Fréttablaðið - 28.10.2009, Qupperneq 6

6 28. október 2009 MIÐVIKUDAGUR
Open source
Minni framleiðni
Aukinn kostnaður
Tæknilausnir
Nýsköpun
Verð og virði
Tækifæri
Trúarbrögð
Hugbúnaður
Kerfisrekstur
Veruleikinn
Er opið alltaf rétt?
Ráðstefna föstudaginn 30. október 2009
> Stærsta ráðstefnan sem haldin hefur verði
hérlendis um heitasta málefni
upplýsingatækninnar um þessar mundir!

> Felur opinn hugbúnaður í sér einhverja þá lausn
sem fyrirtæki geta nýtt sér?

> Hvað ber að varast í opnum hugbúnaði og hvenær
er séreignarhugbúnaður rétta leiðin án spurningar.
Ráðstefnan er opin öllum og er haldin í
Rúgbrauðsgerðinni, Borgartúni 6.
Ráðstefnugjald er 9.500 kr.
Fyrir félagsmenn FT og nema er
ráðstefnugjaldið 3.500 kr.
Dagskrá og skráning á http://www.ft.is
Síðustu forvöð að skrá sig!
SAMGÖNGUMÁL Umhverfis- og
samgönguráð Reykjavíkur hefur
stofnað starfshóp sem finna á
leiðir til að gera Reykjavík for-
ystuborg í rafbílavæðingu. For-
svarsmenn borgarinnar telja
kjöraðstæður fyrir hendi til að
gera borgarbúum fært að reka
rafbíla á hagkvæman hátt.
Starfshópurinn mun gera
áætlun um rafbílavæðingu og
kanna aðstæður til að innleiða
hleðslukerfi í borginni. Kostur-
inn við raforkuna er að hún er
innlend, endurnýjanleg, ódýr
og einnig mun draga verulega
úr loft mengun og losun gróður-
húsalofttegunda, eins og segir í
tilkynningu frá borginni.
Hópurinn á að skila skýrslu
ásamt tillögum í mars næstkom-
andi. - shá
Samgöngur í borginni:
Reykjavík leiði
rafbílavæðingu
FRAMTÍÐARSÝN Borgaryfirvöld telja
raunhæft að Reykjavík leiði rafbílavæð-
ingu. FRÉTTABLAÐIÐ/AUÐUNN
ORKUMÁL Mikil óvissa ríkir um hve
mikla orku úr jarðhita er að finna
á Reykjanesinu og það er óheppi-
legt þegar rætt er um að öll orka
fyrir álverið í Helguvík þurfi að
koma af Reykjanesinu sjálfu, segir
Guðni A. Jóhannesson orkumála-
stjóri. Slík nálgun leiði ekki af sér
sjálfbæra nýtingu jarðhitakerfis-
ins.
„Við viljum ekki endilega taka
eitt eða tvö jarðhitasvæði og full-
nýta þau fyrir eitthvert eitt iðn-
fyrirtæki. Við viljum hafa fleiri
svæði á land-
inu undir, þar
sem er verið að
virkja og þróa
sig áfram hverju
sinni. Við vilj-
um byrja á því
að virkja fleiri
jarðhitakerfi og
gera það hægar.
Eftir því sem
við virkjum þau
hægar þeim mun
betra. Við virkjum minni áfanga í
einu og lærum á svæðið áður en við
bætum við,“ segir hann.
Annað myndi gilda ef um vatns-
aflsvirkjanir væri að ræða, þar
sem orkuöflun úr þeim megi
reikna auðveldlega út.
„En það er í raun ekkert vitað
[um orkumagnið] fyrr en byrjað
er að virkja. Ef við skoðum virkj-
unarsögu Hengilsins sýnir hún
að sum verkefni hafa gefið minna
af sér en spár gerðu ráð fyrir, en
önnur meira,“ segir Guðni. „Það
eina sem við höfum á að byggja er
reynsla okkar þaðan sem nú þegar
er búið að virkja.“
Mikil óvissa er um
orkuna á Reykjanesi
Orkumálastjóri er ekki hrifinn af því að rætt sé um að knýja Helguvík einungis
með orku af Reykjanesi. Því hægar og víðar sem farið sé í jarðhitanýtingu,
þeim mun betra. Ágeng orkunýting þurfi ekki endilega að vera ósjálfbær.
VIRKJAÐ Á REYKJANESI Orkumálastjóri telur óheppilegt að ræða um að öll orka
fyrir álver í Helguvík komi frá Reykanesinu, enda séu miklir óvissuþættir tengdir
jarðhitanum. FRÉTTABLAÐIÐ/VALLI
GUÐNI ALBERT
JÓHANNESSON
Spurður hvort sjálfbærni sé höfð í
hávegum í núverandi orkunýtingu á
Reykjanesi eða hvort þar sé stunduð
svokölluð ágeng nýting, segir orku-
málastjóri:
„Ágeng jarðvarmavinnsla er hugtak
sem var fundið upp nýlega og þýðir
að jarðhitakerfi eru nýtt þannig að
þau til dæmis kólna með tímanum
en eru svo hvíld og notuð aftur. Þetta
er önnur aðferð en að nýta jarðvarma-
kerfi þannig að þau kólni ekki og
geti skilað sama afli yfir langan tíma.
Það er hins vegar ekki gefið að ágeng
vinnsla sé ekki sjálfbær ef hún er
gerð með hléum. Þetta er í raun bara
öðruvísi vinnsluaðferð.“
Hann tekur dæmi af Strokki:
„Þegar hann er látinn gjósa í ein-
hvern tíma er það ágeng vinnsla
