangi
með hreyfingu að eða frá miðju
hringsins sem mótar form hennar.
Hönnuður: Aðalsteinn Stefáns-
son (f. 1970)
Nám: Lærði leikmyndahönnun við
Danmarks Designskole og útskrifað-
ist þaðan árið 1999 en hafði áður lært
bæði rafvirkjun og myndlist.
Starf: Hann hefur unnið að fjöl-
breytilegum hönnunarverkefnum,
við ljósahönnun og ljósainnsetn-
ingar, þar á meðal með úkraínska
hönnuðinum Aleksej Iskos.
2. Áhöld
Áhöld eru hönnuð út frá silfur-
borðbúnaði sem hefur verið fram-
leiddur til margra ára af Gull- og
silfursmiðjunni Ernu. Markmið
hönnuðarins Sóleyjar Þórisdóttur
var að kosta litlu til með því að nýta
það sem til var af tólum og tækj-
um smiðjunnar. Mynstrið á Áhöld-
um er sótt til þekktra skreytinga á
borðbúnaðinum frá Ernu og er eins
konar vísun til fortíðar í nútímabún-
ingi. Þau eru óregluleg að formi og
gera þannig kröfu til notandans um
að finna þeim hlutverk.
Hönnuður: Sóley Þórisdóttir (f.
1984)
Nám: Útskrifaðist sem vöru-
hönnuður frá Listaháskóla Íslands
vorið 2008. Á námstímanum var
hún skiptinemi í iðnhönnunardeild
Konstfack í Stokkhólmi og að því
loknu tók við starfsnám hjá sænska
hönnunarteyminu FRONT.
Starf: Hún starfar að eigin verk-
efnum og þróun þeirra.
3. Krummi
Herðatréð Krummi er hannað
jafnt út frá sjónarmiðum nota-
gildis sem fagurfræði og hugsað
ýmist til notkunar eða sem falleg-
ur skrauthlutur, eða hvort tveggja
í senn. Krummi er úr sprautulökk-
uðum krossviði og jafnvel þótt
fyrirmynd formsins sé svart-
ur hrafninn er hann fáanlegur í
þremur litum: svörtum, hvítum
og bleikum.
Hönnuður: Ingibjörg Hanna
Bjarnadóttir (f. 1976)
Nám: Hún lauk BA-prófi í graf-
ískri hönnun frá Listaháskóla
Íslands árið 2001.
Starf: Vinnur sjálfstætt auk
þess sem hún er meðlimur í hönn-
unarteyminu Stella Design.
4. Skrauti
Kertastjakinn Skrauti (2008) er
annar helmingurinn af tvíeykinu
Skrauta og Fjanda. Kertastjakarn-
ir urðu upphaflega til þegar hönn-
uðinn sjálfan langaði í fallegan
kertastjaka og leysti málið með
því að hanna sjálfur kertastjakann
sem hann hafði leitað að. Þannig
varð fyrst til kertastjakinn Fjandi
og síðar Skrauti. Lögun Skrauta
er byggð á hefðbundnum gamal-
dags sjö arma kertastjaka sem er
útfærður á nýjan hátt, eins konar
einfölduð mynd af gömlu stefi.
Hönnuður: Stefán Pétur Sólveig-
arson (f. 1977)
Nám: Útskrifaðist sem vöru-
hönnuður frá Listaháskóla Íslands
árið 2006.
Starf: Sjálfstætt starfandi vöru-
hönnuður.
5. Hillurnar eru komnar á fætur
Fráleggshillur sem Snæfríð Þor-
steins og Sigríður Sigurjónsdóttir
hönnuðu fyrir 101 hótel vöktu
mikla athygli og voru þær fram-
leiddar í nokkrum litum fyrir
almennan markað. Í framhaldinu
kom upp sú hugmynd hjá hönn-
uðunum að þróa þær í smáborð á
fótum. Eins og í fleiri samvinnu-
verkefnum þeirra ganga þær út
frá notagildinu en láta það ekki
vefjast fyrir sér í hugmyndavinnu
og úrvinnslu.
