Fréttablaðið - 28.10.2009, Síða 2

2 28. október 2009 MIÐVIKUDAGUR
Einfaldaðu utanumhald með verk- og þjónustukerfi Atlassian JIRA
og TEMPO tímaskráningu.
Farið verður yfir JIRA 4 ásamt Tempo tímaskráningar kerfi og sýnt hvernig
hægt sé að straumlínulaga vinnu ferlið allt frá beiðnum yfir í reikninga.

Saman eru JIRA og TEMPO öflugt og sveigjanlegt verkstjórn unar- og þjón-
ustukerfi sem gerir starfsmönnum og viðskipta vinum kleift að skrá, for-
gangs raða og úthluta beiðnum, fylgjast með ferli þeirra, skrá niðurstöður
og vinnutíma.

Tilvalinn viðburður fyrir fyrirtæki sem þurfa öflugt, sveigjan legt og
ódýrt verkbókhaldskerfi.
Tímasetning: 8:30 - 9:45
Staðsetning: Urðarhvarfi 6, Kópavogi
Morgunverður og þekking í boði TM Software
Skráning og nánari upplýsingar: www.tmsoftware.is
október
Vaknaðu með TM Software
Morgunverðarfundur á morgun
Ragnar, er þetta fundið fé?
„Þetta er lausafé, sem ekki veitir af.“
Smala á villtu sauðfé til slátrunar á
fjallhryggnum Tálkna, milli Patreksfjarðar
og Tálknafjarðar. Ragnar Jörundsson er
bæjarstjóri í Vesturbyggð.
SLYS Karlmaður á sextugsaldri
lést í umferðarslysi sem varð á
Fljótdalshéraði á afleggjaranum
að bænum Hlíðarhúsum í Jökuls-
árhlíð. Ökumaður dráttarvélar
ók út af veginum og valt hún í
Fögruhlíðará, en vélin var hálf í
kafi í ánni þegar að var komið.
Rannsóknarnefnd umferðar-
slysa telur líklegast að ofkæling
hafi valdið dauða mannsins.
Ekki er vitað með vissu hvort
slysið átti sér stað um nóttina
eða í gærmorgun, en maðurinn
fannst skömmu eftir hádegi í
gær. - shá
Maður á sextugsaldri lést:
Banaslys á
Fljótsdalshéraði
Ákærður fyrir hótanir
Tvítugur maður hefur verið ákærður
fyrir ítrekaðar hótanir í garð lögreglu-
konu. Meintar hótanir áttu sér stað í
fyrrasumar í Hafnarfirði.
DÓMSTÓLAR
SPURNING DAGSINS
SKIPULAGSMÁL „Það er aldrei að vita
nema maður skelli sér bara út í og
vígi þetta,“ segir Kjartan Magnús-
son, borgarfulltrúi og formaður
Íþrótta- og tómstundaráðs. Smíði
stálþils milli grunna og djúpa hluta
Vesturbæjarlaugarinnar, sem ætlað
er að hækka hitastigið í grunna
hlutanum sem gjarnan er nefndur
barnalaugin, lauk í gær. Þá hefur
hitunarbúnaður grunnu laugarinnar
verið endurnýjaður.
Íþrótta- og tómstundaráð
sam þykkti tillögu þessa efnis í
septem ber á síðasta ári. Þá höfðu um
hríð borist kvartanir frá viðskipta-
vinum laugarinnar vegna kulda í
barnalauginni. „Svona mál verður
auðvitað að fara í gegnum allt kerfið,
en það er mjög ánægjulegt að þessu
sé lokið,“ segir Kjartan.
Aðspurður segir Kjartan kostnað-
inn við framkvæmdirnar vera fjórar
til fimm milljónir króna.
Kjartan segir framtíðarskipu-
lagstillögur fyrir laugina enn gera
ráð fyrir byggingu sundlaugarhúss
með innisundlaug og líkamsræktar-
stöð. Ráðið muni funda um fram-
gang þess máls í nóvember. - kg
Smíði stálþils milli grunna og djúpa hluta Vesturbæjarlaugarinnar lokið:
Hlýrri barnalaug í Vesturbæ
STÁLÞIL Kjartan Magnússon
borgarfulltrúi taldi ekki loku
fyrir það skotið að hann myndi
vippa sér ofan í hlýja barnalaug
þegar vatnið væri komið ofan í.
Starfsmenn laugarinnar munu
prófa sig áfram með hitastigið
næstu daga.
FR
ÉTTA
B
LA
Ð
IÐ
/A
N
TO
N

STÓRIÐJA Álfyrirtæki á Íslandi
greiddu samtals um 1,9 milljarða
í tekjuskatt og tryggingagjald á
síðasta ári. Þetta segir Indriði H.
