Fréttablaðið - 28.10.2009, Síða 18

28. OKTÓBER 2009 MIÐVIKUDAGUR
Áður en þeir Mikael Torfason
og Óttar M. Norðfjörð mæta í
hús slær blaðamaður nöfnum
þeirra beggja saman í leitar-
vélinni google. Í ljós kemur
gömul bloggfærsla skrifuð af
Óttari árið 2005 þar sem ekki
er farið fögrum orðum um
Mikael sem þá var ritstjóri DV.
Tilefni bloggskrifanna er haus-
kúpa sem þáverandi menningar-
ritstjóri DV gaf fyrstu bók Óttars
í stað stjarna. DV fór ekki mjúkum
höndum um ungskáldið og Óttar
kunni Mikael litlar þakkir fyrir.
Óttar átti þó eftir að fá verðskuld-
að hrós fyrir seinni bækur sínar og
ekki lítið af því. Báðir skella upp
úr þegar þetta mál er nefnt enda
meiri menn en svo að þeir nenni að
eltast við það sem löngu liðið er.
„Ég hef fylgst með Óttari allt
frá hauskúpunni,“ segir Mikael og
sú ályktun sem hann hefur dregið
er: „Óttar virðist vera svona ná-
ungi sem getur allt, skrifar fagur-
fræðilegt bókmenntaverk ef hann
langar og ef hann langar að skrifa
glæpasögur þá gerir hann það bara
og miðar sig við þá allra bestu í
bransanum, hvort sem það er nú
Dan Brown eða einhver annar,
og skrifar enn betri bók,“ segir
Mikael en gagnrýnendur hafa líkt
tveimur bókum Óttars við Da Vinci
lykilinn nema tekið fram að Óttar
sé færari.
„Þetta verður fyrirsögnin,“
segir Óttar eftir lofræðuna. En
bætir fljótlega við: „Þú ert nú eitt-
hvað að gulllita mig. Það er hell-
ingur af hlutum sem ég get ekki,“
segir hann og útskýrir að hann
gæti aldrei skrifað bækur áþekkar
töffarabókmenntum Mikaels. „Ég
hef bara enga reynslu eða þekk-
ingu af þeim heimi sem hann skrif-
ar um.“
Sjö ár hafa liðið frá því að síð-
asta bók Mikaels kom út. Hann
segir ástæður þess hve langt leið á
milli bóka hans Samúels og þeirrar
nýjustu, Vormanna Íslands, vera
sjálfsleit auk þess sem hann hafi
átt í ástar- og haturssambandi við
rithöfundarstarfið. Um tíma hafi
hann helst langað að hætta skrif-
um og læra hjúkrun svo hann
gæti verið fullviss um að verða
samfélaginu til gagns.
Í nýrri bók Mikaels er sögu-
maðurinn fyrrverandi ritstjóri Dag-
blaðsins og leitað er fanga í ýmsum
fréttamálum. Óttar hefur lesið bók-
ina og segir hana heillandi blöndu
játninga, ævisögu „og svo hörku-
góðrar skáldsögu“. „Íslendingar
hafa líka aldrei haft áhuga á hrein-
ræktuðum skáldsögum. Við þolum
þær ekki,“ segir Mikael og vitnar
í Guðberg Bergsson, sem eitt sinn
sagði að Íslendingar vildu helst lesa
sögur með símaskrána sér við hlið.
Hann bendir því næst á það hvern-
ig fólk hefur lesið Íslendingasögur
og bækur á borð við Engla alheims-
ins og Djöfla eyjuna.
Paradísarborgina segir Óttar
svo nátengda reynslu sinni, sagan
segir frá manni sem flytur inn til
bróður síns eftir að að hafa misst
föður sinn en hvort tveggja hefur
Óttar nýlega gengið í gegnum.
„Mér finnst gaman að læra á nýjar
tegundir bóka. Næsta bók sem ég
skrifa verður samt alltaf blanda af
því sem ég hef áður skrifað.“
Báðir gagnrýna þeir þá tilhneig-
ingu að tengja bækur sjálfkrafa
annað hvort við fagurfræði eða
spennu. Líkt og aðeins sé hægt að
miða við Laxness eða Arnald.
Ástæðan fyrir því að Óttar seg-
ist hafa skrifað spennusögur hafi
verið sú að hann hafi verið sann-
færður um að lítið mál væri að
skrifa bækur sem studdust við
formúlu en komist að hinu gagn-
stæða. Ólíkt því sem gerist í fagur-
fræðilegum skáldverkum þurfi allt
að ganga upp og ekki dugi að skilja
lesandann eftir með torræðan endi.
Um tíma hafi listin og hið torskilda
þótt svo fínt í íslenskum bókmennt-
um að það hafi verið að ganga að
bókinni dauðri. Bækur eigi að geta
verið skemmtilegar en um leið rist
för í huga lesenda.
Þolum ekki skáldsögur
Mikael Torfason og Óttar Norðfjörð hafa báðir sent frá sér fjölda skáldsagna og staðið fyrir fjölbreytilegri útgáfu þrátt fyrir að
vera í yngri hópi rithöfunda. FRÉTTABLAÐIÐ/VILHELM
● STEPHEN KING „Aðeins óvinir segja sannleikann; vinir og elskendur ljúga
stanslaust, þeir eru fastir í vef skyldurækninnar.“
Stephen King (1947- ) er bandarískur rithöfundur. Hann hefur skrifað fjölda
skáldsagna sem margar hverjar hafa verið kvikmyndaðar með misjöfnum árangri.
Meðal þekktustu verka hans eru The Green Mile, The Shining, It og Misery.
Útgefandi: 365 miðlar ehf., Skaftahlíð 24, s. 512 5000 l Umsjónarmaður auglýsinga: Hlynur Steingrímsson hlynurs@365.is s. 512 5439
● FYRSTA SKÁLDSAGAN Maðurinn hefur sagt sögur frá örófi alda, það er vitað með vissu. Mikil óvissa og
deilur eru þó um hvenær fyrsta skáldsagan verður til. Á Vísindavefnum er ýmsum skilgreiningaratriðum
velt upp og leitað fanga við að finna út hvaða skilyrði sögur þurfa að uppfylla til að kallast skáld-
sögur.
Ef skáldsagan er skilgreind sem frásögn af fólki sem er líkara venjulegu
fólki en persónum úr epískum hetjuljóðum, má segja að fyrstu varðveittu
skáldsögurnar séu frásagnir frá 1. öld eftir Krist, sem voru samdar á latínu
og lýsa lífi og háttum fremur lágt settra einstaklinga í samfélaginu, annars
vegar Satýríkon eftir Petróníus og hins vegar Gullasninn eftir Apúleius.