Hönnuðir: Snæfríð Þorsteins (f.
1968) og Sigríður Sigurjónsdóttir
(f. 1968)
Nám: Snæfríð lauk námi frá
École Supérieur de Design Ind-
ustriel í París árið 1994. Sigríð-
ur útskrifaðist frá Central Saint
Martins College of Art and Design
í London árið 1999.
Starf: Sigríður er prófess-
or í vöruhönnun við Lista-
h á s k ó l a Í s l a n d s . A ð a l -
starf Snæfríðar er rekstur
hönnunarvinnustofu í samstarfi
við Hildigunni Gunnarsdóttur.
6. Rocky Tre
Kveikjan að ruggustólnum var
þörf hönnuðarins, Daggar Guð-
mundsdóttur, til þess að hanna
þægilegan stól fyrir brjóstagjöf
þegar hún var barnshafandi. Stóll-
inn ber sterk einkenni norrænnar
hönnunar, einkum Alvars Aalto,
en hann var og framlag Daggar til
verkefnis þar sem hönnuðir fengu
það viðfangsefni að hanna hluti í
anda Aaltos. Hann er einnig undir
sterkum áhrifum frá lampahönn-
un Daggar þar sem þríhyrningar
eru áberandi.
Hönnuður: Dögg Guðmundsdótt-
ir (f. 1970)
Nám: Útskrifaðist sem iðnhönn-
uður fá Istituto Europeo di Design
í Mílanó árið 1996 og var gesta-
nemandi við Danmarks Designs-
kole á árunum 1996–1998.
Starf: Dögg sinnir almennri
iðnhönnun fyrir heimili jafnt sem
opinbera staði og opinberar bygg-
ingar og leggur áherslu á að hönn-
un hennar sé tímalaus og geti átt
við víða og lengi. Hún hefur einnig
fengist við ljósahönnun og unnið
ýmiss konar innsetningar þar sem
ljósið er í forgrunni. Hún rekur
fyrirtækið Dögg Design.
7. Visual Inner Structure
Stóll Guðrúnar Lilju Gunnlaugs-
dóttur er framleiddur í takmörk-
uðu upplagi. Eins og í flestum
verkum Guðrúnar Lilju er eins
konar saga eða boðskapur að baki
verkinu en Guðrún hefur í sínum
verkum leitað að innri fegurð
hlutanna og spurt siðferðislegra
spurninga um endurnýtingu,
umhverfisvernd og gildi hluta í
heimi offramboðs. Hugmyndin að
stólnum varð upphaflega til við
vinnu með flóttamönnum sem leit-
uðu að nýjum tilgangi og nýju lífi
í ókunnu landi. Eins og flóttamað-
urinn var stóllinn rúinn öllu þar
til aðeins gormarnir og grindin
voru eftir. Með nýjum efnivið var
„spunnið“ nýtt líf utan um gamla
undirstöðu.
Hönnuður: Guðrún Lilja Gunn-
laugsdóttir (f. 1968)
Nám: Útskrifaðist frá Design
Academy Eindhoven í Hollandi
árið 2005.
Starf: Að námi loknu stofnaði
hún fyrirtækið Studiobility sem
fengist hefur við hönnun vöru,
húsgagna og innréttinga auk sýn-
ingarhönnunar.
Áhrifa gætir alls staðar að
Gróska og fjölbreytni einkennir íslenska hönnun sem sjá má á farandsýningunni Íslenskri hönnun sem verður opnuð í Ketilhúsi
á Akur eyri í dag. Í bókinni Íslenskri samtímahönnun sem kemur út á næstu dögum er sagt frá bakgrunni verkanna. Sigríður B.
Tómasdóttir skoðaði gripinn og spjallaði við höfund bókarinnar og sýningarstjórann Elísabetu V. Ingvarsdóttur.
M
YN
D
IR
/I
N
G
VA
R
H
Ö
G
N
I R
A
G
N
A
R
SS
O
N
1. 2.
3.
4. 5. 6. 7.