þangað til hann endurfyllist átta
mínútum síðar.“
Fylgst sé með nýtingunni á hverj-
um stað og þess gætt að ekki komi
til þess að orkuvinnslan detti niður
vegna ofnýtingar.
HVAÐ ER SJÁLFBÆRNI?
Reynslan af jarðhitavirkjunum
síðustu tíu ára eða svo gefi þó til-
efni til bjartsýni. Hún hafi gengið
mjög vel.
„Við höfum fengið meira úr
jarðhitavirkjunum frekar en
hitt, þótt það hafi verið breyti-
legt í einstökum virkjanaáföng-
um. Við getum sagt að þegar við
förum að virkja svæðin sjáum við
meiri möguleika í þeim en áður,“
segir hann. klemens@frettabladid.is
STJÓRNMÁL Þing Norðurlandaráðs
stendur nú yfir í Stokkhólmi.
Þingið sitja
alþingismenn-
irnir Helgi
Hjörvar, Sig-
ríður Ingibjörg
Ingadóttir,
Guðfríður Lilja
Grétarsdóttir,
Ásmundur
Einar Daðason,
Siv Friðleifs-
dóttir, Bjarni Benediktsson og
Illugi Gunnarsson auk nokkurra
ráðherra.
Ísland fer með formennsku
í Norðurlandaráði á næsta ári
og verður næsti forseti þess
íslenskur. Samkvæmt upplýsing-
um Fréttablaðsins verður það
að öllum líkindum Helgi Hjörv-
ar, þingmaður Samfylkingarinn-
ar. Hann er nú formaður Íslands-
deildar Norðurlandaráðs.
Norðurlandaráðsþing verður
haldið í Reykjavík að ári. - bþs
Þing Norðurlandaráðs:
Helgi Hjörvar
næsti forseti
HELGI HJÖRVAR
Sótti vélarvana bát
Eitt af björgunarskipum Landsbjargar,
Húnabjörgin frá Skagaströnd, var kall-
að út á níunda tímanum í gærmorg-
un vegna vélarvana báts. Húnabjörgin
kom að bátnum á ellefta tímanum og
tók hann í tog. Skipin komu til hafnar
á Skagaströnd síðdegis. Báturinn var
á línuveiðum á Kolkugrunni um 35
mílur úti af Skagaströnd.
ÖRYGGISMÁL
LÖGREGLUMÁL Hæstiréttur hefur
staðfest gæsluvarðhaldsúrskurð
yfir manni sem grunaður er um
að hafa flutt hingað til lands ríf-
lega 760 grömm af amfetamíni
23. október síðastliðinn. Maður-
inn mun sitja í varðhaldi til 2.
nóvember hið minnsta.
Maðurinn var handtekinn við
komuna til landsins frá Kaup-
mannahöfn og við skoðun á
honum komu fram vísbendingar
um að hann hefði haft eitthvað
límt við líkama sinn, sem hann
hefði losað sig við áður en hann
fór í gegnum tollhliðið. Fíkni-
efnin fundust svo á salerni flug-
vélarinnar. - sh
Úrskurðaður í gæsluvarðhald:
Faldi fíkniefni á
flugvélarsalerni
KJÖRKASSINN
Á ríkið að kaupa af bönkunum
listaverk sem talin eru mikilvæg
fyrir íslenska listasögu?
Já 39%
Nei 61%
SPURNING DAGSINS Í DAG
Hefur svínaflensan áhrif á
neyslu þína á svínakjöti?
Segðu skoðun þína á visir.is.
NÍGERÍA Yfirvöld í Nígeríu hafa skorið upp
herör í baráttunni gegn netsvindli – svoköll-
uðum Nígeríubréfum – sem streymt hafa frá
landinu síðustu ár.
Lögregluyfirvöld í Nígeríu segjast þegar
hafa lokað þúsund vefsíðum sem geyma
slíka bréf og handtekið átján manns.
Aðgerðin, sem gengur undir nafninu
Aðgerð Arnarkló, er nýhafin og búist er við
að hún verði komin á fullt á næsta ári. Lík-
legt þykir að mun fleiri verði handteknir.
Fullvíst er talið er að þeir sem standa að
baki bréfunum hafi haft margar milljónir
dollara upp úr krafsinu.
Aðgerðin er að sögn Farida Waziri, for-
manni nefndar gegn viðskipta- og efnahags-
glæpum, ekki einungis hugsuð til að koma í
veg fyrir netglæpi heldur einnig til að reyna
að endurvekja orðspor Nígeríu sem hafi
orðið illa úti vegna Nígeríubréfanna.
„Aðgerðin mun koma Nígeríu af lista
yfir þau lönd þar sem mest netsvindl er
stundað,“ sagði Waziri.
Hún segir yfirvöld í Nígeríu starfa með
tölvurisanum Microsoft til að uppræta bréf-
in og býst við að hægt verði að stöðva allt að
fimm þúsund ný svindlbréf í hverjum mán-
uði. Þá býst hún við að senda yfir 230 þús-
undir tölvupósta í hverjum mánuði þar sem
varað verður við Nígeríubréfunum. - kh
Baráttan gegn netsvindli nær nýjum hæðum í Nígeríu með aðgerð Arnarkló:
Stjórnvöld skera upp herör gegn Nígeríubréfum
NÍGERÍUBRÉF Svindlbréf frá Nígeríu hafa oft ratað
hingað til lands. Yfirleitt er fólki lofað gull og grænir
skógar í staðinn fyrir smá viðvik sem reynist hins vegar
vera svik.