Þorláksson, aðstoðarmaður fjár-
málaráðherra og fyrrverandi
ríkisskattstjóri, og vísar til upp-
lýsinga frá embætti Ríkisskatt-
stjóra.
Fjármálaráðuneytið óskaði
eftir upplýsingum um þetta eftir
að haft var eftir Tómasi Má Sig-
urðssyni, forstjóri Alcoa á Íslandi,
í Morgunblaðinu að beinar skatt-
greiðslur fyrirtækisins í fyrra
hefðu numið um fjórum milljörð-
um króna, að ónefndum hafnar-
gjöldum og raforkureikningum.
„Ég veit ekki hvað Tómas Már á
við,“ segir Indriði. „En við báðum
bara um upplýsingar frá Ríkis-
skattstjóra, um hver álagning-
in á álfyrirtækin hefði verið í ár
og í fyrra, því að þessi stóra tala
kom okkur dálítið spánskt fyrir
sjónir miðað það sem við töldum
okkur vita.“
Í ljós hafi komið að í fyrra hafi
öll álfyrirtæki á Íslandi greitt
samtals 1.335 milljónir í tekju-
skatt og 566 milljónir í trygg-
ingagjald, samtals 1.901 milljón.
Fyrirtækin eru átta ef bæði eru
talin rekstraraðilarnir og eignar-
haldsfélögin sem þá eiga. Ekki
fæst gefið upp hversu mikið ein-
stök fyrirtæki greiddu í skatt.
Tómas Már segir að hægt hafi
verið að misskilja það þegar
hann hafi talað um beinar skatt-
greiðslur í viðtalinu í Morgun-
blaðinu, þar sem hann brást við
ræðu félagsmálaráðherra á árs-
fundi ASÍ.
„Ég var að tala um beinar tekj-
ur opinberra aðila af starfsemi
Alcoa Fjarðaáls, í gegnum hinar
ýmsu leiðir sem skatturinn berst
opinberum aðilum,“ segir Tómas.
Þar eigi hann meðal annars við
skattgreiðslur af launum starfs-
manna, gjöld sveitarfélaga og
fleira.
Að teknu tilliti til þess standi
upphæðin, tæpir fjórir milljarð-
ar, óhögguð. Inni í þeirri tölu séu
hafnargjöld. Þá eigi hins vegar
eftir að taka saman afleiddar
skatttekjur af þjónustunni sem
þeir kaupa annars staðar, en Alcoa
Fjarðaál keypti þjónustu fyrir um
tíu milljarða í fyrra. Raforkukaup
séu einnig undanskilin. „Þannig
að þetta er í raun miklu meira
þegar allt er talið,“ segir Tómas.
stigur@frettabladid.is
Skattar álfyrirtækja
1,9 milljarðar í fyrra
Álfyrirtæki á Íslandi greiddu samtals 1,9 milljarða í tekjuskatt og tryggingagjald
í fyrra. Fjármálaráðuneytið óskaði upplýsinga um þetta eftir að forstjóri Alcoa
sagði í viðtali að fyrirtækið hefði greitt um fjóra milljarða í beina skatta í fyrra.
ÁLVER ALCOA Í REYÐARFIRÐI Tómas Már segir að það standi óhaggað að beinar
tekjur opinberra aðila af starfsemi álversins hafi verið tæpir fjórir milljarðar í fyrra.
MYND/ALCOA
INDRIÐI H.
ÞORLÁKSSON
TÓMAS MÁR
SIGURÐSSON
SAMFÉLAGSMÁL Um fimm þúsund
íslensk börn eru lögð í einelti á
hverju ári, að meðaltali tvö börn í
hverjum bekk í grunnskóla. Þetta
sýna rannsóknir. Í gær var blásið
til sérstaks átaks gegn einelti á
vegum samtakanna Heimilis og
skóla, undir yfirskriftinni Stoppum
einelti strax.
Forsvarsmenn átaksins segja að
aldrei sé eins mikilvægt og nú að
vera vel á verði gagnvart einelti.
Líklegt sé að fórnarlömbum ein-
eltis fjölgi í þjóðfélagsástandi eins
og því sem nú ríkir, vegna þess að
ójöfnuður og fátækt séu þættir sem
öllu jafna ýta undir einelti.
Afleiðingar eineltis geti fylgt
þolendum alla ævi, þeir séu lík-
legri til að eiga við geðræn vanda-
mál að stríða, flosni upp úr námi
og eigi oft erfitt með að fóta sig á
vinnumarkaðnum. Þá séu sjálfs-
víg algeng og afleiðingarnar hafi
sums staðar brotist út í því að þol-
endurnir hafi ráðist á skólafélaga
sína. Dæmi um það séu skotárásir í
erlendum skólum. Þá séu gerendur
líklegri en aðrir til að stríða við
andfélagslega hegðun á fullorðins-
árum, fremji frekar glæpi og neyti
fíkniefna.
