Nýtt kirkjublað - 15.04.1908, Side 2

74
NÝTT KIRKJUBLAÖ
hann tortryggilegan í augum lýðsins, ofssekja hann á alla
vegu og linna ekki látum fyrri en þeir hafa tekið hann
höndum og framselt hann bundinn i hendur Pílatusi. Það
voru þeir sem þar bera lognar sakir á hann og æsa múginn
gegn honum svo að hinn þreklausi Pílatus þorir um síðir
ekki annað en framselja hann til lífláts, þótt hann sé sann-
færður um sakleysi hans.
Alt þetta er harla eftirtektavert, svo sorglegt sem það
er, en verður þó enn eftirtektaverðara, þegar jafnframt er
gætt hins; fyrir hverjar sakir þeir hata hann og ofsækja.
Fyrir hvað hata þeir hann og ofsækja?
Þeir hata hann og ofsækja fyrir það fyrst og fremst, að
hann hefir aðrar sTtoðanir á trúarbrögðunum en þeir.
Þeim gramdist það auðvitað líka, að allur almenningur hafði
meiri mætur á kenningu hans en þeirra. En hitt var þó
aðalástæðan. Flest annað hefðu þeir getað fyrirgefið, en þetta
gátu þeir ekki fyrirgefið og það, að hann skyldi halda þessum
skoðunum sínum fram opinberlega.
Þeir álitu engar skoðanir réttar nema sínar. Þeir álitu
Jesúm, er hann kendi gagnstætt þeim, fjandmann hins sanna
guðs, hinnar sönnu guðsdýrkunar og hinnar sönnu guðrækni,
og fyrir því álitu þeir og baráttu sína gegn Jesú baráttu fyrir
guði og hans heilaga málefni, baráttu, sem því hlyti að vera
heilögum guði velþóknanleg. Þeir álita sig vera að berjast
fyrir sannleiksmáli guðsrikis, — en hitt dylst þeim, svo blind-
aðir sem þeir eru, að þeir eru að berjast fyrir eigin
skoðunum sínum, þeim skilningi á guði og hans vilja, sem
þeir álitu einan réttan.
Jesús kemur með nýja guðfrceði, sem kemur i bága
við hina gömlu guðfræði þeirra.
I sannleikans nafni, — i nafni guðs allsherjar máttu
þeir til með að rísa öndverðir gegn hinni nýju guðfræði
Jesú.
Jesús er í augum þeirra vantrúar-guðfræðingur, og það
af lakasta tagi, fjandmaður hinnar einu réttu og sönnu trúar
og þá líka fjandmaður guðs.
Og slíkur maður álitu þeir að mœtti ekki Iifa.
Þess vegna er Jesús handtekinn, ákærður, hæddur og
meiddur og að síðustu dæmdur, negldur á kross og deyddur!