Langstærstur hluti þeirra for-
eldra sem leita til Heimilis og skóla
á ári hverju gerir það vegna þess að
börn þeirra eru lögð í einelti. - sh
Fátækt og ójöfnuður sem fylgir ríkjandi þjóðfélagsástandi ýtir undir einelti:
Fimm þúsund börn eru lögð í einelti
ÁTAKINU ÝTT ÚR VÖR Sjöfn Þórðar-
dóttir, formaður Heimilis og skóla,
afhenti Ögmundi Jónassyni, fyrrverandi
heilbrigðisráðherra, og Ingibjörgu
Baldursdóttur, móður pilts sem svipti sig
lífi vegna eineltis, nýtt fræðsluhefti um
einelti. FRÉTTABLAÐIÐ/ANTON
HEILBRIGÐISMÁL Staðfest var í gær
að nokkur svín á svínabúinu að
Minni-Vatnsleysu væru sýkt af
svínaflensu. Ekki verður gripið
til sérstakra ráðstafana vegna
þessa, að öðru leyti en því að
reynt verður að einangra pestina
við þetta tiltekna svínabú. Ljóst
þykir að svínin hafi sýkst vegna
umgengni við veikt starfsfólk.
Engar líkur eru á að veikjast við
það að neyta svínakjöts.
Átta liggja nú á gjörgæslu
vegna svínaflensunnar. Alls eru
tæplega fjörutíu á spítala vegna
flensunnar, sem er þó í rénun að
mati Haraldar Briem sóttvarna-
læknis. - sh
Smituðust af starfsfólki:
Svínin eru með
svínaflensuna
LÖGREGLUMÁL Talið er mögulegt að
stórbruni í gamla fiskmarkaðnum
á Grundarfirði í lok ágúst tengist
umfangsmiklu mansalsmáli sem
lögreglan á Suðurnesjum rann-
sakar nú. Þetta kom fram í frétt-
um RÚV í gær.
Einn mannanna sem nú situr í
gæsluvarðhaldi vegna mansals-
málsins keypti helming fiskmark-
aðarins í ágúst og er nú grunaður
um að hafa kveikt í til að svíkja út
tryggingar.
Rannsókn á mansalsmálinu
kom upp þegar nítján ára litháísk
stúlka kom hingað til lands fyrir
rúmum tveimur vikum. Það hefur
síðan undir mjög upp á sig og
snýst nú um skipulagðra glæpa-
starfsemi á mörgum sviðum. Sjö
eru nú í varðhaldi vegna þess. - sh
Meint svik á Grundarfirði:
Bruni tengdur
mansalsmálinu
HAAG Réttarhöld yfir Radovan
Karadzic, fyrrverandi leiðtoga
Bosníuserba,
hófust í gær
þrátt fyrir
fjarveru sak-
borningsins.
Karadzic lét
ekki sjá sig í
réttarsalnum
annan daginn
í röð. Hann
hyggst verja
sig sjálfur og
segist þurfa marga mánuði til
viðbótar til að undirbúa sig.
Dómari sagði að Karadzic hefði
ákveðið að nýta sér rétt sinn til
að vera fjarstaddur og þyrfti að
taka afleiðingunum af því. Í kjöl-
farið fluttu sækjendur opnunar-
ávörp sín. Karadzic á lífstíðardóm
yfir höfði sér verði hann fundinn
sekur um þjóðarmorð, stríðs-
glæpi og glæpi gegn mannkyninu
í Bosníustríðinu 1992 til 1995. - sh
Skrópaði annan daginn í röð:
Hafist handa
án Karadzic
RADOVAN KARADZIC
VINNUMARKAÐUR Enn var ekki
komið í ljós hvort kjarasamning-
ar á almennum vinnumarkaði
yrðu framlengdir þegar Frétta-
blaðið fór í prentun í gærkvöldi.
Þó töldu forsvarsmenn Samtaka
atvinnulífsins og Alþýðusam-
bandsins það líklegra en hitt. Á
ellefta tímanum biðu þeir eftir
Steingrími J. Sigfússyni fjár-
málaráðherra og lokatexta yfir-
lýsingar stjórnvalda varðandi
stöðugleikasáttmálann.
Viðræður þokuðust lítið áfram
fram eftir degi í gær og svart-
sýni ríkti. Nokkur skriður komst
á málið þegar stjórnvöld höfðu
tekið tillit til nokkurra þeirra
atriða sem staðið höfðu í vegi
fyrir því að stöðugleikasátt og
samningar lifðu kvöldið. - shá
Stöðugleiki og samningar:
Líklegt talið að
samningar haldi